HEPRĀI 12:2 - TÖHET LĪPÖRE (Re-edited) Bible (BSI)

² Hatīönken Yēsū, ngam yöngṙen, mahateungngö ngam ṙinātö ellōn nö in hī, ngam kūö ngam ṙanāmölōn tö ṙātu nö i kūö Ò, keun ök töhakālö hayëḵngen ngam sinrōngkūö, ngaich ūichngöre nö lahāmö ngam kantēra ngam Tēv.

HEPRĀI 12:2 Referans Kwoze

MAIKA 7:7

Ngëchkökūö ngam Mā Tēv pöri chū-ö min; hökkö ngam Tēv chin min ngam inyööken chu: hangṙô chu an min ngam Tēv chu.

1 PĪTÖR 3:18

Pò Kristū nö hĕngheuh misī nö kihngen kūö tötlöök, ngam tölöök, pòn hòṅ kēten hī Anga-aṅ im Tēv; kumpaha nö im alaha, ha-aṅhaṅ pöri nö im ma-alaha,

HEPRĀI 1:3

Pòn Anga-aṅ yanëichö ngam kanôlò, kintān tö ngam Tēv takô inrē; kumṙapkö në taṙòkhöre chehen, lökten im minhôiṅyö ṙôre: keuheūtheṙen nö söichngö në tökööl ngaich ūichngöre nö lahāmö ngam kanôlò lātulöng.

EFISÖS 5:2

Lök im hanāngenlōn, sā Kristū nö hāngenlōn tö hī inrē, ngaich kēḵngöre töpòkūö hī, tökētuvö nö im Tēv, nö tö tahūsa, töhōḵov inrē.

FILIPĪ 1:6

Ngaich chin nyātölōn takô, tö ngam ramehlö tölöök la-en nö in yīö, ngaich hateungngö e min hanöng saha ngam sakāmö Yēsū Kristū.

HEPRĀI 9:28

Ngatī Ang Kristū hĕng heuh nö kēḵngöre, nö keun kanöölö tömaṙôngö; ngaich meūkö min im innëtvan, tö cha yip hamöngkö kūö Ò, nö kumtö inyööken, nö köhngen töm tökööl.

T. YÔHAN 6:40

Pò e nö lōn ngam Yöng Chu, tö yip taṙòkhöre mameuk ngam Kūön, ṙātö ellōnre inrē nö in Ò, nö nômuvö tö ngam tö örheūheu-aṅ, ngaich hachohlen cha Chū-ö min, ip manā-aṅ sakāmö.

1 PĪTÖR 3:22

Ngam lahāmö ngam Tēv nö ngaich, yônlö nö el halīöngö; ma-ahānga, chöngö, minhôiṅyö inrē ngaich nö tumṙeūtu tö Ò.

INLAHEN 5:31

Anga-aṅ hapōilö ngam Tēv nö lāhāmö Ò, nö Rācha, Mahayööken inrē; hòn kētö invöötö ellōn nö in Israĕl, inṙē-ĕl tökööl inrē.

T. LŪKÖS 24:26

Tö sōtu ang Kristū nö ngatī kanihngen tö u, ngaich kuhēthötre nö unôich nö im kanôlòre?

Isayā 53:3

Töt hakūökaṙen an tösō-ovö inrē tö tarik; tarik miṙivlōn an, tö-īnu inrē tö miṙivlōn; sā öp töhĕng tak an inrē chūök tarik nö hanyatngö kūö re öt hakūökaṙen anga-aṅ rö-ö ayīö inrē hāngen tö ò.

Isayā 45:22

Havantöre in chu, hòṅre hayöökaṙen, ṙòkhöre aṅ manā-angkūö ngih tumlat: tön chū-ö chin Tēv, öt tahënguvö.

NGAM LĪPÖRE KAHŪICH YŪT 1:21

Haköpöre yin im hanāngenlōn ngam Tēv, meūkkö ngam neūkölōn aṅ Mā hī Yēsū Kristū im nômö tö örheūheu-aṅ.

HEPRĀI 8:1

Ngih ön yöngkūö ngam kahòkkö hī: aṅhaṅv-in in tö mākūö kūönṙô ngam amūichngöre nö lahāmö ngam kantēra ngam Rācha el minë el halīöngö.

2 TIMÒTĪ 4:8

Töngamuhöten ap sapīöv lanöökö nö ṙātu hinöngken chu, tökētu min tö ngam Mā nö in chu ip sakāmö angū-ö; ngam töt atöltuṙen kamhôṅka; öt höng chū-ö, tön ṙòkhöre cha-a inrē, yip tö hāngenlōn ip mineūkö Ò.

FILIPĪ 3:20

Pò ngam halīöngö nö panam hī, ngam löktö ngam Mahayööken, ngam Mā Yēsū, ngam ahökkö hī;

T. MĀKÖS 14:36

Appā, Kayöngö, ngö ṙô Anga-aṅ; taṙòkhöre nun nö tökô nö in Meh; kēḵngö ngih kulah Man yēḵ, nö ṙā-ang in Chu. Uh pöri yēḵ nö sā lōn Chu; sā ngam lōn Meh pöri.

