HEPRĀI 13:20 - TÖHET LĪPÖRE (Re-edited) Bible (BSI)

²⁰ Ngam Tēv lanāmö an töngamuh, ngam mahavanlö ngam yöng tökiröng Yōm pököre nö ṙā-ang i yip tökapah, nö holtö mahām ngam tö-örheūheu kinlēḵngô, ngam Mā hī Yēsū.

HEPRĀI 13:20 Referans Kwoze

T. YÔHAN 10:11

Chū-ö Chin tö-akaha Yōmpököre. Pòkūö në pököre, ngòh tö akaha Yōm nö kēḵngö nômöre.

HEPRĀI 10:22

Ta-a, töi ṙūöhtöre, holtö tökô-en ellōn, i inkahngen töm mikah; kichënyö nup ellōn hī, inhôngö nup tötlöök kui lōn; söichö inrē në alaha hī tö töhet mak.

Salmai 23:1

Ngam Mā Tēv an amahten chu öich pököre: öt hāṅten chin min.

RŌMA 15:33

In yīö ṙòkhöre an yēḵ ngam Tēv lanāmen. Āmen.

ISIKĪ-ĔL 37:26

Vītö öp kinlēḵngô lanāmö chū-ö min incha; tötchanūhuvṙen ap min nö kinlēḵngô nö in cha; ngaich chū-ö min hakôlò cha ṙūölö ṙôngö cha inrē, ellōn cha tī chin min asöklö öp töhet chūökre nöng örheūheu.

2 TÖSALÒNIKĒ 3:16

Ngaich An ngam Mā lanāmö nö kē-ĕkūö yīö tö lanāmö, nöng örheūheu. In yīö an ngam Mā öi ṙòkhöre.

T. YÔHAN 10:14

Chū-ö Chin tö-akaha Yōmpököre. Akahakūö chin tö nup Chū-öre; akahakūö nup Chū-ö inrē tö Chu.

SAKARIĀ 9:11

Me-eṅ pöri inrē, kūö ngam mahām aṅ im chöngö meh ngaich chin tīnngörit yip tökē-ĕ tö meh nö ṙā-ang el ap tö-ūlö öp töt aṅhaṅvö tö mak.

INLAHEN 2:24

Ngam töhachohlöngö tö ngam Tēv, ṙānyuvö ṙā-ang im chanökö kinpaha; pò Ò nö öt haköpö tö e.

MANEUTNYI 24:8

Ngaich Môsös nö kēḵ ök mahām ngaich kichenytö e nö i kui yik tarik, nö ngö ṙô, Yĕh meuk ngam mahām ngam kinlēḵngô, ngam kinlēḵngô ngam Mā Tēv nö in yīö tö inlahen në ṙô nö ṙòkhöre.

1 PĪTÖR 2:25

Pò yīö, sā pököre, tö lō-ongkūö: havantöre pöri töngamuh im Yōm, ngam mameukkö nômö yīö.

Isayā 55:3

Asītö elnang re yin, yihtöre inrē in chu; hangihtöre hòṅ ngam nômö yīö nö aṅ; hòṅ vīten ngam töt chanuhuvṙen kinlēḵngô chin in yīö, ngam kanöpö chu, ngam tökô-en hanāngenlōn chu inrē tö Tāvit.

INLAHEN 3:15

Ngaich fëlngö ngam löknnyö nômö, ngam tö hachohlöng nö ngaich tö ngam Tēv; ihö in ṙòkhöre mameūkö e.

Isayā 63:11

Fē-ĕlre ngaich anga-aṅ tö nuk sakāmö misī, tö Môsös ök tarik ò. Isuh öku ök kamënyen ih ṙā-ang ël ap mai yip yōm nup pököre ò? Isuh ap anga-aṅ ap chamaphöt ngam Töhet Fanöinylöre nö elṙôngö cha,

1 PĪTÖR 1:21

Yī-ö lamökten in Ò ṙātö ellōnre im Tēv, ngam mahachohlen Ò nö ṙā-ang i tökapah, ngaich kētö kanôlò Ò; hòṅ ngam ṙinātö ellōn yīö tö ngam mineūka inrē, nö im Ṭev.

1 TÖSALÒNIKĒ 1:10

Hökkö ngam Kūön Ò nö ṙā-ang elhalīöngö, ngam hachohlö Ò nö ṙā-ang i yip tökapah, Ang Yēsū, ngam ṙamānyen hī nö ṙā-ang im yamih lanīnö.

