HEPRĀI 12:22 - TÖHET LĪPÖRE (Re-edited) Bible (BSI)

²² Yihtöre pöri yī-ö im Rôngö Sīyôn im elpanam ngam tö-aṅ Tēv inrē, ngam Yerūsalem el halīöngö, in yip töt kanṙeūken ma-ahānga inrē,

HEPRĀI 12:22 Referans Kwoze

FILIPĪ 3:20

Pò ngam halīöngö nö panam hī, ngam löktö ngam Mahayööken, ngam Mā Yēsū, ngam ahökkö hī;

KALATĪ 4:26

Ngam lamātulöng pöri Yerūsalem nö töthakövö, ngam kikānö yöng hī.

INMEUKHÖMAT 14:1

Ngaich meuk ngam pököre chu-ö, nö sökhaka nö i kui Rôngö Siyôn, hēngòng fën anāi fën köṅny yip hol Ò. Minënyu Anga-aṅ, ngam Yöng Ò inrē, nö kūichi nö i māl cha.

Salmai 48:2

Im töhet rôngö ò vāyö intāilö, ngam ṙanāmölōn në taṙòkhöre panam, ngam Rung Siyòn: lā kapā, ngam el pinnāmen ngam tökiröng Rācha.

INMEUKHÖMAT 21:2

Ngaich meuk ngam töhet elpanam, tufömngöre Yerūsalem, yôntī nö ṙā-ang el halīöngö nö ṙeū-eung im Tēv, halēnö, sā töhapihö kikānö nö hanyöṅtö nö höngkökūö öp pihöre.

Isayā 51:11

Ngaich havantöre min yip töhavaha tö ngam Mā Tēv, ngaich yih nö i Sīyôn nö holtö tinkökṙôre; öt chanūhuvṙen öp ṙanāmölōn min nö i kui cha; teūngen yip min tö kumchik lōn ṙanāmölōn inrē, falngöre min nö marôvat miṙīvlōn anū-unglōn inrē.

INMEUKHÖMAT 22:19

Ane inrē yĕn tarīku kamëngö nup ṙô nö ṙā-ang i minë ṙô ngih līpöre vine-eny mu-unôich, kē-ĕyö min öp minchöḵö ò tö ngam Tēv, nö ṙā-ang im chōn nômö, ṙā-ang el öp töhet elpanam inrē, nup tökūichi nö i mat ngih līpöre.

INMEUKHÖMAT 3:12

Anga-aṅ ngòh tömihôiṅ, vīten ò chu-ö min nö machööḵlö ngam töhet chūök ngam Tēv chu, ngaich öt hēṙu min anga-aṅ nö kunyī-inyre nö ṙā-ang in e: ngaich i alaha ò tī chu-ö min kūich minë-eny ngam elpanam ngam Tēv chu, ngam tufömngöre Yerūsalem, ngam yamônti nö ṙeū-eung im Tēv chu, ap tufömngöre min minë-eny chu inrē.

HEPRĀI 13:14

Tön rö-ö in ihih elpanāmu tö tököp, chöh öp el panam pöri ayī-ö öp yamih min.

HEPRĀI 11:10

Pò ò nö chöh öp elpanam öp tö chūöku rööntö machööḵlö, öp tö mamānlu tö ngam Tēv ane inrē vahīlö ngam Tēv.

YŌ-ĔL 2:32

Ngaich ngö inlahen angū-ö min tö öp töng mahavëkö minë-eny ngam Mā Tēv min nö ṙānyuvö: pòn i kui rung Siyông i Yērusalem inrē cha-a min yip tötkô-òngvah, sā ṙô ngam Mā Tēv, yip töhavëka tö ngam Mā Tēv aṅ in yip chööḵṙen.

HŌSĪ 1:10

Sönen pöri min öp ṙôken kūön Israel ö sā kuyāyö mai, öp töt kanlahen ṙôken, öt rēhĕn nö kanṙeūken; ngaich ngö inlahen angū-ö min, nö ṙënngen ngam töṙônyu nö in cha, rö-ö yin yī-ö tarik chu, ngö pöri min ngam ṙô nö in cha, Kikōnyö yin yī-ö kūön ngam tö-aṅ Tēv.

TANĪ-ĔL 7:10

Hëmnyi ök tameūyö, ngaich löknyö kūö ò nö yihtöre; hĕng köṅny tököṅnyu nö lök la-en ò, söm köṅny tum van tösöm köṅny sökhak nö i kūö ò; kinṙôka ngaich nö inkaha fālen, fehnyu kūö ngaich nuk līpöre.

Isayā 60:14

Ngaich yih min nö in meh yip kikōnyö kūön yip mahakihten meh nö tumṙeūtöre nö sōnngöre nö in meh; ṙòkhöre min inrē yip tömināch tö meh nö sōnngöre nö i röön meh; Elpanam ngam Mā Tēv ngö ṙô yip min nö havëken meh, ngam Sīyôn aṅ im Töhĕng Töhet in Israĕl.

Isayā 59:20

Ngaich yih min anga-aṅ nö i Sīyôn nö sā ṙamānyö, nö in cha yip mahavööngökūöre in Yāköp tö öt lanöökö ṙô ngam Mā Tēv.

Isayā 28:16

Lökten an ngam Mā Tēv nö ngö ṙô, Yĕh meuk, ngaich chin ṙātö ihong rööntö machööḵlö Sīyôn, tö kalaha nganëḵeṅ ihong, töpōiṙāi ihong sinkeukngö nö tököp: öp ṙamātö ellōnre min öt kunrātuṙen.

Isayā 12:6

Pōitô hū-a inrē, me-eṅ aṅ Siyôn; tön kiröng an ngam töhet aṅ in Israĕl nö el ṙôngö meh.

2 RĀCHA 19:4

Hang minë ṙô Rapsākeh an lohten ngam Mā Tēv ngam Tēv meh, öp tötīntu tö ngam yöng re rācha aṅ Asīriā nö miṙēngö ngam tö-aṅ Tēv, ngaich inrē min nö vëkö nup ṙô nup töhāngö nö ngaich tö ngam Mā Tēv ngam Tēv meh: lökten man hachohlöṙôre vë-ekūötēv vë-elkui yip chööḵṙen tö-ōtren.

INMEUKHÖMAT 21:10

Ngaich īnu pöri chū-ö töm Töhet Fanöinylö kēngen chu anga-aṅ nö im Töhet Fanöinylö ip tö hĕng rôngö tökiröng, tömarô-òlkui inrē ngaich hameukhömat chu tö ngam töhet elpanam Yerūsalem, yamônti nö ṙā-ang im Tēv, aṅhaṅv-in tö kanôlò ngam Tēv:

INMEUKHÖMAT 7:2

Ngaich meuk tahëng Ma-ahānga chū-ö, yônlö nö löklö lā maneutlö ngam tavūöi, īnu tö minkahngö ngam tö-aṅ Tēv; ngaich hūkö yip tö fën tak anga-aṅ Ma-ahānga nö pōitô, yip tö kē-ĕvkūö nö hachök ngih panam, mai inrē;

NGAM LĪPÖRE KAHŪICH YŪT 1:14

In cha ṙô inrē Ēnòk, ök sinat tak kūön Ātöm, nö ṙô-òv, nö ngö ṙô Yĕh meuk ngam Mā nö yih holtö yip tösöm köṅny töhet,

TANĪ-ĔL 6:26

Vītö chöngö ing pūlngö chu tarik nökicheyöre pa-ekūö inrē nö i kūö ngam Tēv Tanīĕl, pòn Anga-aṅ tö-aṅ Tēv, tököp nöng örheūheu; Ngam pūlngö ò min öt hētu nö piyāyi, söl ip manā-aṅ min ngam pūlngö ò.

YERIMIĀ 10:10

Tökô-en pöri nö Tēv ngam Mā Tēv; tö-aṅ an nö Tēv rācha inrē tö-örheūheu nö aṅ. Kayin ngih tumlat i lanīnö ò, ötkô vē pumnāmö tarik inrē nö keun öp tökiröng lanīnö ò.

Isayā 51:16

Ngaich chū-ö chaphöt minë ṙôre elvāng meh, ngaich hanyatngen meh el nyat ngam kël chu, hanyāknyö minë halīöngö ṙātö rööntö ngam tumlat inrē, ngaich ngö ṙô tö Sīyôn, Tarik chu yin yī-ö.

Salmai 87:3

Löökö ineūnyö Man: Ō me-eṅ el panam ngam tēv.

Salmai 84:2

Yikölōn ön ngih nômö chu, hôṅ, hangen tö ngam el patī ngam Mā Tēv: hūḵnyôre ngih ellōn chu, akaha chu inrē nö im tö aṅ Tēv.

Salmai 2:6

Ha-ūichlö ngam rāchare chin sönen: i kui ngam töhet rôngö Siyôn.

YÔSUĀ 3:10

Ngaich ngö ṙô Yôsuā, Ihih yin min akahalōn tö ngam tö-aṅ Tēv nö in yīö, tö ò inrē nö öthō nö ahōngen yip aṅ Kanā-an nö i kūö yīö, tö yip Hitait, Hivait, Përisait, Kirkes, Amôr, Yëpus inrē.

I. CHÖNGÖ 33:2

Ngö ṙô anga-aṅ, Yih an ngam Mā Tēv nö ṙā-ang Sināi, ngaich choholre nö in cha nö ṙā-ang Sēir; yang anga-aṅ nö ṙā-ang ip rôngö Parān, yih anga-aṅ nö ṙā-ang i yip tösöm köny töhet: lahāmö ò ök chöngö cha tötameūyu.

