HEPRĀI 13:11 - TÖHET LĪPÖRE (Re-edited) Bible (BSI)

¹¹ Pò minë alaha minë töṙeūla, minë tö kēḵhötvö mahām nö el ngam töhet chūök töp mākūö kūönṙô nö tökētu kūö tökööl, nö föngö nö lā-uk ngam elyöngö.

HEPRĀI 13:11 Referans Kwoze

LA-EN LĒVĪ 16:27

Ngaich öp kōiny nuā tökētu kūö tökööl, öp pököre inrē tökētu kūö tökööl, nuk tökēhötvö mahām nö el ngam töhet chūökö nö vanī inlām tökööl, keunnyu min nö lā uk ngam elyöngö; ngaich cha-a min nö föngngö nup uk u, alaha u, sôḵ u inrē.

MANEUTNYI 29:14

Öp alaha ngam kōiny nuā pöri, töp uk alaha ò, töp sôḵ ò, haṙāpi tö meh nö i kūö tameūyö elkahôyö töm elyöngö: tökētu an angū-ö pôkūö tökööl.

KINṘEŪKÖ 19:3

Ngaich yī-ö kēten ò min in Ēliasör öp kūönṙô, ngaich anga-aṅ min nö kēnyen ò lā uk ngam elyöngö, ngaich hĕng tak min ṙamatnyö likeun ò nö i kūö ò.

LA-EN LĒVĪ 9:11

Ngaich ök alaha tök uk inrē föngö tö ò nö elkahôyö tök elyöngö.

LA-EN LĒVĪ 6:30

Öt kāḵ-a min öp tökētu kūö tökööl, öp tökēhĕtvö mahām nö el ngam rūkui manūlö el ngam töhet chūök, nö vanī inlām tökööl: föngö an min angū-ö nö i kūö tameūyö.

LA-EN LĒVĪ 9:9

Ngaich yik kikōnyö kūön Āròn nö kētö ök mahām nö in ò; ngaich sumlö kuntīre anga-aṅ nö ik mahām ngaich sòhtö e nö i kui nuk sinrōl ök tahāklö ngaich ṙöhtö ök mahām nö i rööntö ök tahāklö:

KINṘEŪKÖ 19:7

Ngaich ngam kūönṙô min nö söich nup inyut re, vōk alaha re min inrē anga-aṅ nö el mak, ngaich unôich anga-aṅ min nö kuhēthöre nö im elyöngö, ngaich ngam kūönṙô min nö kuvīö söl harap.

ISIKĪ-ĔL 43:21

Kē kōiny nuā yī-ö inrē min tökētu kūö tökööl, ngaich anga-aṅ min nö föngö ip chūök töhalēniṙen im tempöl, lā elkahôyö töp töhet ṙôkti e.

LA-EN LĒVĪ 6:11

Ngaich min anga-aṅ nö luhngö nup inyutre, ngaich hayutlöre tö tahëng, ngaich chātngö nup tisum nö el kahôyöm öp elyöngö ip töhet chūök.