HEPRĀI 13:12 - TÖHET LĪPÖRE (Re-edited) Bible (BSI)

¹² Lökten Yēsū inrē, pòn hòṅ ahetlö yip tarik Anga-aṅ nö lökten i mahāmre, kihngen nö lā-uk ök inkūp.

HEPRĀI 13:12 Referans Kwoze

1 KÒRIN 6:11

Ngatī yip misī rēvre in yīö: ngaich pöri yī-ö söichö, ngaich pöri yī-ö ahetlöngö, ngaich pöri yīö halööklöngö i mine-eny ngam Mā Yēsū Kristū, im Töhet Fanöinylö ngam Tēv hī inrē.

INLAHEN 7:58

Kavalnyen ò ngaich cha-a, nö lā-uk kinlōngö ök panam; ngaich kuleh kui ò. Ngaich yik ameū-a nö ṙātö nuk kinṙumre nö i röön ök tö hĕng tak ṙāl tarik, ang Sôl.

EFISÖS 5:26

Pòn hòṅ ahetlö e, ngaich nö ahëtö e nö husöich tö ngam mak holtö ngam ṙô,

KINṘEŪKÖ 15:36

Ngaich ṙòkhöre yik ṙôngö tarik nö kēnyen ò nö lā uk ök elyöngö, ngaich kulëhan nö aṅtī tö ihong, kapah ngaich anga-aṅ; sā tinöölô Môsös tö ngam Mā Tēv.

LA-EN LĒVĪ 24:23

Ngaich Môsös nö vë-ekūö yik kūön Israĕl, ngaich kētu nö in ò ök tötlöök el ngam elyöngö, ngaich kulëhe tö ihong. Ngaich ngatī yik kūön Israĕl sā ṙô ngam Mā Tēv nö tölṙô Môsös.

HEPRĀI 10:29

Iṙôkhöl öt inkôlò min, tö lōn yīö, anga-aṅ, ngam ramööntö kui ngam Kūön ngam Tēv nö elröönre ngaich inrē nö kaheuktö ngam mahām ngam kinlēḵngô nö töthet, ngam löktö ò nö ahetlöngö, ngaich miyëḵṙen inrē tö ngam Töhet Fanöinylö inlōntö?

T. YÔHAN 17:19

Pò kūö cha Chin ahetlöre, hòṅ cha cha-a inrē nö ahetlöngö, nö im kanô-en.

YÔSUĀ 7:24

Ngaich Yôsuā, ṙòkhöre inrē yik Israĕl hol ò, nö kē-ĕ Ākan ök kikōnyö kūön Sēra, tök rupīö, tök kinṙum, tök michūöṙö humlum, tö yik kikōnyö kūön ò, kikānö inrē tö nuk kōiny nuā ò, köttö ò, sīṅp ò, tök rūkui ò. Ṙòkhöre inrē nuk mi-in ò: ngaich kēnyu anū-ö tö cha nö el ök achāṙö Akōr.

HEPRĀI 2:11

Pò cha nyöre tö ngam ma-ahethölö, tö cha inrē yip tö ahetlöngö nö ṙòkhöre no hĕng; angū-ö an lökten Ò nö öt sirōngkūö nö kisānuvö ṙô tö cha,

T. YÔHAN 19:34

Hĕng tak pöri ök kumyung tö aṅtī tö vöi nö sapnyö elkël Ò; ngaich ilöö hëmnyi nuk mahām, holtö mak.

T. LŪKÖS 4:29

Choholre cha-a ngaich, nö ha-ōnyen Ò nö ël ök panam, ane inrē hachōḵngen Ò nö i kui rung, i chūök vinīlö ök panam cha; pò cha nö hòṅ kuringten Ò.

HEPRĀI 10:10

Lökten e, angū-ö lōn, ayī-ö ngaich ahetlöngö, i kinëtö ngam alaha Yēsū Kristū, nöng hĕng heuh öt hēk.

INMEUKHÖMAT 14:20

Ngaich röönö ök kinrān vāin nö lā-uk tök el panam, ṙöichnyi ngaich mahām nö ṙā-ang ël ök kinrān vāin, söl im inkālkūö minë kōra sā rô-òlkūö tö hĕng köṅny tafūölòng förlông. (300 Kg Mtr rôtòng 2 Mtr rū-uti.)