HEPRĀI 13:5 - TÖHET LĪPÖRE (Re-edited) Bible (BSI)

⁵ Ui aṅhaṅv-in tö hanāngen tö rupīö, ngāichö ṙôngònglōn tö nup in yīö inlānen: pòn ngö ṙô Anga-aṅ, Öthōḵ Chin löhlö tö meh ötrēhĕn Chin min löktu ṙāngen meh.

HEPRĀI 13:5 Referans Kwoze

I. CHÖNGÖ 31:8

Ngam Mā Tēv, anga-aṅ kumröönngöre nö urēhĕkūö meh; in meh an min, öt hō an min nö öt teunglentītö meh, öt hō nö rāngen meh: um pa-ekūö, um rĕhĕn ngāng alaha.

YÔSUĀ 1:5

Öt hĕngtak min tarik tökô nö sökhak nö i kūö meh i rô-òtö sakāmö meh aṅ: sā chu misī in Môsös, ngatī chū-ö min in meh: öt hō chin min öt teung in meh, öt rēhĕn ṙāngen, meh.

I. CHÖNGÖ 31:6

Ngëtöhëch hangë alahare inrē, un pa-ekūö, unrēhĕn rāilö alaha tö cha: tön ngam Tēv meh an ngam Mā Tēv, anga-aṅ an kumrööngöre nö in meh; öt hō an nö öt teunglen tī tö meh, öt rēhĕn nö ṙāngen meh.

1 SAMUĔL 12:22

Tön öthō an ngam Mā Tēv nö ṙāngö vē tarikre tökūö ngam tökiröng mi ne-eny ò: pò e nö kumchiklōn ngam Mā Tēv nö vīlen yīö öi tarik ò.

Isayā 41:17

Chöh mak öp yāich öp tö hāṅten inrē ngaich rö-övö angū-ö, kavôṙa litāk cha-a ngaich kūö yanālöre; ngaich chū-ö min samap ṙô cha öich Mā Tēv, chū-ö Tēv Israĕl min öich öt ṙāngen cha.

1 KINṘÖTNGÖ 28:20

Ngaich ngö ṙô Tāvit tök kūönre Sòlòmön, Hangë-eṅre man um pa-ekūö inrē, la-evṙen tö e. Um pa-ekūö, um ngangngö kūö; tön in meh an ngam Mā Tēv, ngam Tēv chu, Öthōḵ an nö öt teung nö in meh hēk öthō nö ṙāngen meh, hanöng saha nup la-en i ngam patī ngam Mā Tēv nö keuheūten.

Salmai 37:25

Ayal chin misī, ngaich chin töngamuh köiny: ngaich sön öich öt hĕng tak maheuṅk tö tölöök nö ṙā-ai, ötrēhĕn yip kūön ò nö icheūkö nya-aṅkūöre.

Isayā 41:10

Uh man pa-ekūö, tön in meh chin; um ngangngökūö, tön chū-ö chin Tēv meh: hangëṅlen meh chin min; hôṅ, holṙen meh chin min; hôṅ, ṙapken meh chin min aṅtī tö lahāmö kël ngam lanöökö chu.

Ranehlö 28:15

Yĕhmeuk, in meh Chin, aṅten meh min ip töng kū-ö meh kiröönngöre, ngaich kēten meh min hēk i ngih panam; pò Chu öthòṅ ṙāngen meh, hanöngsaha kinheūnten chu töp ṙô Chu in meh.

T. MËTIV 6:25

Lökten Chin ngö ṙô tö yīö, Uh yin piṙūtkö nômöre tö ap nya-aṅ yīö min, hēk tö ap òk yīö min. Ui piṙūtkö ngam alaha inrē, tö ap kinṙum e min. Röh öng ngam nômö nö mööḵlö tö nyā-aṅ kūö? Röh öng ngam alaha nö mööḵlö tö hilā?

Salmai 37:28

Tön hāngenlōn an ngam Mā Tēv tö inkaha fālen, öt ṙāngö yip töhetre inrē; örheūheu yip nö aṅtu: rökiṙen pöri min yip kūön yip tötlöök.

