HEPRĀI 12:14 - TÖHET LĪPÖRE (Re-edited) Bible (BSI)

¹⁴ Lām i taṙòkhöre tarik, ane inrē tömkö ngam inhetlö, öt tarīku min mameuk ngam Mā, yĕn öt īnu tö e;

HEPRĀI 12:14 Referans Kwoze

2 KÒRIN 7:1

Kahōlö, ngaich in īnu tö në kinlēḵngô, lökten ta-a töi halööktö nup chanôichö ngam alaha, ma-alaha inrē, hateungtö ngam hanëtö i pinhë-eṅkūö töm Tēv.

1 TÖSALÒNIKĒ 4:7

Pò ngam Tēv nö öt havëten hī öi im chanôichö; im hanëtö pöri.

1 PĪTÖR 3:11

Hökngen ò nö havöötö ukre nö im tötlöök, ngaich la-evṙen tö tölöök; hökngen ò nö chöh kumchikṙen, ngaich tömrit e.

RŌMA 12:18

Yē e nö kô ip tölngö ṙôken e nö in meh, lām i taṙòkhöre tarik.

RŌMA 14:19

Lökten, ta-a, töi tömkörit nup taṙòkhöre vamī lanāmö, nup lökten hī inrē kö harūkö höö.

INCHŌḴ-OṘÔ 16:7

Yē nup talöökö ngam tarik nö ṙāmölōn tī tö ngam Mā Tēv, vīten ngam tökunyaha-elmat tö re anga-aṅ nö lām nö in Ò.

1 TÖSALÒNIKĒ 3:13

Pòn hòṅ haköpngö nup ellōn yīö Anga-aṅ im hanëtö, nö öt vinëku nö i kūö ngam Tēv hī, Yöng inrē, ip yanīhih ngam Mā hī Yēsū KrisTū nö holtö yip töhet.

RŌMA 6:22

Ngaich pöri ṙānyu töngamuh ṙā-ang im tökööl, ngaich vītu öi kūön ngam Tēv, ngaich ṙôngu yī-ö im inhetlö, ngaich nômö tö tö örheūheu-aṅ, manāngen.

Salmai 34:14

Kēḵĕngre ṙā-ang im tötlöök, ngaich la-evṙen tö tölöök; chöh lanāmö, ngaich tömrit e.

3 YÔHAN 1:11

Kahōlö, un asīnö ngam tötlöök, angū-ö pöri ngam tölöök. Anga-aṅ ngòh vamī tölöök, aṅ im Tēv: anga-aṅ ngòh vamī tötlöök, öt meuk ngam Tēv.

EFISÖS 5:5

Akahalōn takô yin tö ma-asĕhha, tö chōich tarik, yamikhanga ngòh vamë-ekūö insā tēv nö öt amīnuvö tö ngam pūlngö Kristū, ngam Tēv inrē.

Isayā 51:1

Hangihtöre tö ṙô chu yī-ö tamömken tölöök, yī-ö chamöh ngam Mā Tēv; ngëichkö ngam ihong ngam löknyö yīö öi faslöngö, ngam chūök ihong inrē ngam löklö yīö öi ullöngö.

HEPRĀI 12:10

Pò cha nö kôḵngen nöng haroh tum sumkam nö chökṙen hī, ip tölngö lōn cha; Anga-aṅ pöri kūö inkôlò hī, hòṅ hī hamòlkūö im hanëtö Ò.

1 TIMÒTĪ 6:11

Falngöre pöri me-eṅ tö në, Ō me-eṅ tarik ngam Tēv; ngaich tömrit ötmichūṙen, lanöökö, mikah, hanāngenlōn, manöiyö, inyāichngö,

INCHŌḴ-OṘÔ 15:1

Havööngö kūö lanīnö an ngam törēm sanap ṙô, haruhlö tanānyö pöri ngam tökesṙô.

1 PĪTÖR 3:13

Achīö ap min töchökhuṙen tö yīö, yē yīö hāngenlōn takô tö tölöök?

T. MĀKÖS 9:50

Tölöök ön ngih sāl. Yē e pöri nö öt ngöhöre inṙeihu, Sitih tī öi min kumchiklö e? Sālu in yin yēḵ; ngaich kö kuchīken in höö.

Salmai 120:6

Marô-òten ön ngih nômö chu nö iyöng: nö holtöṙah tö sumrīk tö lanāmö.