KÒLÒSĪ 2:12

Ngaich ultu hol Ò im vinôkö, in e yī-ö inrē hachohlöngö hol Ò lökten i mikah i tī ngam Tēv, ngam mahachohlen Ò nö ṙā-ang i yip tökapah.

YERIMIĀ 32:40

Vīten kinlēḵngô chin min in cha nö töt chanūhuvṙen, hòṅ chu öt havööngökūöre tö tölöök la-en in cha; kēhĕt ellōn cha chin min inrē tö pinhë-eṅkūö cha tö chu, hòṅ cha nö öt havööngökūöre tö chu.

1 KINṘÖTNGÖ 16:17

Ngam haköpngö ò inchöng- ten in Yāköp, Sā töt chanūhuvṙen kinlēḵngô in Israĕl.

1 PĪTÖR 5:4

Ngaich yē ngam yöngkūö më yōmpököre min nö hameuktu, teūngen yī-ö min tö sapīöv kanôlò töt pinheūmu.

HEPRĀI 10:29

Iṙôkhöl öt inkôlò min, tö lōn yīö, anga-aṅ, ngam ramööntö kui ngam Kūön ngam Tēv nö elröönre ngaich inrē nö kaheuktö ngam mahām ngam kinlēḵngô nö töthet, ngam löktö ò nö ahetlöngö, ngaich miyëḵṙen inrē tö ngam Töhet Fanöinylö inlōntö?

HEPRĀI 9:20

Nö ngö ṙô, Ngih ön mahām ngam inlēnngen, ngam hachöngten ngam Tēv, nö in yīö.

1 TÖSALÒNIKĒ 5:23

Hòṅ ngam Tēv lanāmö nö keuheūtlöre tī nö ahetlen yīö: haköpka nup inrē yēḵ nö tumre ma-alaha, nômö, alaha yīö inrē, nö öt vinëku ip yanihih ngam Mā hī Yēsū Kristū:

FILIPĪ 4:9

Nup haköp yīö, kahëḵ yīö, hĕng höre ahang yīö, maheuṅk yīö inrē in chu, anū-ö kahëken yīö: ngaich ngam Tēv lanāmö nö holtöṙah yīö.

RŌMA 8:11

Yē ngam Töhet Fanöinylö Ò pöri ngam mahachohlen Yēsū nö ṙā-ang i yip tö kapah nö iyöng in yīö ngaich anga-aṅ ngam mahachohlen Kristū Yēsū nö ṙā-ang yip tö kapah alaha yīö min nö, lökten im Töhet Fanöinylö ngam mi-iyöng in yīö.

INLAHEN 5:30

Hachohlen Yēsū an ngam Tēv yik muvöhngö hī; ngam töfëli tö yīö, ngaich kilöllöngö nö i rōi chōn.

T. MËTIV 26:28

Ṙòkhörekūö yin ôkö e; tön mahām Chu an nö kinlēḵngô, tö kitaktu töpòkūö tömaṙôngö, nö inṙē-ĕl tökööl.

ISIKĪ-ĔL 34:23

Ngaich chū-ö min hĕng tak vahīlö tö yōm pököre nö i kui u, öp tarik chu Tāvit, anga-aṅ ap min maha-aṅhal u: ha-aṅhal u öp min ngaich yōm u inrē.

Isayā 40:11

Sā yōm pököre ap min nö ha-aṅlö nup pököre, hamūl nup kūön pököre ap min nö el kël re, tayūkö u inrē nö el ranôṙö re, ṙēmen min inrē nö hachōkūö u nup tökūöṅnö kūön.

2 SAMUĔL 23:5

Öt ngatī ngam patī chu nö im Tēv; sön anga-aṅ nö in chu nö vīten töt chanūhuvṙen kinlēḵngô i taṙòkhöre nö chöngö, haköphanga inrē: pòn ṙòkhöre anū-ö nö inyööken chu, lōn chu inrē, pòrô anga-aṅ nö öt vīten e nö sīöp.

EFISÖS 1:20

Ngam tī Ò nö in Kristū, hē Ò nö hachōhlen Ò nö ṙā-ang i yip tökapah, ngaich ha-ūichlen Ò nö lahāmö Ò nö el halīöngö,

KALATĪ 1:1

Pôl, tanīnöṙô öt ṙā-ang i tarik, öt rēhĕn nö lökten tarik, lökten in Yēsū Kristū pöri, ngam Tēv Yöng inrē, ngammahachohlen ò nö ṙā-ang i tökapah,

2 KÒRIN 13:11

Manā-aṅ, kahōlö, salām. Hateungtöre yin yēḵ; hangëḵeṅre yēḵ; hĕngre ellōn yēḵ; iyöng im lanāmö: ngaich ngam Tēv hanāngen min, lanāmö inrē, nö holtöṙah yīö.

