HEPRĀI 12:7 - TÖHET LĪPÖRE (Re-edited) Bible (BSI)

⁷ Kūö e angū-ö chinökṙen ngam kaheun yīö, sā tīre An ngam Tēv tö yīö, tö kūön; achīö ṙöng öp nyīö töt chöken tö yöngre?

HEPRĀI 12:7 Referans Kwoze

INCHŌḴ-OṘÔ 19:18

Mikahlölōn ngam kūön re kikōnyö isaha öp nyanātö meh nö umuh; un ip finëlngö ò öp ellōn meh.

I. CHÖNGÖ 8:5

Ngaich ngëichkö e më-eṅ ellōnre, tö e nö sā tī ngòh tarik nö chökṙen kūön re, ngatī ngam Tēv meh ngam Mā Tēv nö chökṙen meh.

INCHŌḴ-OṘÔ 29:15

Kētö mikah an ngam chinökṙen vinëkö inrē, ngòh nyīö pöri töng kanahngenre nö hökiṙen kētö sumrōngkūö nö i yöng re kikānö.

INCHŌḴ-OṘÔ 13:24

Ngòh ṙamā-altī re nö chökṙen tö sumrīktö kūönre, anga-aṅ pöri ngòh tö hāngenlōn tö ò pētngen nö mikahlö lōn ò.

INCHŌḴ-OṘÔ 29:17

Vīten öp kūön re man nö haköp chöngö, ngaich me-eṅ min heūheure tö tī ò; kētö kumchiklōn meh min anga-aṅ.

2 SAMUĔL 7:14

Yöng ò chin min chū-ö kūön chu min inrē anga-aṅ: yĕn lūölkö tökööl anga-aṅ chinökṙen ò min chū-ö aṅtī tö tinkung tarik aṅtī tö chanökṙen inrē aṅ in yip kūön tarik;

INCHŌḴ-OṘÔ 22:15

Nyëklöre ap kumlō-ov nö ellōn ngòh nyīö, ahōnyen e pöri nö ṙā-ang in ò ngam fanòh inköp mikah.

1 RĀCHA 1:6

Öt hĕng heuh ök kikōnyö yöng ò nö ngö ṙô nö kumnyahngö lōn ò, Kūöyòh öm ngatī inlahen? Tövai ök inrē anga-aṅ nö tarik töfötnyu unôichrit Apsalem.

1 SAMUĔL 3:13

Pò chu ngāichö ṙô in ò tö chu min örhēuheu akah fālen öp patī ò, tökūö öp mikahlōn ò tökööl, Pò nap kūön ò kikōnyö nö kētö kuire tö rinūtngövah, ngaich rö-ö anga-aṅ nö tumālö cha.

1 SAMUĔL 2:34

Ngih ön min minkahtökūö meh, nö tameunghö kui nap kūön meh min, i kui Hòfnī, i kui Finehas inrē; nëtre taka nap min nöng hĕng sumkam kinpaha.

1 SAMUĔL 2:29

Kūöyòh öi röönngöngam tökētu nö in chu, ngam töhōtu tö chu nö el ngam chūök chu; ngaich me-eṅ milēḵ-ṙen tö nap kūönre nö mötlö tö chu, pò yīö hòṅ vīnyö ṙôkö alahare tö nup yöngkūö nup tökētuvö tö yip tarik Israĕl?

INLAHEN 14:22

Hangëkö ellōn yik mahaköp; ṙuhöl alaha cha inrē nö haköpngöre nö im mikah; ve-eny nang cha inrē tö hī, lökten i kanihngen, öi kuhēthötre im pūlngö ngam Tēv.

1 KÒRIN 11:32

Yē hī pöri töngamuh kahòkkaṙen, chöken ayī-ö tö ngam Mā: hòṅ hī öt im öt inkôlò anòngngen ngih panam.