2 PĪTÖR 3:11

Meuk öm pöichö tö në nö ngatī nö ṙòkhöre nö piyööyi, hòṅ sitih inlahen öi yī-ö tarik öi i nup töhet, nup lanöökö inrē,

1 KÒRIN 1:10

Kahōlö, ve-ekūö yīö chin töngamuh, lökten i ngam mine-eny ngam Mā hī Yēsū, hòṅ yīö ṙòkhöre hĕngre ṙô, hòn öt inrēvngörevö nö in yīö; hòṅ yīö pöri teung öi mūl im töhĕng ellōn, ngam töngatī inrē inkaha.

INCHŌḴ-OṘÔ 17:14

Ngam ranehlö linā-alkūö sā tö löpnyukūö mak; lökten kē-ĕngre urēhĕkūö öp linā-alkūö.

T. LŪKÖS 1:75

Im hanëtö, im ötmichūṙen inrē, i kūö Ò: i rô-òtö në sakāmö hī.

2 TIMÒTĪ 2:22

Ṙuhöngre pöri tö yinikngö, në lōn ṙālö, tömkörit lanöökö, mikah, hanāngenlōn, lanāmö, nö löklö öp töhet ellōn, in cha yip mahavëkö minë-eny ngam Mā.

1 TÖSALÒNIKĒ 5:15

Ngëicha hòn öt hĕng tak tö tītö tötlöök nö invahal tötlöök; örheūheu pöri tömkö ngam tölöök in höö, i taṙòkhöre inrē.

Salmai 133:1

Yĕh meuk, sitih lanöökö öng nö i vē hanöngkisānöre: nö holtöṙahre nö mūl nö iyöng!

Salmai 94:15

Pò ngam inkaha fālen min nö havantöre nö im lanöökö: ngaich ṙòkhöre min yip töchiplö ellōn nö tömrit e.

Salmai 38:20

Acha-a inrē, yip tö tī tö tötlöök nöī invahal tölöök nö lā-al cha: pò chu tömrit ngam tölöök.

NGAM LĪPÖRE YŌP 19:26

Ngaich unôich yĕn ngaich öp uk alaha chu nö chahū-uyö, ngaich chū-ö min ing alaha re meuk ngam Tēv,

NGAM LĪPÖRE YŌP 33:26

Vë-ekūötēv ngaich ngam ta- rik, hō-o ṙô ò ngaich anga- aṅ, i kūö ò ngaich anga-aṅ nö ṙamölōn nö yih. Kaheuk inyööken anga-aṅ nö i tarik,

Ranehlö 32:30

Ngaich ang Yāköp nö kaheuk minë-eny ök chūökö nö Penīĕl: pò chu kôta mat meukkūö ngam Tēv, ngaich aṙēlöng ngih nômö chu.

2 PĪTÖR 3:18

Sīöplö pöri im inlōnti ane inrē inkaha ngam Mā hī Mahayööken hī inrē Yēsū Kristū. Kanôlò Ò yēḵ, hĕnghöre töngamuh örheūheu inrē. Āmen.

FILIPĪ 3:12

Öt kūö chu ngaich teūngen, hēk vītu ngaich teungten: iṙūöhen pöri chu-ö, yĕich hōtu ngatī kētötīre im lökten chu kiṙapka tö Kristū Yēsū.

2 KÒRIN 6:17

Lökten yin meutnyi ṙā-ang in cha, köhngen yin yēḵ yī-ö tö cha, ngö ṙô ngam Mā, un lūölkö töchōich, ngaich hōḵen yīö chu-ö min.

1 KÒRIN 13:12

Höng paṙūöyamat in töngamuh ngëichkö kūöre i tö-ayānga: havööhen höökūö pöri min môkö ayī-ö. Hĕng lā mikahkūö chin töngamuh; môkö pöri min chū-ö akahakūö takô, sā inkaha chu.

KALATĪ 3:21

Lökten öng ngam chöngö nö lā-al ngam kinlēḵngô ngam Tēv? Ötkô nö ngatī. Yē ngam chöngö nö ngaich nö kētu nö mahaṅaṅ, ngaich ngam lanöökö öre, nö lökten im chöngö.

HEPRĀI 9:28

Ngatī Ang Kristū hĕng heuh nö kēḵngöre, nö keun kanöölö tömaṙôngö; ngaich meūkö min im innëtvan, tö cha yip hamöngkö kūö Ò, nö kumtö inyööken, nö köhngen töm tökööl.

KAMHÔKA 11:14

Ngaich hēk Yefta nö tīnngö ma-ahānga nö ik rācha yik kūön Amön: