HEPRĀI 12:3 - TÖHET LĪPÖRE (Re-edited) Bible (BSI)

³ Ngëichken Ò ngam kameun nup insahṙô vē tö köölö fālen nöng lā-alre cha-a, hòṅ yīö öt uhāngöreṙen, ngaich öt kalēḵngöreṙen i ellōnre.

HEPRĀI 12:3 Referans Kwoze

KALATĪ 6:9

Ta-a inrē, ui uhā-en i tölöök vahīṙen: tön ip tölöök ṙētak in min hamūl, yē hī öt cheingö.

2 KÒRIN 4:16

Lökten in öt ṙā-ang lōnre; pòrô pöri ngam lā-uk tarik in ih nö lëvngö, sön ap lātuhēt tarik in ih nö tumfömlöng i tumö sakāmö.

INMEUKHÖMAT 2:3

Aṅhaṅv-in man tö manöinyö, ngaich kūö ngam mine-eny chu öm ṙāpa, ngaich öm höng öt ṙeingö.

1 KÒRIN 15:58

Lökten, yī-ö hol chu, haköpöre yin, ui hanlöinyken: örheūheu ṙūölö ngam la-en ngam Tēv, akahatöhechlōn tö ngam la-en yīö, im Mā Tēv, nö öt chanök alaha.

HEPRĀI 12:2

Hatīönken Yēsū, ngam yöngṙen, mahateungngö ngam ṙinātö ellōn nö in hī, ngam kūö ngam ṙanāmölōn tö ṙātu nö i kūö Ò, keun ök töhakālö hayëḵngen ngam sinrōngkūö, ngaich ūichngöre nö lahāmö ngam kantēra ngam Tēv.

HEPRĀI 3:1

Töhet kahōlö, hamòl im invëkö aṅ el halīöngö lökten ngëichken ngam tanīnöṙô ngam mākūö kūönṙô, ṙinātö ellōn hī inrē, Ang Yēsū;

2 KÒRIN 4:1

Yĕh meuk, lökten in īnu tö ngih mineukṙen, sā taneūngen ih, tö neūkölōn, öt chëya in;

T. YÔHAN 5:16

Angū-ö lökten yik Yahūti, nö öthakôlò Yēsū, pòn la-evṙen Anga-aṅ hē el töhet sakāmö, nö ngatī.

1 SAMUĔL 12:24

Höng ngam Mā Tēv an yēḵ pinhe-eṅkūö yīö, kô-en inrē lök la-en ò keuheūttö ellōnre: öi ngëichkö ṙôkhöl tī ò nö in yīö.

HEPRĀI 12:5

Vaichngö yin tö ngam ṙinūöhöl alaha, vame-ekūö, nö sā kūönre ṙô; Kakūönö, uh man höhölōn tö ngam vinëköre aṅ im Mā Tēv, um rēhĕn uhā-en yē meh chöken tö Ò.

T. LŪKÖS 14:1

Ngaich hē Ò nö chuh el patī ök töhĕng tak Feresī, nö nyā, hē el töhet sakāmö; ngaich cha-a nöng hayūnan.

I. CHÖNGÖ 20:3

Nö ngö ṙô tö cha, Hangihtöre, Ō Israĕl, ṙūötöre yin i ngih sakāmö öi haröhtöre im kinyūngö lā-al yip tökunyāhaṅ elmat tö yīö: uh yin öt kalē-ĕ ellōn; ui pa-ekūö, ui rēhĕn kichëyöre, ui rēhĕn pa-ekūö tö cha;

2 TÖSALÒNIKĒ 3:13

Kahōlö, uh pöri yī-ö uhāngöreṙen i tölöök la-en.

T. YÔHAN 18:22

Ngaich hē Ò nö ngatī ṙô, hĕng tak ngaich ök tösökhak, famôhan, nö ngö ṙô, Ngatī ṙô Öm sapṙô ngam mākūö kūönṙô?

T. YÔHAN 8:52

Ngaich ngö ṙô yik Yahūti tö Ò, Akahalōn takô in ngaich, tö Meh sī-u aṅ in. Kapah ök yih Aprahām tö yik pròfĕt inrē; ngaich Me-eṅ ngö ṙô, Yĕn hĕng tak tarik mahaköp ṙô Chu, öt hōḵ min anga-aṅ nö kapah.

Isayā 50:4

Kē-ĕvkūö chin tö ngam Mā Tēv tö litāk cha yip töhaköptu; pò chu hōtu akahalōn tö tīre ṙāpa aṅtī tö ngam ṙô ò ngam töcheingö. Kaheuk peuheū anga-aṅ nö aṅhen ngaich mi-īhenkö elnang chu öich hōtu hang sā cha yip töhaköptu.

