HEPRĀI 12:1 - TÖHET LĪPÖRE (Re-edited) Bible (BSI)

¹ Lökten in ayī-ö inrē, ta-a, ṙā-ngö nup sanānngenre, ngam tökööl inrē tö lööṙen nö havīlen hī, öi meūköre havīlöngö tö tökiröngen taṙul, yip ameū-a, ngaich ta-a inrē, töi fal asōl, ngam insōlö töṙātu nö i kūö hī.

HEPRĀI 12:1 Referans Kwoze

2 TIMÒTĪ 4:7

Ngaichö alaha chin kiyung im tölöök kinyūngö, sölngö röön chin ngaich fal, köptī chin tö ngam mikah:

FILIPĪ 2:16

Kiṙapkö ngam ṙô ngam nômö; hòṅ chu löknyuvö ineū-euṅ hē ngam sakāmö Kristū, öich öt töchök alaha röön fal, öt töchök alaha la-evṙen inrē.

T. LŪKÖS 21:34

Haṙēmngenre pöri yī-ö, hòṅ nup ellōn yīö nö öt lumngantu tö sinṙākngen hinyōyö, ane inrē finëken ngih nômö; ngaich ilööṙen yanihih angū-ö sakāmö nö in yīö, nö sā inchīlö.

KALATĪ 5:7

Löököröön yin ngaich fal; achiāp ma-asānngen yīö öi hōtu ahôngen ngam kanô-en?

1 PĪTÖR 2:1

Lökten ṙāngö nup taṙòkhöre öt lanöökö, nup taṙòkhöre inchīlö, nup taṙòkhöre innyatkö elmat, nup kumnyah elmat, ṙòkhöre inrē nup tötlöök ṙô,

RŌMA 12:12

Ṙāmölōn im mineūka; möi im kanihngen; iṙuöhen köp im vinë-eṅkūötēv;

2 KÒRIN 7:1

Kahōlö, ngaich in īnu tö në kinlēḵngô, lökten ta-a töi halööktö nup chanôichö ngam alaha, ma-alaha inrē, hateungtö ngam hanëtö i pinhë-eṅkūö töm Tēv.

2 TIMÒTĪ 2:4

Öt kumyūngu lamök ngam la-en, ma-asānngenre nö i la-en ngih nômö, pò ò nö hòṅ haṙamlōn ò ngam kamūichtö minë-eny ò nö kumyung.

YĀKÖP 1:3

Akahtöheichlōn tö ngam kinlaha ngam mikah yīö nö tītö manöiyö.

T. MËTIV 24:13

Ngòh tö köp pöri nö söl ip manāngen, hayöökaṙen min anga-aṅ.

T. MËTIV 10:22

Surīkhu yin min tö taṙòkhöre tarik, töpòkūö Minë-eny Chu. Ngòh tököp pöri, nö söl ip manā-aṅ, anga-aṅ min töhayöökaṙen.

HEPRĀI 6:15

Ngatī, pītnyöre nö i manöiyö, teūngen ngaich anga-aṅ tö ngam kinlēḵngô.

RŌMA 2:7

I yip mahamöiyöre i tölöök la-en; nö chöh kanôlò, ineū-euṅ, töt chinhūngu inrē, in cha ngam nômö tö örheūheu aṅ:

INMEUKHÖMAT 3:10

Pò meh haköp ngam ṙô chu, ngam manöiyö chu inrē, aṅten meh chin min ip ṙētak kinlaha, öp ṙētak angū-ö, yamih nö i kui ngih panam nö ṙòkhöre, nö kamlaha cha yip mī-iyöng kūö ngih panam.

1 PĪTÖR 4:2

Hòṅ yīö öt ngöhören irô-òten nup ṙētak yīö im alaha, öi im tötlöök lōn tarik, i lōn ngam Tēv pöri.

T. LŪKÖS 12:15

Ngaich ngö ṙô Anga-aṅ tö cha, Haṙēmngenre yin, kē-ĕngre ui im yinikhanga; pò ngih nômö ngòh tarik nö öt i ṙôken nup chehen mi-in ò.

2 PĪTÖR 1:6

Im mikah yīö, ṙināpöre; im ṙināpöre manöiyö; ane inrē im manöiyö yīö, lanöökenṙen;

INMEUKHÖMAT 22:16

Chū-ö Yēsū tamīntö Ma-ahāngare nö hameukhö mat meh tö në, nö lamöö i nup Māṅ. Chū-ö chin ṙĕh, kūön Tāvit inrē, töhū, misaha inrē.

