HEPRĀI 12:5 - TÖHET LĪPÖRE (Re-edited) Bible (BSI)

⁵ Vaichngö yin tö ngam ṙinūöhöl alaha, vame-ekūö, nö sā kūönre ṙô; Kakūönö, uh man höhölōn tö ngam vinëköre aṅ im Mā Tēv, um rēhĕn uhā-en yē meh chöken tö Ò.

HEPRĀI 12:5 Referans Kwoze

INMEUKHÖMAT 3:19

I tum tat yip hanāngen chu, vëken cha chū-ö chökṙen cha inrē: lökten kalēḵĕ ellōn, havöötö ellōnre inrē.

1 KÒRIN 11:32

Yē hī pöri töngamuh kahòkkaṙen, chöken ayī-ö tö ngam Mā: hòṅ hī öt im öt inkôlò anòngngen ngih panam.

Salmai 94:12

Tökôlò ön ngòh tarik, ngòh töchöken tö Meh, Ō Mā Tēv: tö haköptu inrē tö Meh tö aṅ im chöngö.

YĀKÖP 1:12

Tökôlò ön ngòh tarik, ngòh töthanlöinyken tö kanihngen; pò ò min nö teūngen tö ngam sapīöv ngam nômö, yē ò min nö mihôiṅ, ngam ṙô ngam Mā nö kilēḵngôre nö in cha yip töhāngenlōn tö Ò.

Salmai 119:109

Örheūheu an ngam nômö chu nöng eltī chu: ngaich sön öich öt vaichngö töm chöngö Meh.

YERIMIĀ 31:18

Hang ṙô Ifrēm chin nö peuiny miṙivlōn re, Chöken chin ngaich tö meh, ngaich öich chöken, sā öp kun nuā tö-öl nö harūnö; havanten chu hēk hòṅ chu halööktuṙen, tön me-eṅ Man Mā Tēv öm Tēv chu.

Salmai 119:75

Ō Mā Tēv, akahalōn chin tö minë inkaha fālen aṅ in Meh nö tö chip: tö Meh inrē im kanô-en re hakihten chu.

Salmai 118:18

Chökhutī An ngam Mā Tēv, nö chökṙen chu: hö-ö pöri Anga-aṅ nö kēten chu im kinpaha.

HEPRĀI 12:7

Kūö e angū-ö chinökṙen ngam kaheun yīö, sā tīre An ngam Tēv tö yīö, tö kūön; achīö ṙöng öp nyīö töt chöken tö yöngre?

INCHŌḴ-OṘÔ 3:1

Kūön chu, um vaichngö tö inköptöre tö chu, hökngen ngam ellōn meh pöri nö haköp në chöngö chu;

INCHŌḴ-OṘÔ 4:5

Un vaichngö, un hapungngöre inrē tö në ṙô elvāng chu.

Salmai 119:83

Pò chu vītöre sā uk chūök mak el lul: hö-ö pöri chū-ö vaichngö tö minë chöngö Meh.

Salmai 119:16

Kumchikngenre chin min i minë chöngö Meh: öt hō öich vaichngö töm ṙô Meh.

NGAM LĪPÖRE YŌP 34:31

Hĕng tak hòng ngaich tö ṙô töm Tēv, Ngaich chin chöken; hö-ö chin hēk hòṅ fāluṙen,

T. LŪKÖS 24:6

Öt ihih Ökuh; ngaich Ök nö havanlöre. Köpölōn tö ṙô Ò nö ve-ekūö yīö, hē Ò nö ṙòngmö i Këlelī;

T. LŪKÖS 24:8

Ngaich fē-ĕlre cha-a tö nuk ṙô Ò.

Salmai 119:67

Urĕh chin sin kihten ngaich lōngen: ngaich chin töngamuh haköpkö në chöngö Meh.

INRĀMÖRE 3:39

Kūöyòh ang ngòh tö-aṅ tarik, nö vë-eny miṙivlōn, ngòh tarik, tö ngam sācha ò kūö tökööl ò?

KALATĪ 6:9

Ta-a inrē, ui uhā-en i tölöök vahīṙen: tön ip tölöök ṙētak in min hamūl, yē hī öt cheingö.

1 TIMÒTĪ 1:20

Aṅ in cha nap nāṅ Himenīös, Aleksantör inrē; nap tökētu tö chu nö in Sātān, hòṅ cha nö haköptu nö un ötlēkôre.

HEPRĀI 13:22

Ve-ekūö yīö pöri chu-ö, kahōlö, kēḵ ngam ṙô inlēnö yin: tön ṙōl milôhò tī chin kūichtö ṙô in yīö.