HEPRĀI 11:9 - TÖHET LĪPÖRE (Re-edited) Bible (BSI)

⁹ Lökten i ṙinātö ellōn anga-aṅ nö vītu nöng rahëichtaṙen nö iyöng im panam kinlēḵngô, sāre nö i töt panam ò, iyöng el inrūkui, holten Isak, Yāköp inrē, nak tö amīnu nö holkūö ò tö e angū-ö kinlēḵngô:

HEPRĀI 11:9 Referans Kwoze

Ranehlö 12:8

Kēḵĕngre ngaich angā-aṅ nö ṙā-ang umuh nö ip rôngö nö lā chuhöt tö Pētĕl, ngaich vītö rūkuire nö lā sūng tö Pētĕl, lā chuhöt Ai: ngaich umuh angā-aṅ nö vīlö tahāklö ngam Mā Tēv, ngaich havëkö minë-eny ngam Mā Tēv.

Ranehlö 13:18

Halaingö inrūkuire ngaich Aprām, yih ngaich, ngaich iyöng inuk tarpin chōn i Mamrī, ök i Hepròn, ngaich umuh nö vīlö tahāklö ngam Mā Tēv.

HEPRĀI 6:17

In e ngam Tēv nö hòṅ pōyen tī nö hameukhöti nö i yip tö amīnu tö ngam töt hanṙīken inlēnö aṅ in Ò, lökten Anga-aṅ nö haköpngö nup kinlēḵngôre.

Ranehlö 18:9

Ngaich ngöṙô cha-a tö ò, Isuh ap pīhö meh Sëra? Yĕh meuk el inrūkui, ngö angā-aṅ.

Ranehlö 13:3

Ngaich iṙūöhöröön anga-aṅ nö im kinröönngöre nö löktö lā lòhngö nö chuh Pētĕl, ik chūökö ichūök ök inrūkui ò sin misī ik raneh, ihôi Pētĕl tö Ai;

Ranehlö 35:27

Yih ngaich Yāköp nö in Isāk ök yöng ò nö i Mamrī, i Kiriātarpā (angū-ö öp Hepròn), i chūök nā Aprahām nā Isāk nö rahëichtaṙen nö iyöng.

Ranehlö 28:4

Kē-ĕkūö meh inrē töngam inkôlò Aprahām, in meh, ip kūön meh inrē in meh; hòṅ meh amīnu töngam panam ngam chūök meh rahëichhangkūö iyöng, ngam kahëtö ngam Tēv nö in Aprahām.

Ranehlö 25:27

Pōyö ngaich nak nyīö kikōnyö: ngaich Isô nö töhuveū-en nö hacheūk̠, aṅ el kahôyö nö tarik, i yöng el inrūkui.

Ranehlö 23:4

Öt aṅhih chin chū-ö, ane inrē töng rahëichtaṙen iyöng in yīö: kētö chūök tī chu yin lāpngöre in yīö nö amin chu, hòṅ chu lāpngö kupahre öich hanyatngö matre.

Ranehlö 18:6

Kurāten ngaich Aprahām nö chuh in Sëra nö el inrūkui, ngaich ngöṙô, Ka-eūyen, vī töpahīöya atra lūöi nyanum nö lēn, kirāchö e, vī-i e ngaich nö kēk.

Ranehlö 17:8

Kēḵĕkūö meh Chin min, ap kūön meh inrē unôichrit meh, tö ngam panam chūök meh rahëichtaṙen iyöng, ṙòkhöre ngam panam Kanā-an, nö amin tötchanuhuvṙen; ngaich Tēv cha Chū-ö min inrē.

Ranehlö 36:7

Pò nuk inlānen cha nö yāha ṙôken lökten cha nö ötkô nö holtöṙahre; ngaich ngam panam chūök cha nö rahëichtaṙen nö iyöng nö ötkô tö cha tökūö nuk nuā cha.

Ranehlö 47:9

Ngaich Yāköp nö ngöṙô tö Fërō, Hēngòng lūöi anāi nun në sakāmö samyeūheu invötö chu: öt pōyen, tötlöök inrē nuk sakāmö samyeūheu nômö chu: öt söllö nun nö i sakāmö samyeūheu nômö yik yöng chu i nuk sakāmö invötö cha.

Salmai 105:12

Hē cha nö ṙòngmöng haroh tumtak nö tarik: hôṅ, öt ṙōl tak, öt rô-òtenvö nö i kūö e inrē.

YERIMIĀ 35:7

Hö-ö yin min teūichtö kulöl: hö-ö yin min teūich hēk panô-òṅvö tö panô-òṅ vāin; höng iyöng el rūkui pöri yī-ö irô-òten nup sakāmö yīö, hòṅ yīö ṙōl sumkam aṅ ip panam chūök yiö rahëichtaṙen iyöng.

Ranehlö 21:34

Ngaich ṙōl sumkam Aprahām nö rahëichtaṙen nö iyöng im panam Filistain.

Ranehlö 31:25

Söllö ngaich Lēpān nö in Yāköp. Vītö inrūkuire ang Yāköp nö ikui ngam rôngö: vītö inrūkuire Lēpān tö yik hol ò nö ikui ap rôngö Kilīöt.