Isayā 8:17

Hòṅ hökkö ngam Mā Tēv chin, ngam mahanyatngö kūö re tö ngam patī Yāköp, chôngken ò chin min.

INMEUKHÖMAT 2:8

Löö ip Ma-ahānga aṅ ip māṅ i Ismörnā ngö tī kūich, Në nun ṙô ngam raneh, ngam manā-aṅ inrē, ngam tökapah sin, ngaich aṅ nö hēk:

HEPRĀI 13:13

Ta-a lökten, töi chuh in Ò lā-uk ngam elyöngö, keun ngam sinrōngkūö Ò.

HEPRĀI 5:9

Keuheūthë inteungten, ngaich Anga-aṅ, nö in cha nö ṙòkhöre yip töt maha-ôngen Ò, nö löktö tö örheūheu-aṅ inyööken;

T. YÔHAN 13:3

Akahalōn Yēsū tö ngam Yöng nö kētö taṙòkhöre nö eltī Ò, tö Ò inrē nö yamih, nö ṙā-ang im Tēv; ngaich chuh im Tēv.

T. LŪKÖS 17:5

Ngaich ngö ṙô yik tanīnöṙô tö ngam Mā, Ṙuöhlö mikah ih Man.

T. MĀKÖS 9:24

Ngaich iṙūö peuiny ök yöng ök nyīö, nö ngö ṙô, Ṙātö ellōnre chin. Meukṙen hanāṅten mikah chu.

HEPRĀI 12:3

Ngëichken Ò ngam kameun nup insahṙô vē tö köölö fālen nöng lā-alre cha-a, hòṅ yīö öt uhāngöreṙen, ngaich öt kalēḵngöreṙen i ellōnre.

EFISÖS 2:16

Ngaich halāmten cha nö nëtre nö hēngö alaha nö im Tēv lökten ngam töhakālö, tö kinheūṅtenre nö fëlngö ngam kumnyah elmat, nö aṅtīten tö Ò:

INLAHEN 5:41

Kiröönngöre yik tanīnöṙô nö ṙā-ang i kūö yik kamhôṅka; ṙāmölōn töre nö halöngtuṙen nö sumrōngikūö tökūö ngam Mine-eny;

T. YÔHAN 12:32

Ngaich Chū-ö yē Chu hatamlöngö, ṙā-ang el tumlat, Öich tūöktö taṙòkhöre tarik nö in re.

Salmai 138:8

Kētöre An min ngam Mā Tēv nö holṙen chu: Ō Mā Tēv, köp an ngam miṙēlōn Meh nö örheūheu. Unṙā-ayö minë lā-en minë kuntī Meh.

1 PĪTÖR 1:11

Chöh ṙētak, hēḵ inlahen öp ṙētak ngam Töhet Fanöinylö Kristū nö in u nö asōkhöti, hē e nö urĕh nö hameuktö kanihngen Kristū, nup tamömrit e inrē kanôlò.

HEPRĀI 10:14

Pòn lökten i ngam töhĕng tökētuvö, Anga-aṅ nö hateungten cha nö örheūheu yip tö-ahetlöngö.

T. YÔHAN 12:24

Tökô-ò ṙô Chin tö yīö, Yē ngam kulöl saīny nö fuk el tumlat, nö öt chahū-uyö; ngaich höngngöh angū-ö, min nöng kahngenre. Yē e pöri nö chahū-uyö, ngaich pōyen ṙòng.

T. YÔHAN 8:56

Töṙāmölōn ök yöng yīö Aprahām, nö meuk ngih sakāmö Chu. Ngaich meūkö e anga-aṅ ngaich ṙāmölōn.

T. YÔHAN 1:29

Im huṙöich anga-aṅ meūkö Yēsū nö yihtöre nö in ò; ngaich ngö ṙô, Yĕh meuk, ngam pököre ngam Tēv, ngam kamëḵngö tökööl ngih panam.

T. LŪKÖS 23:11

Ngaich Herôt, yik kumyung inrē, nö hayāichngen Ò, hayëḵngen Ò, hayutlen Ò inrē tö ök tövai inyut. Ngaich tīnngen Ò nö hēk nö in Pailĕt.

T. MËTIV 20:28

Sā ngòh Kūön Tarik nö yih, rö-ö nö tö meūken, mameukṙen pöri ane inrē kamëtö nômöre, nö ṙāi tömaṙôngö.

T. MËTIV 16:21

Hēten e Ang Yēsu nö hameukhömat yik mahaköp, tö Ò nö hòṅ chuh Yērūsalem, ngaich pōiyen kanihngnen nö i yik mā, fëliyö, ngaich choholre im linūöi sumkam.

SAKARIĀ 12:10

Ngaich chū-ö min ṙöstö kui ngam patī Tāvit, ṙöstö kui yip aṅ Yērusalem inrē tö ngam ma-alaha inkôlò vine-elkui inrē; ngaich cha-a min nö hatīönkö kūö ò öp tösāpi tö cha: ngaich cha-a min nö haṙivhen ò, sā öp töhaṙivlōn töp töng hĕng maneuk kūön re kikōnyö, ngaich min inrē nö kiröngö miṙivlōn tö ò, sā kinröngö miṙivlōn tö lanòhre.

