HEPRĀI 13:2 - TÖHET LĪPÖRE (Re-edited) Bible (BSI)

² Hameuktö hanāngen re i aṅ tahëng, un vaichngö; tön ngatī yik misī rēvre mahaṙūötken ma-ahānga nöng ötakahngenre.

HEPRĀI 13:2 Referans Kwoze

T. MËTIV 25:35

Pò Chu ha-aṅlöng tö yīö, hē Chu kapahare; kētu òk Chu-ö tö yīö, hē Chu haṙëhe nômö; hachūöklöng Chu-ö tö yīö, hē Chu öt lööṙu yih;

Ranehlö 18:1

Ngaich ngam Mā Tēv nö meūkö tö ò i nup chōn tarpin i Mamrī, isaha ò nö ūichhaka nö ikūö inkūp inrūkui hē ṙānāchö ngam sakāmö; hachônglö matre ngaich angā-aṅ, ngaich meuk.

RŌMA 12:13

Meukṙen öt kanôlò yip töhet; kētöre im inṙūötken.

1 PĪTÖR 4:9

Kö haṙūötken höö, un uyëku.

T. MËTIV 25:43

Öt hachūöklöng Chu-ö tö yīö, hē Chu öt lööṙu yih, öt kafānö Chu-ö tö yīö, hē Chu öt hilāṙu; öt chöhka Chu-ö tö yīö, hē Chu vahavö el kinlōngö inrē.

TAITÖS 1:8

Kētöre pöri nö i miṙūöt, tö hāngen tö lanöökö, öt saṙāki lōn, ötmichūṙen, het, haṙāttökūöre;

NGAM LĪPÖRE YŌP 31:32

(öt höng el talöökö öp yamih tökūö nö hachūöklöng; löpnyökūö inkūp re chin in yip kumrönga);

LA-EN LĒVĪ 19:34

Öp aṅ tahëng tö rahëchtaṙen nö iyöng in meh sā töfötnyu anga-aṅ nö i patī nö in meh, hāngenlōn më-eṅ tö ò sāre töre; pò yīö misi i panam Aikup öi aṅ tahëng, Chū-ö Chin Tēv meh Öich Mā Tēv.

T. MËTIV 25:40

Ngaich ngö ṙô min ngam Rācha nö sap ṙô cha, Tökô-ò ṙô Chin tö yīö, I tum heuh tī yīö i vē kahëm Chu, vē yāich takô; ngaich mi-in Chu tī yī-ö.

1 TIMÒTĪ 5:10

Tölöökö ineūka nö i tölöök la-en; yē ò nö haruklö nyīö, yē ò nö haṙūötken aṅ tahëng, yē ò nö söichröön yip töhet, yē ò nö meukṙen tökihngen, yē ò nö ṙūöten nö tömken tölöök la-en.

1 TIMÒTĪ 3:2

Lökten ön ngòh Pisköp nö tötkô nö īnu tö töchōich, töng hĕnglö tö pihöre, öt saṙākiṙen, öt saṙākilōn, lēn, tömiṙūöt mahaköphöti;

RŌMA 16:23

Salāmö yin tö Kai-ös, ngòh anahtökūö chu, ṙòkhöre në māṅ inrē.

Isayā 58:7

Röh öng nö hē meh hòṅ hōlukūö nyā töp tö-aheuk, hē meh inrē kētö ap yāich tötpatī-ivö nö el patī meh? Hē meh inrē meuk tö lichôi ngaich kafānan ngaich uh öre me-eṅ hanyatngöre tö ngam alahare?

INLAHEN 16:15

Ngaich hē ò nö vōkö, tö yik aṅ patī ò inrē; ngaich ve-ekūö ih anga-aṅ, nö ngö ṙô, Yē chu öich ngaich tökô-en i ngam Mā Tēv, tö lōn yīö; ta-a, yih yin i patī chu, öi höngngöh. Ngaich līpten ih anga-aṅ.

NGAM LĪPÖRE YŌP 31:19

Yē chu hĕng tak maheuṅk tö tötkôlò tökūö törö-ö hilā, hēk öp yāich tarik töt kinfānu;

2 RĀCHA 4:8

Ngaich hĕng heuh ik töhĕng sakāmö, ang Ēlaisa nö lökngö Sunēm, i chūök ök mā tökôlò kikānö; ngaich anga-aṅ nö asökngen ò nö nyā-aṅvkūö. Ngaich lökten in e, i tum heuh ò nö lök umuh, ngaich kāntöre anga-aṅ nö nyā-aṅvkūö nö umuh.

Ranehlö 19:1

Yih ngaich nak tö nët tak ma-ahānga nö i Sôtöm tö harap; ūichhak Lòt nö ikūö inkūp Sôtöm: meūkö ngaich chā-a tö Lòt, ngaich chōholre nö höngkūö cha; ngaich sōntöre nö el tumlat;

3 YÔHAN 1:5

Kahōlö, tö la-evṙen man i tökô-en la-en, ip töng tī meh lā in cha yip hol, tö yip aṅ tahëng inrē;