HEPRĀI 12:13 - TÖHET LĪPÖRE (Re-edited) Bible (BSI)

¹³ Hachip talöökö minë röön yīö, hòṅ ngam tö karòk nö öt patū-ui linkölngö, hòṅ ò pöri nö lööken.

HEPRĀI 12:13 Referans Kwoze

KALATĪ 6:1

Kahōlö, yē öp hĕng tak tö kôti nö i tökööl fālen, halööktö töngatī, hol tö inyāichngö ellōn, ngëichköre me-eṅ, hòṅ meh inrē tö kalaha.

Isayā 35:3

Hangëken nup töt kalē-en yin kël hakôpkö nup tökichëyöre kui kinmônö.

Isayā 35:6

Ngaich öp tökaṙòk tarik min nö tisôköre sā hāt, tikökṙôre min inrē öp litāk öp tötsalōhoṙō: pòn eltönyalnyi min nup mak nö pòplö, el tönyalnyi inrē nup kun töhëm mak.

YĀKÖP 5:16

Lökten yin ve-eny tököölre in höö, kö ve-elkui höö inrē, hòṅ yīö min lööken. Pōyen taneūngen an ngam vine-elkui ṙô ngòh tölöök tarik.

T. LŪKÖS 3:5

Hatööḵlöngö nup min vëlö; piṙāptukui inrē në rôngö; chip min nup tö kuròk; faṙë cha ël inrē nup talöökö töpisūköre.

Isayā 42:16

Kētö tötmeuk chin min nö el ap talöökö töt mikahkūö cha; el kanröönö öich hachō-o cha min öp töt mikahkūö cha: vītö sinngūlö chin min i kūö cha nö hanātö, tökuròk inrē nö chip. Anū-ö nun min tī chu, hö-ö chin min ṙāngen cha.

YERIMIĀ 18:15

Ngaich pöri vē tarik chu nö vaichngö tö chu, föng tötahūsa yin nö i tötkô-en tēv; kavē-ĕre yin nö el talöököre, i minë hötṙeh talöökö, lök i kanānngö yin nö ngaich inrē, öt im tökiröng talöökö,

Isayā 58:12

Ngaich min minë töhötṙeh hanāngen tötaṙöli nö mānlöngö: ngaich me-eṅ min katöplö rööntö machööḵlö töṙōl köl chap; ngaich kaheūkö min me-eṅ vamītit tömëngö: mahavanlö nup talöökö elyöngö.

KALATĪ 2:14

Ngaich hē chu meūkö cha nö öt chīpö talöökö nö i kanô-en ngam tölöök inhānga, ngaich ngö ṙô chu-ö tö Pītör, i kūö cha nö ṙòkhöre, Yē meh me-eṅ öm Yāhūti, öm asīntö re i vē Tahëng mihëṅṙö tarik, ngaich rö-ö öm sā Yahūti, sitih öm līpten yip Tahëng mihëṅṙö nö asīntöre nö i Yāhūti?

1 PĪTÖR 2:24

Ngam tö aṅhaṅv alaha tö në tökööl hī, nö irōi ngam chōn; hòṅ hī ngaich tökapah, ṙā-ang ngam tökööl, aṅ pöri im lanöökö. Lööken yin ngaich, tökūö nuk finôhòh Ò.