2 KÒRIN 4:14

Akah töheichlōn tö Ò, ngam mahachohlen ngam Mā Yēsū, nö hachohlen ih min inrē hol Yēsū ngaich kēten ih min hol yīö.

1 KÒRIN 15:15

Hôṅ, ngaich ihö inrē samūöcha, eūkö ngam Tēv; pò ih eūkö ngam Tēv nö hachohlen Kristū, ngam töt hachohlöngö tö Ò, yĕn ngatī vē tökpaha nö öt hachohlöngö.

1 KÒRIN 14:33

Pò ngam Tēv nö öt Tēv ötlanënen, kumchikṙen pöri, sā i nup Māṅ yip töhet.

1 KÒRIN 6:14

Ngaich ngam Tēv nö hĕnghöre hachohlö ngam Mā, ngaich hachohlen hī min lökten im minhôiṅyö Ò.

INLAHEN 17:31

Pòn sakāmu hē Anga-aṅ öp hē Ò min nö kahòkken ngih panam, im ötmichūṙen, lökten im tarik ngam vahīten Ò. Ngaich kētö minkahngö Anga-aṅ i taṙòkhöre tarik, i tī Ò nö hachohlen Ò nö ṙā-ang yip tökapah.

INLAHEN 13:30

Ngaich hachohlen Ò pöri ngam Tēv.

INLAHEN 2:32

Anga-aṅ ngòh Yēsū töhacholöngö tö ngam Tēv; ṙòkhöre in ihö vamënyen Ò.

T. LŪKÖS 22:20

Ngati tī Anga-aṅ tök kulah, tö kinheūṅten nyinā-aṅ nö ngö ṙô, Ngih ön kulah tufömngöre kinlēḵngô nö i Mahām Chu, ngam tökitaktuvö töpòkūö yīö.

T. MĀKÖS 14:24

Ngaich ngö ṙô Anga-aṅ tö cha, Mahām Chu ön ngih, tufömngöre kinlēḵngô, tökitaktu tö pòkūö tömaṙôngö.

ISIKĪ-ĔL 37:24

Rācha ap min nö I kui cha ap tarik chu Tāvit; ngaich cha-a min nö ṙòkhöre nöng hĕng tak yōm tö yōm pököre. Tömkörit nup chöngö chu yip min ṙēmen inrē nö haköpkö nup chöngö chu tökūichö.

Isayā 61:8

Pò ngam Mā Tēv nö hāngenlōn tö tötmichūṙen kinṙôka surīkhö unlāya chin tövaich inrē; kô-en chin min kē-ĕkūö cha tö invāhal in cha, vītö ngam tötchanūhuvṙen kinlēḵngô min chū-ö in cha.

RŌMA 16:20

Ngaich ngam Tēv lanāmen min nö paṙôkö tī tö Sātān, nö elröön yīö, öt ṙôktörevö. In yīö an yēḵ ngam inlōnti aṅ im Mā hī Yēsū Kristū.

RŌMA 1:4

Ngam tövënyu nö kūön ngam Tēv im minhôiṅyö, sā ngam hanëtö ngam ma-alaha, lökten im invanlö tö kapah; ngam mā hī Yēsū Kristū.

INLAHEN 4:10

Akahalōn yin yēḵ ṙòkhöre, yī-ö inrē taṙòkhöre aṅ Israĕl; tö ò nö lökten i Mine-eny Yēsū Kristū aṅ Nāsaret, ngam harātö yīö, ngam töhachohlöngö tö ngam Tēv nö ṙā-ang i yip tökapah, lökten in Ò ön ngòh tarik nö sökhaka nö i kūö yīö, nö lööken.

Salmai 80:1

Ō yōm vē pököre Israĕl, hangihtöre, ngaich Man hachōnyen Yôsĕf sā kinteūmö pököre: Me-eṅ amūichhak i hôi yip karupīm, yang Man yēḵ.

2 KINṘÖTNGÖ 30:12

I kui Yūtā ngam kël ngam Tēv nö kētö tö hĕng ellōn cha nö la-evṙen tö hinôtöre tök rācha tö yik kūön rācha inrē nö löktö im ṙô ngam Mā Tēv.

RŌMA 10:7

Hēk, chiāp min yamônti nö lataṙeū? Öp kamëlen Yēsū nö ṙā-ang i yip tökapah.