T. MËTIV 6:34

Uh yin lökten piṙūtkö öp huṙöich. Pumṙūtkenre an angū-ö huṙöich. Tökô-ònglōn nun në sakāmö, tö ötkanôlòre.

KÒLÒSĪ 3:5

Lökten kumpahngö nup tūmö alahare më-el tumlat, Chinô-òṅkānö, töchōich, sinṙakngölōn, tötlöök lōn, ngam yinikhanga inrē, ngam vinë-ekūö insātēv.

T. LŪKÖS 3:14

Sitih inlaha öi pökeh ihö? Ngö ṙô yik kumyung tö ò; ngaich ngö ṙô anga-aṅ tö cha, Ui chökhuṙen tö tarik; ui rēhĕn kahë-ev öi ötlöknyu chööḵnyi, höng ngāichölōn tö nup töng raneushöre.

ISIKĪ-ĔL 33:31

Ngaich yih cha-a nö in meh nö sā tarik yamih, ūichngöre ngaich cha-a nö i kuö meh nö sā tarik chu, ngaich cha-a nö hangṙô meh hö-ö pöri min cha-a nö kēken e; pòn i minuhre cha-a nö hameuktö tökiröng hanāngenlōn, kētu pöri öp ellōn cha nö i taneūngen cha.

Salmai 119:36

Hachōtö ellōn chu i minë chöngö Meh: un im yinikhanga.

2 PĪTÖR 2:14

Höng matnyöre tö tötööḵlö tö insĕha, öp tötkô nö ṙā-angre nö i tökööl; hachōḵngen yip töng öt köp tarik, ellōnu tö töharūnö nö im yinikhanga; kūön ramūtngövah;

1 TIMÒTĪ 3:3

Öt lamā-alkūö, öt töchökhuti, öt kësen, töṙēm pöri, öt lā-alkūö, öt töhāngen tö rupīö,

EFISÖS 5:5

Akahalōn takô yin tö ma-asĕhha, tö chōich tarik, yamikhanga ngòh vamë-ekūö insā tēv nö öt amīnuvö tö ngam pūlngö Kristū, ngam Tēv inrē.

2 PĪTÖR 2:3

Im yinikhanga min cha-a nö holtö inchīl ṙô ngaich vīten yīö tö-inyihka: yip tö inchöku ha-eheten misī nö öt sökngöre, öt haṙòhlö öp pinyāingö cha.

YERIMIĀ 6:13

Löktökūö tökūönö söl i yip tökiröng kūö cha, ṙòkhöre yin nö töyal tö michūṙen taneūngen; löktökūö, pròfĕt inrē söl I kūönṙô, ṙòkhöre yin nö michūṙen nö i la-en re.

Salmai 10:3

Pò ngòh tötlöök nö eū-eure nö i nup lōnre: pò ngam yamikhanga nö hakôlöngṙô, hôṅ, ötlēka elnang ngam Mā Tēv.

MANEUTNYI 2:21

Ngaich ang Môsös nö hō nö iyöng in ök tarik, ngaich angā-aṅ, nö kēten Siporā, ök kikānö kūön ò, nö in Môsös.

EFISÖS 5:3

Sā yīö töhet, un minënyuvö nö in yīö, insĕhha, taṙòkhöre töchōich, yinikhanga inrē;

1 KÒRIN 5:11

Ngaich pöri chū-ö töngamuh kūichhöti, in yīö, öi uh hanôl, yĕn tarīkuvö chamô-òṅkānö öp tö minënyu nö ngaich nö kisānö, yamikhanga, vame-ekūö insātēv, töt lamëkôre, mihiyōi-aṅ, hēk kamil; un nyā nö holkūö töngatī.

T. LŪKÖS 8:14

Nup famuk ël nup töchökhukūö, cha-a yip hamang, ngaich yē rô-òten cha, ngaich nup kanôlò, lōn ane inrē minyam, nö rāingökui tī tö cha; ngaich öt taneūnguṙen cha-a tö ṙòng.

T. MĀKÖS 7:22

Insĕhha, yinikhanga, ötlanöökö, inchīlö, ötmīṙē-ĕv, kumnyah elmat; öt linëkô, inkeūlen, ötmikah.

