HEPRĀI 13:15 - TÖHET LĪPÖRE (Re-edited) Bible (BSI)

¹⁵ Lökten in Ò in ta-a, kētö öp tökētu nöinyö im Tēv örheūheu, ngam ṙòng në minuh, në mahalööknyôre tö ngam mine-eny Ò.

HEPRĀI 13:15 Referans Kwoze

Salmai 50:14

Kē-ĕkūö ngam Tēv tap nöi-nyö tökētu: kētö ap tö-chūöku ṙô meh kilēḵngôre im Lamātulöng;

RŌMA 12:1

Kahōlö, lökten chin vë-ekūö yīö, lökten i minë neūkölōn ngam Tēv, öi kētö minë alahare, tökētu nö tö aṅ, töhet, tö hōḵovö tö ngam Tēv, nö aṅ im töhet tī yīö la-en.

1 PĪTÖR 2:5

Yī-ö inrē, sā tö-aṅ ihong, öi mānlöngö i ngam aṅ i töhet patī, öi töhet, mameukṙen, öi kētö aṅ i töhet tökētu, töhōḵov tö ngam Tēv lökten Yēsū Kristū.

HŌSĪ 14:2

Kē minë ṙô chu in meh, ngaich havantöre im Mā Tēv: ngö ṙô tö ò, Kēngö nuk tökööl chu; aheūkölōn hō-en ih: ngaich īhö min kētö tökētu i minuh re tö sā kōiny nuā.

Isayā 57:19

Lanāmö, lanāmö, i tömarôvat i töröhta, ṙô ngam Mā Tēv; ngaich chū-ö min halinken ò.

2 KINṘÖTNGÖ 33:16

Vītit ök tahāklö ngam Mā Tēv inrē anga-aṅ, ngaich ël e nö kētö tökētu inlāmö nöinytö tī inrē; ngaich anga-aṅ nöchöngu tö Yūtā nö lök la-en ngam Mā Tēv ngam Tēv Israĕl.

Salmai 50:23

Ngòh kamëtö tökētu nöinyö mahapōilen chu: anga-aṅ inrē öp mahachip ṙôre nö ṙô-òv, hameukhu mat min tö chu tö ngam inyöölen aṅ im Tēv.

LA-EN LĒVĪ 7:12

Yĕn kētö e anga-aṅ nö nöinyö, ngaich anga-aṅ min nö kētö e nö holtö töt-aföhlöng pikoh kalūöchö tö tavī-i, töt-aföhlöng vēför inrē sôhò tö tavī-i, pikoh inrē tökalūöchö tö tavī-i, töfaṙëcha atra töhamākö.

T. MËTIV 11:25

Hē e Ang Yēsū nö ngö ṙô, Ō Kayöngö, Mā ngam halīöngö, panam inrē; ha-öinyö Meh Chin, pò Meh hayunngö në i vē tö-akaha, töhuveū-en inrē; ngaich hameuktö u i vē tëṅnö.

2 KINṘÖTNGÖ 7:6

Kö i chūökre yip kūönṙô nö sökhaka; ngati inrē yik Lēvī, nö holtö nuk ranöng nö röng nö i kūö ngam Mā Tēv nuk vahīlö ök rācha Tāvit nö nöönyö ngam Mā Tēv pòn köp ngam hanāngen ò nö örheūheu, ip töng hē Tāvit nö kētö nöönyö i nup la-en cha: lā kūö cha ngaich yip kūönṙô nö föö nup römpĕt; ṙòkhöre ngaich yik Israĕl nö söklöre.

1 PĪTÖR 4:11

Yĕn tarīku tö ṙô-òv, hökngen ò nö ṙô-òv tö e nö ṙô ngam Tēv. Yĕn tarīku mameukṙen, sā ap kanô-òṅ kahëtö ngam Tēv. Hòṅ ngam Tēv nö hakūyiṙen i nup taṙòkhöre, lökten in Yēsū Kristū ngam tö kanôlòvö, ane inrē töchönguvö ör heūheu. Āmen.

EFISÖS 2:18

Pò hī lökten in Ò, lökhötvö, im Yöng, im Töhet Fanöinylö.

Salmai 118:19

Löpnyökūö minë inkūp lanöökö in chu: hòṅ kuhēthötre chin ël u, hòṅ Ha-öiny ngam Mā Tēv chin.

Salmai 18:49

Lökten chin min kētö nöinyö meh in yip pumnāmö tarik: tikökṙôre inrē tö nöinyö ngam minë-eny meh.

NAHIMIĀ 12:43

Kiröngen kahëti cha-a ngaich tö tökētu ik sakāmö angū-ö ngaich ṙāmölōn, pò ngam Tēv nö vīten cha nö ṙāmölōn nö kiröngen ṙanāmölōn; yik kikānö tö yik nyīö inrē nö ṙāmölōn, Marôvat hināngö ngaich ngam ṙanamölōn Yērusalem.