Isayā 31:1

Tötkôlò yip cha-a yip chamuh Aikup nö lukkö holṙen re, chūökre inrē tö kōra; hayönglenre inrē nö i inröl, pò cha nö maṙôngö, i tarik aṅ uk kōra inrē, pò cha nö tökalēḵ; hö-ö pöri cha-a nö ngëichkö ngam Töhĕng Töhet in Israĕl, öt rēhĕn nö chöh ngam Mā Tēv!

INMEUKHÖMAT 1:17

Ngaich hē chu meukan, ngaich fukngö chu-ö iröön Ò sā kupah, Ngaich lāhāmötī anga-aṅ nö ṙātö eltīre nö in chu, Un pa-ekūö, nö ngö; Chu-ö Chin raneh, manā-aṅ inrē,

INMEUKHÖMAT 1:11

Ngö ṙô, Minë maheuṅk meh, kūichngö u i mat līpöre, ngaich söömngö e i nup tö sat māṅ; löö Efisös, Ismörnā inrē, löö Pörkamöm, Taitiriā inrē, löö Sārtis, Filitalfiā, Laotisiā inrē.

HEPRĀI 7:19

(Pò ngam chöngö nö öt vahītuṙen tö töteungten) ane inrē kumtö öp tö ēhten mineūka nö in e, ngam löktö hī ṙūöhtöre im Tēv.

HEPRĀI 1:13

Achīö öp pöri tö yip ma-ahānga ṙô Ò nö hĕng heuh ṙô nö ngö, Ūichngöre man lahāmö chu, hanöng sahatī chu vītö yip tö kunyahaṅ elmat tö meh nö ṙanöönö röön meh?

INLAHEN 2:36

Lökten hökngen vē taṙòkhöre aṅ patī Israĕl nö akahalōn takô tö ngam Tēv nö vīlen Ò, nö hĕnghöre Mā, Kristū inrē, ngòh Yēsū harātö yīö.

T. MĀKÖS 9:12

Ngaich ngö ṙô Anga-aṅ tö cha, Kô ap Ēlaicha nö urĕh tö yihih, ngaich halēn taṙòkhöre. Ngaich Sitih kinūichngö ngòh Kūön Tarik, tö Ò nö ötkôn rö-ö nö pōiyen kanihngen, sōḵovö inrē?

Salmai 110:1

Ngö ṙô An ngam Mā Tēv tö ngam mā chu: ūichngöre man lāhāmö chu, hanöng saha tī chu vītö yip tö kunyaha elmat tö meh nö ranöönö röön meh.

INMEUKHÖMAT 1:8

Chu-ö Chin Alfa, Omeka inrē, ngö ṙô ngam Mā Tēv, Öich töha-ehelen misī, Öich yamih, Tökeuheūttöre Chöngö.

HEPRĀI 11:36

Ha-āchiṙen yip tahëng nö kalaha, fòho inrē, hôṅ, hēk inrē nö nyëkö, kalonghötvö inrē:

HEPRĀI 10:33

Kūö yīö vītu nyam mat, hĕnghöre i minṙēngö, kanihngen inrē; kūö yīö inrē hamòl cha yip tö ngatī kinëka alaha.

T. MĀKÖS 16:19

Ngaich ngam Mā Yēsū nö kēḵlöngö nö el halīöngö, tö kinheūṅtö ṙô Ò tö cha; ngaich ūichngöre nö lahāmö ngam Tēv.

INLAHEN 3:15

Ngaich fëlngö ngam löknnyö nômö, ngam tö hachohlöng nö ngaich tö ngam Tēv; ihö in ṙòkhöre mameūkö e.

1 KÒRIN 1:18

Pò ngam ṙô ngam töhakālö nö löö in cha yip kūö kumlō-ov nö öt kôlò; minhôiṅyö ngam Tēv pöri nö in hī, ayī-ö töhayöökaṙen.

1 KÒRIN 1:23

Ahangken, Kristū pöri īhö nö harātu, vanāichö i yip Yahūti, kumlō-ov inrē i yip Tahëng mihëṅṙö;

YĀKÖP 2:1

Kahōlö, un ṙapka ngam rinātö ellōn i ngam Mā hī Yēsū Kristū, ngam Mā kanôlò, nö holtö intöllen tarik.

KINṘEŪKÖ 21:9

Ngaich Môsös nö vī ök mās pēch, sātlen ò ngaich nö i kui ök haṙah chōn: ngaich yē öp pēch nö kap tarik, ngaich yē ò nö hatīönkö ngam mās pēch, ngaich aṅ anga-aṅ.

T. MĀKÖS 15:28

Ngaich keuheūtiṙen ṙô ngam töhet līpöre, töngö, Ngaich kaheuktu Anga-aṅ nö i tötlöök.