MANEUTNYI 20:17

Uh man yikngö patī holre, uh man yikngö pīhö holre, un rēhĕn öp tarik ò kikōnyö, un rēhĕn öp tarik ò kikānö, un rēhĕn öp köttö ò, un rēhĕn nup töng chëhen öp hol meh.

NGAM LĪPÖRE KAHŪICH YŪT 1:11

Töt kôlò yin cha-a! pò cha ngaich nö lök el talöökö Kēn, ngaich inrē nö ahôhangen nö fal im vanāichö Pēlam pòn hòṅ haṙāyö, ngaich ötkôlò i inhôngôre tö Kōrah.

1 KÒRIN 6:10

Mu-ulāiya, yamikhanga, mihiyōi, töt lamëkôre, öt rēhĕn kamil min nö amīnu tö ngam pūlngö ngam Tēv.

RŌMA 1:29

Pòn tööḵlö tö nup michūṙen, öt lanöökö, yinikhanga, tanāinyö; tööḵlö tö kumnyah elmat, finël tarik, kinsōlö, inchīlö, inngëṙö;

YÔSUĀ 7:21

Hē chu meuk nuk tölöök i nuk tökē-ĕ chehen, kinṙum aṅ Pēpilön, nëtòng siköl rupīö, ngaich hĕng michūöṙö humlum taneūi anāi siköl lumngan, ngaich yikngen u chū-ö, ngaich kē-ĕ u; yĕh meuk, hayūni nup nö el tumlat el milūkö öp rūkui chu, lataṙeū öp rupīö tö e.

Ranehlö 31:5

Ngaich ngöṙô tö cha, Meuk arëkūö öp yöng nā chin kikōnyö, öt sāre öp tö lā urĕh nö lā in chu; holtöṙah chu pöri ngam Tēv öp yöng chu.

I. CHÖNGÖ 4:31

Pò ngam Mā Tēv ngam Tēv meh, nö tö-aṙē-ĕlōn nö Tēv; öt hōḵ an nö öt teunglen tī tö meh, öt rēhĕn nö halëlngen meh, öt rēhĕn nö vaichngö tö ngam kinlēḵngô in yik muvöhngö yīö ngam kinlēḵngô ò nö chūöku ṙô nö in cha.

1 SAMUĔL 10:7

Ngaich mīnö, yē në minkahngö nö teungtöre nö in meh, ngaich më-eṅ la-evṙen yĕm hōtenvö; tön in meh an ngam Tēv.

1 RĀCHA 6:13

Ngaich chū-ö min iyöng in yip kūön israĕl, ngaich öt ṙāngen yip tarik re min Israĕl.

1 RĀCHA 8:57

In hī An yēḵ ngam Mā Tēv ngam Tēv hī, sā ò misī nö i yik muvöhngö hī: uh an yēḵ nö ṙāngen hī, un rēhĕn nö ṙā-ang tīre tö hī;

INCHŌḴ-OṘÔ 23:4

Um harëtnyö elmat re öm hòṅ teūngen tö kanôlò; akaha sòk lākö e.

Isayā 42:16

Kētö tötmeuk chin min nö el ap talöökö töt mikahkūö cha; el kanröönö öich hachō-o cha min öp töt mikahkūö cha: vītö sinngūlö chin min i kūö cha nö hanātö, tökuròk inrē nö chip. Anū-ö nun min tī chu, hö-ö chin min ṙāngen cha.

T. MËTIV 6:19

“Uh yin hamūl kanôlòre i kuö ngih panam, i chūök yech, maneui inrē, nö kat; i chūök mu-ulaīyö nö filalhanga, nö ulāiyö.

2 KÒRIN 4:9

Lū-u, ngaich sön öt ṙā-ayö; fëlö, ngaich sön öt tiṙōli:

Ranehlö 30:31

Ngaich ngöṙô angā-aṅ, Suāp min tī chu in meh? Ngaich Yāköp nö ngöṙô, Uh man kahëtu in chu: yē meh min hōḵ ngatī ti in chu tö e, ngaich hēk chū-ö min ha-aṅhaṅl në pököre meh, aṅten u inrē.