HEPRĀI 7:25

Lökten inrē Anga-aṅ nö kô nö öt chöḵöv tī nö hayööken cha yip ṙamūötöre nö im Tēv nö lökten in Ò, pòn örheūheu Anga-aṅ nö aṅ, nö vë-elkui cha.

KÒLÒSĪ 1:12

Ha-öiny ngam Yöng, ngam vamīten hī tökô hamòl im amin yip töhet aṅ el hanātö.

RŌMA 6:19

Sā inlahen ṙô tarik chin, kūö öt kumlēḵ alaha yīö: pòn sā yīö sin misī, kēḵngö nup tūmö alaha yīö nö kūön ngam töchōich, ngatī yin töngamuh, kētö minë tūmö alaha yīö nö kūön ngam lanöökö.

T. YÔHAN 10:9

Chū-ö Chin inkūp; ngòh kumhēthötre nö lökhöt in Chu, hayöökaṙen min anga-aṅ; ngaich kuhēt hötre, kunyī-inyre inrē, ngaich kôtökūö tö nya-aṅkūöre.

NAHIMIĀ 12:40

Lökten më tönët kiteūm yik maha-öiny nö sökhaka nö el ök patī ngam Tēv, tö yik töròngti inrē mākūö nö hol chu;

ESRĀ 3:11

Ngaich cha-a ane inrē nup tösāpö, ha-öiny ane inrē ha-öinytö tī ngam Mā Tēv ò, pò Ò nö tölöök. Pòn köp ngam hanāngen ò nö örheūheu nö in Israĕl. Ngaich ṙòkhöre yik tarik nö pōitô nö ayôṙā, hē cha nö ha-öiny ngam Mā Tēv, pò ngam rööntö machööḵlö ngam patī ngam Mā Tēv nö ṙātu.

2 KINṘÖTNGÖ 29:31

Ngaich ngö ṙô Hesikia, Ngaich yin töngamuh ahetlöre öi im Mā Tēv; ta-ih haröhtöre, kētö nup kūö nöönyö nö el patī ngam Mā Tēv. Ngaich yik tömaṙôngö nö kētö nuk tökētu nuk tökētu tö yik töhō-olōn nö kētö töföngö tökētu.

T. YÔHAN 14:6

Ngaich Yēsū nö ngö ṙô tö ò, Chū-ö Chin Talöökö, Kanô-en, Nômö inrē. Öt hĕng tak yamihtöre nö im Yöng, höng lökten in chu.

T. LŪKÖS 10:21

Ik hē e, Anga-aṅ nö ṙāmölōn nö im Töhet Fanöinylö, ngaich ngö ṙô Ò, Ha-öinyö Meh Chin, Ō Kayöngö, Mā ngam halīöngö, ngih tumlat inrē; pò Meh hayunngö në i vē tö-akaha, ane inrē vē tö-akaha-elnang; hameuktu pöri anū-ö, nö i nyīö. Hôṅ, Kayöngö; pò e nö tölöök nö i kūö meh.

Salmai 119:108

Ō Mā Tēv, ve-ekūö Meh chin, hō Man yēḵ tö në tökētu kanahanglōn chu: haköpten chu inrē tö në inkaha fālen aṅ in Meh.

YERIMIĀ 33:11

Hāngö min nö hēk nö umuh nīölö töṙāmölōn nīölö ṙô ṙanāmölōn inrē, ṙô öp töhapīhö kikōnyö, ṙô öp töhapīhö kikānö inrē, ṙô yip tumkökṙôre, hē cha nö kētö nup nöinyö tökētu nö el patī ngam Mā Tēv: Ha-öinytö tī ngam Mā Tēv yip tömaṙôngö, tön tölöök an ngam Mā Tēv, pò ngam tököp hanāngenlōn ò nö töng öt chanūhuvṙen! Pò chu min havantö nup kanôlò ngam panam nö sā ik raneh, ṙô ngam Mā Tēv.

YERIMIĀ 33:18

Kūönṙô inrē lamökngörit Lēvi min nö öt hētu nö hāṅten tö tarik mī-ikūö chu nö kētö töföngö tökētu, nö föng sāiny tökētu, örheūheu inrē nö vī nup tökētuvö.

HEPRĀI 12:28

Lökten, sā hī ngaich teūngen tö ngam pūlngö töt kanyinken, ta-a töi ha-öiny, hòṅ hī kētö ngam la-en ṙanāmölōn ngam Tēv holtö ṙanāmölōn, pinhe-eṅkūö inrē;

KINṘEŪKÖ 7:62

Hĕng nòng humlum sanël tösöm siköl lumngan, tööḵlö tö lōpān;