INCHŌḴ-OṘÔ 24:10

Yē meh cheingö ip sakāmö öp lā-al meh, kūöṅnen öp kumlēḵ meh.

T. YÔHAN 8:59

Kēḵ ihong cha-a ngaich nö hòṅ kulehan; hanyatngöre ngaich Yēsū, ngaich kunyī-inyre, nö ṙā-ang el ngam töhet chūök.

T. YÔHAN 8:13

Ngaich ngö ṙô yik Feresī tö Ò. Höng kahngôre Man eūköre, öt tökô-en an ngam aheūkö Meh.

T. YÔHAN 7:12

Ngaich ulāikôre yik tömaṙôngö; rēvre yik tö ngö ṙô, Tömaṙôngö; rēvre yik tö ngö ṙô, Tölöök An nö tarik. Hö-ö, ngö ṙô yik inrē; hachōḵngö vē tö maṙôngö An, nö lō-ongkūö.

T. LŪKÖS 16:14

Ngaich yik Feresī, töhāngenlōn tö rupīö, nö hang në ṙô Ò; ngaich cha-a nö miyëḵṙô.

T. LŪKÖS 15:2

Ngaich ngö ṙô yik Feresī, yik kamūich inrē nö vëken Ò, Hōḵen tököölö fālen ön ngòh tarik; nya-aṅvkūö inrē nö holkūö cha.

T. LŪKÖS 5:21

Ngaich yik kamūich, yik Feresī in re, nö ngö ṙô nö inrē, Achīö ang ngòh tötmilēḵṙô tö ngam Tēv? Achīö ap tökô nö aṙē-ĕl tökööl, höng humeng taka An, ngam Tēv?

T. LŪKÖS 2:34

Ngaich ang Sumōn nö hakôlò cha; ngö ṙô an tö Mariā ök yöng Ò, Yĕh meuk ngòh nyīö nö töhōtu nö lökngen fanukngö ane inrē löklen chanôhòl i yip tömaṙôngö i Isarĕl; ane inrē minkahngö nö tö sōḵovö;

T. MËTIV 22:15

Kiröönngöre ngaich yik Feresī, ngaich ve-ekūöre tötīre, nö tingööpan i nup ṙô Ò.

T. MËTIV 21:46

Ngaich hē cha nö hòṅ kēḵ an, pa-ekūö cha-a tö yik tömaṙôngö, pò ò nö pròfĕt, tö lōn cha.

T. MËTIV 21:23

Ngaich hē Ò nö kuhēthötre nö el ök töhet chūök; ngaich yik mākūö kūönṙô, tö yik mākūö yik tarik inrē, nö yihtöre nö in Ò, hē Ò nö haköphöti; ngaich ngö ṙô, Asuh ap chöngö Meh, la-evṙen tö në? Achīö ap kamëḵ-eṅkūö Meh tö chöngö?

T. MËTIV 15:2

Kūö yòh aich më haköptö Meh nö öt haköp nup falngen yik mā misī? Pò cha nö öt söich eltīre yē cha nö nyā.

T. MËTIV 12:24

Ngö ṙô pöri yik Feresī, hē cha nö hāngö e, “Ahōngö sī-ö Ön ngòh tarik, lökten Pĕ-el-sipūl, ngam mākūö sī-ö,”

T. MËTIV 11:19

Yih ngòh Kūön Tarik, nö nya-aṅvkūö, òk inrē; ngaich ngö ṙô cha-a, ‘Yĕh meuk; ngòh tarik töpōivat, a mòk vāin inrē. Hol mahamūl ṙāi kinëhöt chehen, tököölö fālen inrē.’ Hameuktu pöri ap mikah nö ip la-en yip mahaköp.”

T. YÔHAN 9:40

Ngaich ngö ṙô tö Ò, yik rēvre Feresī, hamang në ṙô Ò, Öt meuk öi ihö inrē?

T. YÔHAN 10:20

Ngaich maṙôngö yik tö ngö ṙô, aṅ in cha, Sī-u aṅ in An; kulō-ov inrē; kūöyòh öi hang ṙô Ò?

1 PĪTÖR 2:23

Ngam tö ötlēka elnang, ngaich öt havahlô nö hēk; hē Ò nö kihngen, öt pinheṅ-elkūö Anga-aṅ; hökngenre pöri, nö im töhuveū-en Kamhôṅka.