HEPRĀI 12:16 - TÖHET LĪPÖRE (Re-edited) Bible (BSI)

¹⁶ Hòn öt chamô-òkānuvö, hēk mahachōichngörevö tarik, tö sā Īsô, mi-inyihngö ngam mine-enyre, nö ṙāi töng töh nya-aṅkūö.

HEPRĀI 12:16 Referans Kwoze

INMEUKHÖMAT 22:15

Lā-uk nup am, yip tömilūönö inrē, tö yip chamô-òṅkānö, tö yip famël tarik, tö yip vame-eṅkūö insātēv, ṙòkhöre inrē yip töhāngen nö vī minyôinyaṅ.

HEPRĀI 13:4

Hökngen ngam pinīhö, i taṙòkhöre, nö hanāngen, un hachōichi ngam chamam; pò vē chamô-òkānö, ma-asĕhha inrē min nö kahòkkaṙen töm Tēv.

INLAHEN 15:29

Hòṅ yīö ṙāngenre i nup tökētu nö i insā tēv, i nyinā-aṅvkūö inrē tö mahām, nup tö hanlöiny hang likeun inrē, i chinô-òṅkānö. Lööken yin min, yē yīö haköpngöre öt in u. Lööken yin yēḵ.

T. MĀKÖS 7:21

Pòn löknyö lātuhēt, ṙā-ang el kuilōn tarik, nup tötlöök lōn nö meutnyi, chinô-òṅkānö, unlāyö, finël tarik,

INMEUKHÖMAT 21:8

Ngòh tö pinheṅ-eṅvkūö pöri, töt ṙamātö-ellōnre, SIN-ÒKKŪÖ, famël tarik, ma-asĕhha, tömilūönö, vame-eṅkūö insātēv ṙòkhöre töminyôinyaṅ, i ël öp tötöh töhūkūö tameūyö, töhū ihong inrē minchööḵö cha; nö ngam innëtö kinpaha.

KÒLÒSĪ 3:5

Lökten kumpahngö nup tūmö alahare më-el tumlat, Chinô-òṅkānö, töchōich, sinṙakngölōn, tötlöök lōn, ngam yinikhanga inrē, ngam vinë-ekūö insātēv.

EFISÖS 5:5

Akahalōn takô yin tö ma-asĕhha, tö chōich tarik, yamikhanga ngòh vamë-ekūö insā tēv nö öt amīnuvö tö ngam pūlngö Kristū, ngam Tēv inrē.

2 KÒRIN 12:21

Hòṅ ngam Tēv chu min nö öt havāichngen chu nö i kūö yīö, yē chu yih hēk, ngaich chu-ö haṙivhö yip tömaṙôngö in cha yip tököölö fālen urēhĕkūö ngih, ngaich öt havöötö ellōnre nö ṙā-ang tökööl, chinô-òṅ kānö, yinikngö tötlöök lōn, nup kahëken cha.

1 KÒRIN 10:8

Uh in rēhĕn chamô-òṅkānö sā yik rīkre tö cha; ngaich yik tö kahuksīön michöömö lūöi köṅny tarik nö hĕng sumkam nö kapah.

INLAHEN 15:20

Höng kūichtö līpöre cha pöri, hòṅ cha nö ṙāngenre i nup tö hachōchi tö insa tēv, i chinô-òṅkānö i nyinā-aṅvkūö tö hanlöiny hang likeun, mahām inrē.

Ranehlö 27:36

Ngaich ngöṙô angā-aṅ, Röh öp kan nö huveū-eu minë-eny nö Yāköp? Tön ngaich yih angā-aṅ nö nët heuh nö hachūk̠ngen chu ː ngaich yih angā-aṅ nö kēngö ök minā-aṅ chu; yĕh ngëcha, ngaich angā-aṅ töngamuh nö kēngö ök inkôlò chu. Ngaich ngöṙô angā-aṅ, Öt ma-iṅku ömeh tö inkôlò chu?

EFISÖS 5:3

Sā yīö töhet, un minënyuvö nö in yīö, insĕhha, taṙòkhöre töchōich, yinikhanga inrē;

1 TIMÒTĪ 1:9

Sā ngih nö akaha, tö ngam chöngö nö öt pòkūö tarik nö vīlöngö, tön pòkūö yip töt aṅhav-in tö chöngö, töt kô-en inrē, pòkūö yip tötlöök, tököölö fālen inrē, pòkūö yip töt het mahachōichhanga inrē, pòkūö yip kumpah yöngre tö kikōnyö, kikānö inrē, pòkūö yip famël tarik.