I. CHÖNGÖ 5:26

Achīö ṙöng ap in vē tarik nö ṙòkhöre tö-aṅ, öp hamang ṙô ngam tö-aṅ Tēv nö löknyö el kūö tameūyö ṙô nö kahôka, nö sā hī ayī-ö?

HEPRĀI 10:31

Pinhe-eṅkūö an ngam fanuk eltī ngam tö-aṅ Tēv.

HEPRĀI 9:14

Iṙôkhöl öre ngam mahām Kristū, ngam lamökten im tö-örheūheu-aṅ Töhet Fanöinylö, nö kēḵngöre nö im Tēv, nö töt mirūnuvö, ahetlö elkui lōn yīö, i nup tökapah la-en, öi lök la-en ngam tö-aṅ Tēv.

HEPRĀI 3:12

Kahōlö, haṙēmngenre yin, hòṅ e nö öt chūöku nö ellōn yīö ngam tötlöök ellōn, öt ṙinātö ellōnre, i pintūḵngöre ṙā-ang im Tö-aṅ Tēv:

1 TÖSALÒNIKĒ 1:9

Pòn anū-ö ngaich vamënyen ih tö inlahen lökhöt ih in yīö, tö inlahen yīö inrē havöötökūöre im Tēv öi ṙā-ang nup insātēv; öi lök la-en ngam tö-aṅ Tēv, tökô-en inrē,

RŌMA 11:26

Ngaich ngatī min nö ṙòkhöre Israĕl nö hayöökaṙen, sā kinūichngö e, Löknyö i Siyôn öp min Ṙamā- nyö nö yih; Havööngö kūö ötlanöökö öp min nö ṙā-ang in Yāköp;

RŌMA 9:26

Ngaich angū-ö min nö ip chūök e nö ngö ṙô tö cha, Rö-ö yin yīö tarik chu. In e cha-a min nö havëka nö kūön ngam Tēv.

T. MËTIV 5:35

Un rēhĕn nö im panam tön ranöönöröön Ò an angū-ö; un rēhĕn nö i Yērūsalem, tön panam ngam yöng Rācha an angū-ö.

Isayā 14:32

Asuh ap min töhĕng sanap ṙô yip ma-ahangkö pumnāmö tarik? Ngam Mā Tēv an vamītö chūök Siyôn ngaich in e min nö hanyathötre yip töhakihtuṙen tarik ò.

Salmai 68:17

Nët anāi köṅny nup inröl ngam Tēv, köṅny, köṅnyu nup: in u An ngamMā, sā re nö i Siyòn, el töhet chūök.

T. MËTIV 16:16

Ngaich Simōn Pītör nö ngö ṙô, nö sap ṙô Ò, Me-eṅ Man Kristu, Kūön ngam tö aṅ Tēv.

Salmai 42:2

Yal ön ngih nômö chu tö ngam Tēv, ngam tö-aṅ Tēv: ĕhē öich min yih öich meūkö ikūö ngam Tēv?

Isayā 24:23

Ngaich ngam chingëṅt min nö kalūöchöre elkui, sirōngkūö inrē ngam tavūöi pò ngam Mā Tēv yip tömaṙôngö min nö hayöng nö i kui rung Sīyôn, i Yerūsalem inrē, nö i kūö yik mā misī ò nö i minā-aṅre.

Isayā 27:13

Ngaich ngö inlahen angū-ö min ip sakāmö angū-ö, tö öp yöng römpet min nö föönyukūö; ngaich kunyī-inyre min cha-a yip tö-öhngen nö rö-övö ip panam Asīriā, acha-a inrē yip tökavali nö ip panam Aikup; ngaich min cha-a nö salām ngam Mā Tēv nö i kui ngih töhet rôngö i Yerusalam.

YERIMIĀ 17:25

Ngaich möl nö kūhēthötre min nö lökhöt minë inkūp ngih elpanam yip rācha amūichhak nö el kantēra Tāvit, el inröl i uk kōra inrē, cha-a tö yip kūön rācha inrē in cha, yip tarik Yūtā tö yip aṅ Yērusalem inrē; ngaich ngih elpanam min nö örheūheu nö aṅ-havkūö.

EFISÖS 2:19

Rö-ö yin aṅ tahëng, yamih inrē; hamòl pöri yī-ö, öi i yip töhet, aṅ patī ngam Tēv inrē.

2 TIMÒTĪ 4:18

Ṙānyen chu an min ngam Mā, ṙā-ang i nup tötlöök la-en, ngaich hayöölen chu min inrē im pūlngö Ò el halīöngö: Kanôlò Ò yēḵ örheūheu. Āmen.

HEPRĀI 11:16

Ngaich pöri cha-a tö ngamuh nö lōn tö öp töngö-al panam, ngam aṅ el halīöngö: lökten ngam Tēv nö öt sirōngkūö tö cha, nö Tēv cha invëka: pòn halēnken tö hĕng Anga-aṅ elpanam cha.