Biblia Todo Logo
Bib sou entènèt

- Piblisite -




HEPRĀI 13:21 - TÖHET LĪPÖRE (Re-edited) Bible (BSI)

21 Vīten yīö teungten i tökeuheūttöre tölöök, öi la-evṙen tö lōn Ò, vahī-ivṙen nö in hī töp ṙanāmölōn nö i kūö Ò, lökten Yēsū Kristū: kanôlò Ò yēḵ örheūheu. Āmen.

Gade chapit la Kopi




HEPRĀI 13:21
53 Referans Kwoze  

Tön ngam Tēv An töla-evṙen nö in yīö, hĕnghöre hōtö tö la-evṙen inrē, im tölöök lōn Ò.


Haṙamlōn yīö, haköpö yīö inrē, i tölöök la-en, tölöök ṙô inrē.


Mihôiṅ chin keuheūttöre la-en in Ò ngam mahangëken chu.


Yī-ö inrē, sā tö-aṅ ihong, öi mānlöngö i ngam aṅ i töhet patī, öi töhet, mameukṙen, öi kētö aṅ i töhet tökētu, töhōḵov tö ngam Tēv lökten Yēsū Kristū.


Ṙānyen chu an min ngam Mā, ṙā-ang i nup tötlöök la-en, ngaich hayöölen chu min inrē im pūlngö Ò el halīöngö: Kanôlò Ò yēḵ örheūheu. Āmen.


Tööḵlö tö ṙòng lanöökö, nup lamökten Yēsū Kristū, i kanôlò, nöinyö ngam Tēv.


Kô-òren An ngam Tēv nö vīten nup inlōnti nö pōyen nö in yīö hòṅ yīö pōihöl i tölöök la-en, pòi ṙòkhöre örheūheu timhören i tökeuheūttöre:


Hòṅ yīö öt ngöhören irô-òten nup ṙētak yīö im alaha, öi im tötlöök lōn tarik, i lōn ngam Tēv pöri.


Öp tö köp öp manöiyö töt ṙanāngen nö in yīö, hòṅ yīö teūngen tö ngam kinlēḵngô, yē yīö ngaich teūngen tö lōn ngam Tēv.


Hòṅ ngam Tēv lanāmö nö keuheūtlöre tī nö ahetlen yīö: haköpka nup inrē yēḵ nö tumre ma-alaha, nômö, alaha yīö inrē, nö öt vinëku ip yanihih ngam Mā hī Yēsū Kristū:


Im töng hĕng Tēv mahayööken hī, lökten Yēsū Kristū mahayööken hī kanôlò, minā-aṅ, pūlngö, chöngö inrē, ha-eh misī, töngamuh inrē höng örheūheu inrē. Āmen.


Ngaich ngih panam nö chuhngöre nö holtö nup töchōich lōnre: anga-aṅ pöri ngòh töla-evṙen tö lōn ngam Tēv köp nöng örheūheu.


I ngam Rācha tö örheūheu-aṅ, töt chahū-uyö, töt maneūken, töng hĕng nö Tēv, ineū-euṅ, kanôlò yēḵ örheūheu. Āmen.


Pò hī ayī-ö, aṅ vanī-iṅ Ò, vīlöngö in Kristū Yēsū kūö tölöök la-en, minë halēnngö ngam Tēv misī, pò hī hōtu lök in u.


Ngam Ihong, töteung ap la- en ò: Pòn ṙòkhöre nup talöökö ò nö inkaha fālen: Tēv kanô-en an öt aṅhāṅv-in inrē tö tötṙong, Tölöök an töchip inrē.


Ngaich tikökṙôre cha-a tö tufömngöre tinkökö nö ngö ṙô, Tökô Man Me-eṅ kamëḵ ngam līpöre, Öm ṙòngnyö minë inpanngö inrē: pò meh tö fëli, ngaich ṙāitī tö ök mahāmre Öm kö havahtö vē miyöngö, minathö ëlô, tarik, tömaṙôngö tarik inrē, nö im Tēv,


Ngaich yē nup havëkö hī, teūngen ayī-ö in Ò, pò hī haköp në chöngö Ò, ane inrē la-evṙen tö tölöök nö i kūö Ò.


La-evṙen pöri tö tölöök, meukṙen inrē, un vaichngö: pò në töngatī tökētu nö ṙanāmölōn ngam Tēv.


Töng hĕng tak nö töt kinpahavö iyöng el ngam töyang töt yanihken; ngam tö öl nö meūkö tö tarik, öt rēhĕn nö kô nö meuk: Kanôlò Ò yēḵ minhôinyö inrē örheūheu Āmen.


Tölöökö ineūka nö i tölöök la-en; yē ò nö haruklö nyīö, yē ò nö haṙūötken aṅ tahëng, yē ò nö söichröön yip töhet, yē ò nö meukṙen tökihngen, yē ò nö ṙūöten nö tömken tölöök la-en.


Pòn hòṅ haköpngö nup ellōn yīö Anga-aṅ im hanëtö, nö öt vinëku nö i kūö ngam Tēv hī, Yöng inrē, ip yanīhih ngam Mā hī Yēsū KrisTū nö holtö yip töhet.


Salāmö yin tö Epafaras, ngam aṅ in yīö, kūön Kristū töhakövö, örheūheu panītnyi nö im vinë-eṅkūötēv töpòkūö yīö, hòṅ yīö teungta sanöklö, ngaich keuheūttöre minkahtölōn i nuplōn ngam Tēv.


Ngaich yē nup töng vahīṙen yīö, i ṙô, i la-en inrē, vīken u nö ṙòkhöre nö i minë-eny ngam Mā Yēsū, ha-öiny ngam Tēv Yöng lökten in Ò.


Keuheūttöre aṅ in chin, kôlò inrē: tööḵngen chin, pò chu teūngen in Epafròtitös tö nup sahöömtö yīö, tö tahūsa tinôngö, töhōḵovö tökētū, ṙanāmölōn nö im Tēv.


Pò hī lökten in Ò, lökhötvö, im Yöng, im Töhet Fanöinylö.


Haköpten cha nö haköp nup taṙòkhöre tinölô yīö tö Chu. Yĕh meuk; örheūheu Chin holtöṙah yīö, söl ip manāngen ngih panam.


Uh öi kētu im kinlaha; ṙānyen ih pöri, ṙā-ang im tötlöök. Tön pūlngö Meh, chöngö Meh, kanôlò Meh örheūheu. Āmen?”


Kētöre An min ngam Mā Tēv nö holṙen chu: Ō Mā Tēv, köp an ngam miṙēlōn Meh nö örheūheu. Unṙā-ayö minë lā-en minë kuntī Meh.


Ngaich ṙòkhöre nup tövīlöngö el halīöngö; el tumlat, lātaṙeū töng tumlat, el mai, nup taṙòkhöre i kūö u inrē, nö hāngô tö chu nö ngö ṙô, In Ò ngam amūichhak nö el kantēra, i ngam pököre inrē, inkôlò yēḵ, ineū-euṅ, kanôlò minā-aṅ inrē, nöng örheūheu.


Ngaich ikūö ngam kantēra, ök tö sā tinmël mai, sā tösehngöre ihong. I kūö ök kantēra, havīlö ngam kantēra inrē, fën nòng nup tö-aṅ chehechōn, töng matnyöre lākūö, lā uk inrē.


Im manūlö ane inrē māṅ ngam lanòh, yip tö kūichi nö el halīöngö, im Tēv ngam kamhòkken taṙòkhöre, i yip ma-alaha yip tarik tövītu nö teungten,


Pò e nö ngih lōn ngam Tēv, ngam hanëtö yīö, hòṅ yīö ṙāngö ngam insĕha;


Yī-ö nyīö hang chöngö yöngre yin, i tökeuheūttöre, tön tölöök an angū-ö nö im Mā.


Hòṅ në taṙòkhöre litāk nö vë-eny tö Yēsū Kristū nö Mā, i kanôlò ngam Tēv Yöng.


Kanôlò Ò yēḵ örheūheu. Āmen.


Pòn aṅ in Ò, lökten in Ò, in Ò inrē në taṙòkhöre chehen: kanôlò Ò yēḵ örheūheu. Āmen.


Sīöplö pöri im inlōnti ane inrē inkaha ngam Mā hī Mahayööken hī inrē Yēsū Kristū. Kanôlò Ò yēḵ, hĕnghöre töngamuh örheūheu inrē. Āmen.


Im töng hĕng tak tö-akaha Tēv, lökten in Yēsū Kristū, hakôlò Ò yēḵ örheūheu. Āmen.


In cha Chū-ö, in Chu Me-eṅ; hòṅ cha nö teungten nö höng hĕng; hòṅ ngih panam nö akahalōn tö Meh Öm tīnten Chu; Öm, hāngenlōn inrē tö cha, sā hanāngenlōn Meh tö Chu.


Yĕn tarīkuvö tö hōḵ nö la-ev-ṙen tö lōn Ò; ngaich kô-òren Anga-aṅ nö akahalōn tö ngam inköphöti, yĕn aṅ im Tēv, hēk yĕn ṙô Chu kahngenre.


Öp yòh öp tö mināṅ tö nët tak töteūngen tö lōn ngam yöng? Ngaich ngö ṙô cha-a, Ngam maṙöinylö. Ngaich ngö ṙô Yēsū tö cha, Tökô-ò ṙô Chin tö yīö, tö vē mahamūl ṙāi kinëhöt chehen, vē tötkôlò kikānö inrē, nö urĕh tö yīö, nö kuhēthötre nö im pūlngö ngam Tēv.


Rö-övö yin min nö ṙòkhöre nö kuhēthötre nö im pūlngö ngam halīöngö, vē töngö ṙô tö Chu, ‘Mā Tēv, ‘Mā Tēv,’ höng vē töla-evṙen pöri tö lōn ngam Yöng Chu, aṅ el halīöngö.


Pòn kahëm Chu, kanānö Chu, yöng Chu inrē kikānö, ngòh töla-evṙen min tö lōn ngam Yöng Chu el halīö-ngö.


I kui Yūtā ngam kël ngam Tēv nö kētö tö hĕng ellōn cha nö la-evṙen tö hinôtöre tök rācha tö yik kūön rācha inrē nö löktö im ṙô ngam Mā Tēv.


Hòṅ ngam tarik ngam Tēv nö öthāṅten, keuheūttöre aṅtī nö im tölöök la-en.


Lökten, sā hī ngaich teūngen tö ngam pūlngö töt kanyinken, ta-a töi ha-öiny, hòṅ hī kētö ngam la-en ṙanāmölōn ngam Tēv holtö ṙanāmölōn, pinhe-eṅkūö inrē;


Swiv nou:

Piblisite


Piblisite