HEPRĀI 12:23 - TÖHET LĪPÖRE (Re-edited) Bible (BSI)

²³ Im manūlö ane inrē māṅ ngam lanòh, yip tö kūichi nö el halīöngö, im Tēv ngam kamhòkken taṙòkhöre, i yip ma-alaha yip tarik tövītu nö teungten,

HEPRĀI 12:23 Referans Kwoze

YĀKÖP 1:18

Pò e nö lōn Ò, nö kētö nômö hī, i ngam ṙô kanô-en, hòṅ hī ayī-ö, sā ranehlòng vahī-il Ò.

HEPRĀI 11:40

Meukṙen hī an ngam Tēv tö tölöök tīre nö in hī, öl yip cha-a nö teungten, pò hī ayī-ö ṙòngmö köhngen.

T. LŪKÖS 10:20

Uh pöri öi ṙāmölōn i ngih, tö më sī-ö nö hang ṙô yīö; ṙāmölōn pöri tö kinūichngö nup minënyö yīö nö el halīöngö.

INMEUKHÖMAT 14:4

Cha-a yin töt mahachōichngöre nö i kikānö; pò cha nö töhet. Cha-a yin vē tamömrit ngam pököre i töng kū-ö Ò nö kiröönngöre. Cha-a yin töhavaha aṅ i tarik, nö lanòh nö im Tēv, im pököre inrē.

MANEUTNYI 4:22

Ngaich ngöṙô min më-eṅ tö Fërō, Ngöṙô an ngam Mā Tēv, Kūön chu an Israĕl, lanòh chu:

Ranehlö 18:25

Marôvat ön angū-ö tö Meh Öm ngatī inlahen tī, Öm fëlngö tölöök nö anòngngen tötlöök; marôvat ön angū-ö tö Meh; röh Ang ngam Ma-akah në taṙòkhöre panam nö töhòṅ chīpö tī?

INMEUKHÖMAT 20:15

Yĕn hĕng tak öp töt kôti nö kūichi nö i mat ngam līpöre nômö, suktu ngaich anga-aṅ nö el öp tötöh tameūyö.

Salmai 94:2

Hachônglöre Man, Me-eṅ ma-akah fālen ing panam: kē-ĕkūö ngam mahakeūṙöre tap manā-angkūö ò.

HEPRĀI 9:27

Sā ngih nö ngaich nö hachöngtuṙen, tö tarik nöng hĕng heuh kinpaha; unôichrit e ngam kinṙôka.

Salmai 96:13

I kūö ngam Mā Tēv, pòn yih Anga-aṅ; pòn yih Anga-aṅ nö akah fālen ngam panam: akah fālen ngam panam An min im lanöökö, vē tarik inrē hol tö ngam kanô-en Ò.

INMEUKHÖMAT 13:8

Ngaich ṙòkhöre cha-a min nö salāman yip mī-iyöng ing panam, ṙòkhöre yip töt kūichi minë-eny nö i mat ngam līpöre nômö aṅ im pököre, ngam tö fëli hēten tö ranehlö ngih panam.

1 PĪTÖR 2:23

Ngam tö ötlēka elnang, ngaich öt havahlô nö hēk; hē Ò nö kihngen, öt pinheṅ-elkūö Anga-aṅ; hökngenre pöri, nö im töhuveū-en Kamhôṅka.

HEPRĀI 11:4

Lökten i ṙinātö ellōn ang Āpĕl nö kētö töngö-al lanöökö tökētu nö im Tēv, tö Kēn, öt löktö ök ineūkö ò nö tölöök, eūkö ngam tī ò tökētu inrē ngam Tēv: Ngaich lökten in e anga-aṅ nö pòrô nö kapah, sönen nö ṙô-òv.

1 TIMÒTĪ 3:5

Yē tarik pöri nö öt huveū-en nö hayöng patīre, sītih kanô-en ang min nö meukkö ngam Māṅ ngam Tēv?

FILIPĪ 4:3

Hòṅ, vë-ekūö meh chin inrē, tökô-en hamòl elranôṙö, meuklen yip kikānö, tön holṙen chu yip nö la-evṙen im tölöök inhānga; holṙen Klemen inrē, yip tahëng inrē hamòl alaha chu, yip tö minënyu nö i mat ngam līpöre nômö.

EFISÖS 1:22

Ngaich anga-aṅ inrē nö ṙātö taṙòkhöre nö elkatòh röön Ò, ngaich kē-ĕkūö Ò nö hayöng taṙòkhöre im Māṅ,

INLAHEN 20:28

Aṅtöre yin; aṅtö minë pököre inrē, minë hayöng yīö, i tī ngam Töhet Fanöinylö, nö vīlen yīö mameukken, hòṅ yīö ha-aṅlö ngam Māṅ ngam Tēv, ngam havah Ò nö ṙāi tö mahāmre.

T. YÔHAN 5:27

Ngaich pòn Kūön Tarik Anga-aṅ, ngaich kē-ĕvkūö tö Ò tö chöngö nö kahôka.

Salmai 98:9

Tön yih An nö akah fālen ngih panam: akah fālen ngih panam An min im chaniplen, akah fālen vē tarik inrē nö haṙong tī re.

KÒLÒSĪ 1:24

Ṙāmölōn chin i në kanihngenre tö pòkūö yīö, ngaich haṙënngö ngam töhāṅten chu-ö kanihngen Krsitū ing alahare, pòkūö ngam alaha Ò, ngih māṅ;

KÒLÒSĪ 1:12

Ha-öiny ngam Yöng, ngam vamīten hī tökô hamòl im amin yip töhet aṅ el hanātö.

2 KÒRIN 5:8

Ngö ṙô chin, öt pa-ekūö in, ngaich lahëḵ hōḵ rö-ö im alaha, ngaich i patī hol tö ngam Mā.

1 KÒRIN 15:54

Ngaich hē ngih töchahū-uyö min nö kēḵ ngam töt chahū-uyö, ngih tökapah min inrē nö kēḵ ngam töt kinpahavö; ngaich möl nö teungtökūö ngih ṙô tö kūichiyö, Ngôkö an ngam kinpaha tö ngam minhôiṅyö.

1 KÒRIN 13:12

Höng paṙūöyamat in töngamuh ngëichkö kūöre i tö-ayānga: havööhen höökūö pöri min môkö ayī-ö. Hĕng lā mikahkūö chin töngamuh; môkö pöri min chū-ö akahakūö takô, sā inkaha chu.

YERIMIĀ 31:9

Yih yip min nö holtö pineūnyö, holtö inṙamlōn inrē min chū-ö hachōḵten, cha hēk, vīten cha chin min nö lök ël töhëm mak, ip töchip talöökö ël e min cha-a nö öt kavē-ĕre; pò chu öich yöng Israel, Ifrēm inrē lanòh nö kūon chu.

Mumkahten 12:7

Havantöre ngam pitung nö el tumlat nö sā re misī, havantöre inrē ngam ma-alaha nö im Tēv ngam kamëtö e.

Salmai 111:1

Ha-öiny ngam Mā Tēv yin; hol tö ellōn re chin min Ha-öiny ngam Mā Tēv; elṙôngö mahalēn tö chiplen, in yip tö maṙôngö inrē.

Salmai 89:27

Vīten Ò chū-ö inrē nö lanòh chu: tö marô-òlchūök tö yip rācha ngih panam.

Salmai 89:7

Yöng pinhe-eṅkūö An ngam Tēv, nö i manūlö yip töhet: tö pahe-evö inrē nö mötlö tö cha yip mahavīlen Ò.

Salmai 69:28

Hökngen cha nö sīchiyö nö i mat līpöre nômö: un kūchö nö hol yip tölöök.

I. CHÖNGÖ 21:17

Akah ngam lanòh pöri min anga-aṅ, ngam kikōnyö kūön ngam tötlālö, nö tumôl tīre nö kē-ĕkūö ò i nup töt aṅ in ò: tön ranehlö kumkēḵ ò an anga-aṅ; ngaich lumnööṙö ò, anga-aṅ an tö lumnööṙu tö minā-aṅ ngam lanòh.

MANEUTNYI 13:2

Ahetlö yip lanòh nö ṙòkhöre nö in Chu, öp lamöpnyökūö chūök kanūönö in yip kūön Israĕl, hĕnghöre i tarik i töṙeūla inrē: Chū-ö Chu yip achā-a, nup anū-ö inrē. Nyinā Aṅ Ngam Töt-aföhlöng Ròtī

MANEUTNYI 32:32

Yē Meh pöri hòṅ aṙē-ĕl tökööl cha yē Meh rö-ö, vë-ekūö Meh chin, sichngen chu Man ṙā-ang i mat öp līpöre Meh öp kahūichngö Meh nö ngaich.

1 KÒRIN 15:49

Sā hī ayī-ö alahavö tö në el tumlat; ngatī ayī-ö min alahavö tö aṅ el halīöngö.

HEPRĀI 2:12

Nö ngö ṙô Vënyö ngam mine-eny meh chin min i yip kisānöre. Elṙôngö ngam māṅ chin min tikökṙôre tö nöinyö Meh.

INMEUKHÖMAT 6:9

Ngaich hē ò nö keuheūtö tī nö ṙòngnyökūö ök tinneūiyö inpanngö, meuk nuk nômö cha chū-ö, nö el katòh ngam tahāklö, yik tö fëli tö kūö ṙô ngam Tēv, kūö ngam kinṙapkö cha inrē inmeukhöti;

INMEUKHÖMAT 6:11

Ngaich nö kahĕng tamrīkö kinë-eṅkūö cha-a tö tö-aṙū-uti tö-isoh inyut: ngaich vënyu cha-a, nö hōtu nö rahëchtöreṙen nö heūheure, hanöng saha yip hol cha tanīnöṙô, ane inrē yip hanöng kisānö cha, yip töfëli min nö sā cha, nö keuheūtiṙen.