1 PĪTÖR 5:12

Rahëichyen tī chin ngaich kūichtö kum Silvënös in yīö, ngam tökô-en hol hī, sā ṙô chu eūken ò, halēn, hameukhöti inrē, tö ngih nö tökô-en inlōnti aṅ im Tēv: haköpöre yin sökhak in e.

Isayā 60:8

Achīö aich vē tö sā vaneūtö röön taṙul, sā pumpa inrē nö i lökhöt kuföt inkūp cha?

INMEUKHÖMAT 1:9

Ip kun panam, chu-ö Yôhan, tö Petmòs invëka, mëm kahëm yīö, ane inrē hamòlkūö yīö i kanihngen, ane inrē im pūlngö, manöiyö inrē aṅ in Yēsū, ngam ṙô ngam Tēv, ane inrē inmeuktö Yēsū.

T. YÔHAN 3:32

Nup maheuṅk Ò inrē, ngaich eūkö u Anga-aṅ; öt tarīku pöri hamôḵòṅ aheūkö Ò.

ISIKĪ-ĔL 38:16

Yih min yī-ö lā-al yip tarik chu Israel, sā taṙul kahultökui ngam panam. I nup lā-unôich sakāmö chū-ö min kēten meh lāḵlö ngam panam chu, hòṅ vē pumnāmö tarik nö akahakūö tö chu, hē chu lökten in meh, Ō Kōk öich haköp ngö hanëtöre i kūö mat cha.

ISIKĪ-ĔL 38:9

Iṙūöhö röön man min, sā yanīhih chanôchö panam, sā taṙul man min kahultö kui ngam panam, me-eṅ tö yip kumyung in meh inrē, maṙôngö tarik hol meh inrē.

INMEUKHÖMAT 13:10

Yĕn tarīku lamā im inkövö, chuh im inkövö min anga-aṅ: yĕn tarīku min tö aṅtī tö sanët nö fël, nyahaṅ tö sanët min anga-aṅ nö fëli. In e an ngam manöiyö ane inrē ṙinātö ellōn yip töhet.

T. LŪKÖS 16:28

Tön taneui tak kahëm chin; hòṅ ò nö ve-eny nang cha, hòṅ cha cha-a inrē nö öt yihtöre nö ing chūök ötkanôlò.

Salmai 18:23

Teung chin inrē in ò: haköh- ngenre chin tö nup tökööl re.

T. YÔHAN 4:39

Maṙôngö yik ṙamātö ellōnre aṅ im panam Samariā, nö in Ò; kūö ṙô ngam kikānö, ngam ameū-a, nö ngö ṙô, Ve-eny nang chu An, tö nup taṙòkhöre fālen chu.

T. YÔHAN 4:44

Pò Yēsū nö ve-eny tö ngòh pròfĕt nö öt kanôluṙô nö i panamre.

KALATĪ 2:2

Kiröönngöre chu-ö löktö i inmeuktö; ngaich ṙātö ngam tölöök inhānga nö ikūö cha, ngam ahangkö chu i yip Tahëng mihëṅṙö tarik, höng ulāikenre pöri i kūö cha yip tö akaha, hôiṅch öt lökngö yô-òv röön fal, hēk chök alaha röön ngaich fal.

EFISÖS 4:25

Lökten ṙāngö minyôinyaṅ, kö kô-òṙô in höö, tön töhēngö alaha in ayī-ö.

FILIPĪ 1:30

Ngam maheuṅk yīö kanihngen in chu, ngaich hāngö töngamuh nö in chu.

1 PĪTÖR 5:1

Lökten chin halēn yip mahaköphöti in yīö, chu-ö hamòl cha mahaköphöti, ane inrē mameuk kanihngen Kristū, chu-ö inrē hamòl im kanôlò tö hameuktu min:

NGAM LĪPÖRE YŌP 8:10

Röh yip nö hōḵ nö haköpten meh, vë-eny nang meh inrē, ṙôtö ṙô inrē lamöknyö i mikah elmat cha?

T. MĀKÖS 10:50

Ngaich anga-aṅ nö ṙāngö ök kinṙumre, choholre ngaich; ngaich yihtöre nö in Yēsū.