HEPRĀI 13:18 - TÖHET LĪPÖRE (Re-edited) Bible (BSI)

¹⁸ Ve-elkui ih: tön mikah tuṙen in töre öi lööken elkuilōn, öi hòṅ chiplö i taṙòkhöre.

HEPRĀI 13:18 Referans Kwoze

1 TÖSALÒNIKĒ 5:25

Kahōlö, vë-elkui ih.

2 TÖSALÒNIKĒ 3:1

Manā-aṅ, kahōlö, vë-elkui ih, ngam ṙô ngam Mā nö fal, nö hapōilöngö inrē nö sā e nö in yīö,

1 TIMÒTĪ 1:5

Ngam hanāngenlōn pöri manā-angrit ngam chöngö nö löknyö öp töhet ellōn lanöökö el kuilōn inrē ngam mikah inrē töt höng töl:

KÒLÒSĪ 4:3

Ṙòkhöre holre vë-elkui ih inrē, hòṅ ngam Tēv nö löpnyökūö inkūp ih nö lökhöt ngam ṙô, hòṅ ih ṙô-òv tö ngam öt mikahkūö aṅ in Kristū, ngam tö pô-òvkūö tö chu chu-ö inrē hakövö;

RŌMA 15:30

Kahōlö, ve-ekūö yīö chin, lökten im Mā hī Yēsū Kristū, lökten im hanāngenlōn ngam Töhet Fanöinylö inrē, hòṅ yīö kalah holṙen chu im vine-ekūötēv, ve-el kui chu;

1 PĪTÖR 3:21

Ngam mahayööken yīö inrē nö sā ngam tökô-en insā, angū-ö ngam vinôkö, öt sinöichngö mum alaha, tön ngam intönkö tölöök kuilōn lā im Tēv, lökten i invanlö Yēsū Kristū:

1 PĪTÖR 3:16

Inu tö lanöökö el kuilōn cha nö sumrōngikūö, yip töt lamëkôre tö ngam tölöök inlahen yīö in KrisTū, öi pòrô töt lēkaṙen elnang.

1 PĪTÖR 2:12

Hökngen ngam inlahen yīö nö löök nö i yip aṅ elkahôyö, hòṅ cha yip tötlööku ṙô tö yīö, nö hatīönken yīö, ngaich haköp i nup tölöök la-en yīö, ngaich ha-öiny ngam Tēv im sakāmö chinöhkö.

1 TÖSALÒNIKĒ 4:12

Hòṅ yīö lök i ötmichūṙen in cha yip aṅ lā-uk, ngaich öt hēngö hanāten.

INLAHEN 24:16

Lökten chin kalah öich halöök elkuilōnre, im Tēv, i tarik inrē, örheūheu.

INLAHEN 23:1

Ngaich Pôl nö haköpmatre nö Ngëichkökūö yik kamhôṅka, ngaich ngö ṙô, Kahōlö; söl ing töngamuh chin sakāmö, öich lök i nup chöngö ngam Tēv, holtö lanöökö kuilōn, örheūheu.

FILIPĪ 4:8

Manā-aṅ, kahōlö, nup taṙòkhöre töng kô-en, nup taṙòkhöre töng tö ineū-euṅv, nup taṙòkhöre töng löök, nup taṙòkhöre töng het, nup taṙòkhöre töng hanāngen, nup taṙòkhöre töng löökö ineūkö; yĕn tölöökuvö in e, yĕn ineū-euṅvö inrē in e, fēkö u anū-ö.

2 KÒRIN 1:12

Pòn ngih ineū-euṅ ih, ngam inmeuktö kuilōn ih, tö ih i hanëtö, kanô-en ngam Tēv inrē, inlahen öi ing panam, pōyen nö möthë nö lā in yīö, öt i mikah ngam alaha, im inlōnti pöri aṅ im Tēv.

RŌMA 13:13

Sāre tö el sakāmö, tā-a, töi lök im lanënen; un im tin ṙōlen, hinyōyö inrē; un im yanahlö lōn tö töchōich, öt miṙē-ĕv inrē, un linā-alkūö, minūötngö inrē.

RŌMA 12:17

Un havahlöng töchōich tö töchōich nö i tarik. Kēḵ ap lōn milēḵṙen i kūö taṙòkhöre tarik,