HEPRĀI 13:13 - TÖHET LĪPÖRE (Re-edited) Bible (BSI)

¹³ Ta-a lökten, töi chuh in Ò lā-uk ngam elyöngö, keun ngam sinrōngkūö Ò.

HEPRĀI 13:13 Referans Kwoze

HEPRĀI 11:26

Ṙātö el lōnre tö ngam sinrōngkūö Kristū nö tömötlö nö kanôlò tö nup töpōiṙāi kanôlò aṅ Aikup: pò ò nö ngëichngöre tö gnam invahal raneushö.

INLAHEN 5:41

Kiröönngöre yik tanīnöṙô nö ṙā-ang i kūö yik kamhôṅka; ṙāmölōn töre nö halöngtuṙen nö sumrōngikūö tökūö ngam Mine-eny;

T. LŪKÖS 6:22

Tökôlò yin yī-ö, yē tarik min nö kunyahaṅelmat tö yīö, yē cha inrē nö harēvngen yīö töre, nö sumrōngngökūö yīö, sā tötlöök, töpòkūö ngòh kūön Tarik.

T. MËTIV 16:24

Ngaich ngö ṙô Yēsū tö yik mahaköp, Yĕn tarikuvö töhòṅ tömkörit Chu, hökngen ò yēḵ nö hayëḵngenre, nö kēḵngam töhakālöre, nö tömrit Chu.

2 KÒRIN 12:10

Lökten chin kumchikngenre im öt kumlēḵen, i pinlāngen, i hanāten, i inkihten, i kanihngen, tö pôkūö Kristū: pò chu, yē chu ötkalēḵen, ngaich kalēḵ chu-ö.

T. MËTIV 5:11

Tökôlò yin yī-ö, yē vē tarik min nö sumrōngngökūö yīö, öthakôlò yīö ane yē cha nö ṙōlkangen ṙô tö nup tötlöök, nö in yīö, nöng sūöcha, töpòkūö Chu.

HEPRĀI 12:3

Ngëichken Ò ngam kameun nup insahṙô vē tö köölö fālen nöng lā-alre cha-a, hòṅ yīö öt uhāngöreṙen, ngaich öt kalēḵngöreṙen i ellōnre.

1 PĪTÖR 4:4

Ngaich yī-ö töhëtölōn tö cha, pò yīö öt tömken cha i töngatī yanahlö tinṙōlen; chōchö ṙô cha-a tö yiö:

T. MËTIV 27:32

Ngaich hē cha nö kunyi-inyre, hĕng taka ök tarik kanôtökūö cha, aṅ Kuṙēnī, Sīmōn ök minënyö ò. Anga-aṅ lahīp cha, nö kiröönngöre nö in cha; pòn hōtu nö keun ök tö hakālö Ò.

T. LŪKÖS 9:23

Ngaich ngö ṙô Anga-aṅ tö cha nö ṙòkhöre, Yē ngòh tarik tö hòṅ yihtöre nö tömrit Chu, hökngen ò nö hayëḵngenre, nö kēḵ ngam töhakālö örheūheu, ngaich tömrit Chu.

HEPRĀI 12:2

Hatīönken Yēsū, ngam yöngṙen, mahateungngö ngam ṙinātö ellōn nö in hī, ngam kūö ngam ṙanāmölōn tö ṙātu nö i kūö Ò, keun ök töhakālö hayëḵngen ngam sinrōngkūö, ngaich ūichngöre nö lahāmö ngam kantēra ngam Tēv.

HEPRĀI 12:4

Öl yin kô-òiny mahām tī, öi lā-al ngam tökööl: