HEPRĀI 12:15 - TÖHET LĪPÖRE (Re-edited) Bible (BSI)

¹⁵ Milēt mat hòn öt tarīku tö hāṅten tö ngam inlōnti aṅ im Tev, hòn öt sīöplö nup ṙĕh kumnyahṙen nö hakihten yīö, ngaich pōihangen tī tö töchōich;

HEPRĀI 12:15 Referans Kwoze

HEPRĀI 3:12

Kahōlö, haṙēmngenre yin, hòṅ e nö öt chūöku nö ellōn yīö ngam tötlöök ellōn, öt ṙinātö ellōnre, i pintūḵngöre ṙā-ang im Tö-aṅ Tēv:

I. CHÖNGÖ 29:18

Hòn öt ngatī nö in yīö kikōnyö tarik, hēk kikānö tarik, hēk mupīhö, hēk miyöngö öp töhavööṙikūö ellōn i ngih sakāmö nö ṙā-ang im Tēv hī ngam Mā Tēv, nö kiröönngöre nö lök la-en nup tēv yip pumnāmö tarik; hòṅ yīö öt aṅhaṅvin tö rĕh tökumtö tö-angū-öṅ tö-angūövö chōn inrē;

KALATĪ 5:4

Tököhngen yin ngaich tö Kristū, yī-ö tö hòṅ halööklöngö lökten im chöngö, sukngöre yin ngaich ṙā-ang im inlōnti.

2 KÒRIN 6:1

Vë-ekūö yīö in, ihö tö la-evṙen hol Ò, ui höng tötöl kēḵ ngam inlōnti aṅ im Tēv.

2 YÔHAN 1:8

Meūköre yin, hòṅ yīö öt löhlö tö u nuk tī ih, hòṅ yīö pöri teūngen tö tötimtörkūö raneushö.

1 KÒRIN 15:33

Ui hachīlöre; öt kôlò tī yin vē tötlöök hol, tö tölöök inlahen.

2 PĪTÖR 3:14

Lökten, kahōlö, yĕh meūköre öi höngö u anū-ö, haṙūöttökūöre hòṅ yīö min kôti im lanāmö, öi öt mirūnuvö, öt chnôichu inrē ikūö Ò.

HEPRĀI 4:1

Ta-a lökten töi pa-ekūö, hòn öt amahaiṙen nö hĕng hang tak in yīö töhāṅten tö e, ngam kinlēḵngô, nö ṙā-ai nö kuhēthötre im haneūheuṅ Ò.

1 KÒRIN 5:6

Tö chōich an ngam ineū-euṅ nö in yīö. Öt akahalōn öi tö ngam tö rahëichyen inföhlö, nö keuheūtlörekūö töm tö hĕng mumūlö nö föhlö?

YERIMIĀ 2:21

Töteūichtuvö pöri tö chu öm vāin tö-atöllöng öm aṅ i tölöök kulöl. Sitih ömeh vīngöre ötkôngöre ṙô ngaich vīngöre öm vāin aṅ el inchōn?

INCHŌḴ-OṘÔ 4:23

Haköp ellōnre i hinöngöre; tön löknyö in e ap nö hëmnyi mak nômö,

HEPRĀI 4:11

Lökten ta-a töi hakūötenre kuhēthötre, hòn öt tarīku tö fukta nö sā yip aṅ minôṙô.

2 KÒRIN 13:5

Kalahare yin, yē yīö im mikah; hameuktöre yin. Hēk, öt akaha kūö ṙöng öi inrē, tö Yēsū Kristū nö in yīö? Yē yīö öt kô-òngrit höng mī-i tökööl.

1 KÒRIN 10:12

Lökten hökngen ngòh tököp tölōnre, nö haṙēmngenre, hòn öt fukngö!

1 RĀCHA 14:16

Ngaich anga-aṅ min nö ṙā-ang tīre tö Israĕl tökūö nuk tökööl Yērōpoām, nuk tī ò tökööl nuk aṅtī ò inrē nö vīten Israĕl nö köölöfālen.

HEPRĀI 6:11

Hōten yīö in kö pētngen hameuktö töngatī, im kanô-en mineūka, söl ip manā-aṅ:

I. CHÖNGÖ 32:32

Pò nup vāin cha nö aṅ Sôtöm nö vāin. Aṅ panô-òṅ Kômòra inrē: nup ṙòng vāin cha tö angūṅövö nö ṙòng vāin, angū-övö nup mupōkö u:

I. CHÖNGÖ 4:9

Höng haṙēmngenre man, kalē-ĕlōn haköpöre, hòṅ meh öt vaichngö tö nuk tö ngaich nö meūkö tö meh, hòṅ u nö öt ṙāngö ngam ellōn meh i rô-ò ten meh aṅ; mikaktölōn yip kūön meh pöri tö u, yip kūön yip kūön meh inrē.

2 PĪTÖR 2:18

Pòn ṙônyö nup tökiröng ṙô, töföh chanöh alaha, ngaich haṙöinyö nup tötlööklōn alaha, lökten im tötlöök yinikhanga, ngaich cha-a yip tölöök nö öt kô-òngvah nö in cha yip mi-iyöng tövaich;

KÒLÒSĪ 3:5

Lökten kumpahngö nup tūmö alahare më-el tumlat, Chinô-òṅkānö, töchōich, sinṙakngölōn, tötlöök lōn, ngam yinikhanga inrē, ngam vinë-ekūö insātēv.

EFISÖS 5:3

Sā yīö töhet, un minënyuvö nö in yīö, insĕhha, taṙòkhöre töchōich, yinikhanga inrē;

KALATĪ 2:13

Ngaich asīnken ang Parnöpas inrē nö halō-oi kūö nö in e angū-ö tö ngatī innyatkö elmat.

1 KÒRIN 13:8

Öt chanūhuvṙen an ngam hanāngenlōn. Chuhngöre pöri min në minkahten; ṙāngöre në ëlô; chuhngöre min ngam inkaha.

MANEUTNYI 32:21

Ngaich ngö ṙô Môsös tö Āròn, Sitih tī aich vē tarik tö meh, tö meh öm kētö kui cha tö tökiröng tökööl?

2 PĪTÖR 3:11

Meuk öm pöichö tö në nö ngatī nö ṙòkhöre nö piyööyi, hòṅ sitih inlahen öi yī-ö tarik öi i nup töhet, nup lanöökö inrē,

2 PĪTÖR 1:10

Lökten, kahōlö, haṙūöttökūöre öi vīten ngam invëkö yīö, kintöllö yīö inrē, nö köp.

Isayā 5:7

Pò ngam panô-òṅ vāin ngam Mā Tēv yip tömaṙôngö nö ngam patī Israĕl, yip tarik Yūtā inrē nö tölöök nö chōn: ngaich anga-aṅ nö ngëichkö inkaha fālen ngaich höng meuk pineūnyö.

Isayā 5:4

Asuh öp tö ngaich tī chu i ngam panô-òṅ vāin chu, öp tö-öl töre nö tī chu in e? Hē chu meūkken e nö ṙôngu, kūöyòh ngaich angū-ö nö ṙòngtö töng öt kôlò?

YÔSUĀ 6:18

Ngaich yī-ö inrē ṙūöhöngre tö nup tökētu chehen, hòṅ yīö yē yīö aṅhāṅv in tö tökētu, ngaich yī-ö öt kē nup chehen tökētu; ngaich yī-ö min vīten ngam elyöngö Israĕl nö tötkôlò, ngaich hakihten e.

T. LŪKÖS 22:32

Vë-elkui meh pöri Chū-ö, hòṅ ngam mikah meh nö öt keuheūt. Hangëken yip holre pömchö; yē meh öm havöötö ellōnre hēk.

TAITÖS 1:15

Ṙòkhöre nun nö het nö i vē töhet; in cha pöri nö öt töhëtu yip töhachōichi nö ngaich, töt ṙamātö ellōnre inrē; nëtngöre pöri tö ap lōn cha, kuilōn inrē nö ngaich nö hachōichi.