HEPRĀI 11:8 - TÖHET LĪPÖRE (Re-edited) Bible (BSI)

⁸ Lökten i ṙinātö ellōn ang Aprahām nö hang, hē ò nö havëtu, nö chuh ik töhĕng chūökö, ök kahëḵ ò nö amin ò; kiröönngöre anga-aṅ ngaich, nöng öt akahakūö tö kū-öre.

HEPRĀI 11:8 Referans Kwoze

1 PĪTÖR 1:22

Yĕh meuk tö yīö ngaich ahetlö yip ma-alahare im öt inhôngen ngam kanô-en i ngam töt höng tötöl hanāngen yīö tö holre, hāngenlōn tö höö löklö ellōnre nö kalēḵ:

Ranehlö 22:18

Ane inrē im kūön meh min mumā-aṅ tarik ngam tumlat nö tökôlò, pò meh hang ṙô Chu.

Ranehlö 12:7

Ngaich ngam Mā Tēv nö meūkö tö Aprām, ngaich ngöṙô, Kēḵtö ngih Chin min panam ip kūön meh: vīlö tahāklö ngam Mā Tēv ngaich angā-aṅ nö umuh, ngam tömeūkö tö ò.

RŌMA 10:16

Ngaich pöri cha-a nö öt ṙòkhöre nö hangihtöre tö ngam tölöök inhānga. Pò Isayā nö ngö ṙô, Mā: achīö öp ṙamātö ellōnre nö i ṙô ih?

Isayā 41:2

Achīö apa mahachohlö öp töhĕng tak aṅ lā chuhöt, öp töteūngen tö minhôinyö i tum vanāngöre? Kēngö pumnāmö tarik an nö ṙā-ang i kūö ò pò ò nö hòṅ rööntö kui yip rācha nö elkatòh röön re; vīten cha anga-aṅ nö sā pitung i kūö öp sanët ò, sā nup kaṙālö afō töheuilö nö ip linreny ò.

1 PĪTÖR 4:17

Tön yih an ngam ṙētak kinṙôka nö rĕhlöngö nö el patī ngam Tēv: yē e pöri nö rĕhlöngö nö in hī, ngaich sitih manāngen min yip ma-ahôngô ngam tölöök inhangkö ngam Tēv?

HEPRĀI 11:33

Yik tö mihôiṅ tö pūlngö lökten i ṙinātö ellōn re, öt atöltuṙen i kinṙôka, teūngen tö kinlēḵngô, haköpngö kūö elvāng lāyön,

RŌMA 6:17

Ha-öinyö pöri yēḵ ngam Tēv; pò yīö sin misī kūön ngam tökööl, vītu yī-ö ngaich töt maha-ôngen im ellōn, öi im insā ngam inköphöti, ngam ṙeūngö yīö ngaich ṙānyuvö;

ISIKĪ-ĔL 36:24

Pò chu min kē-ĕ yīö ṙā-ang in yip pumnāmö tarik, hamūlö yīö inrē ṙā-ang i nup panam, ngaich kēten yīö im panam kanahngen yīö.

Isayā 51:2

Ngëichken Aprahām kikōnyö yöng yīö Sërah inrē kamyôḵnyen yīö; havëken ò chin misī hē ò nö ṙòngmöng hĕng tak, hakôlò ò chū-ö inrē ngaich vīlen ò nö maṙôngö.

YÔSUĀ 24:3

Ngaich chū-ö kē ngam yöng yīö Aprahām ṙā-ang lāmuh tö ngam Tahël, ngaich hachōten ò nö lök im panam Kanā-an nö ṙòkhöre, ṙūölö ṙôken kūön ò inrē, ngaich kē-ĕkūö ò tö Isāk.

I. CHÖNGÖ 9:5

Öt kūö lanöökö meh, hēk öt kūö chaniplö ellōn meh töp lökten meh kiröönngöre öm kē ngam panam cha nö amin, kūö öt lanöökö cha pöri vē pumnāmö tarik ngam Tēv meh ngam Mā Tēv nö ahōngen cha nö i kūö meh, pòn hòṅ haköpngö ngam ṙô angā-aṅ tökilē-ĕyö tö ngam Mā Tēv nö in yik muvöhngö yīö, in Aprahām in Isāk, in Yāköp inrē.

Ranehlö 26:3

Rahëichtaṙen iyöng i ngih panam, holtörah meh Chin min, hakôlò meh inrē; pò Chu min in meh tī, ip kūön meh inrē, Öich kētö në panam, ngaich haköpngö ngam kinlēk̠ngôre Chū-ö, ngam ṙô Chu in Aprahām ök yöng meh:

Ranehlö 17:8

Kēḵĕkūö meh Chin min, ap kūön meh inrē unôichrit meh, tö ngam panam chūök meh rahëichtaṙen iyöng, ṙòkhöre ngam panam Kanā-an, nö amin tötchanuhuvṙen; ngaich Tēv cha Chū-ö min inrē.

Ranehlö 15:5

Ngaich kēḵnyen ò Anga-aṅ nö el kahôiyö ngaich ngöṙô, Ngëichkö lā el halīöngö, kaheuk minë taneūsömat, yē meh kô kaheūkö u: ngaich ngöṙô Anga-aṅ tö ò, Ngatī ap kūön meh min.

1 PĪTÖR 3:1

Ngatī yī-ö inrē töpihövö kikānö, tumṙeūtöre tö më pihöre: hòṅ cha yĕn pòrô nö töt aṅ elkatòh ngam ṙô: ngaich cha-a nö kô-òren nö öt lökten im ṙô nö kô-òngvah tö kūö tölöök inlahen më pihöre kikānö:

HEPRĀI 5:9

Keuheūthë inteungten, ngaich Anga-aṅ, nö in cha nö ṙòkhöre yip töt maha-ôngen Ò, nö löktö tö örheūheu-aṅ inyööken;

2 KÒRIN 10:5

Tiṙōlngö nup chanöhlōn, nup tö hapōilöngö inrē nö lā-al ngam inkaha ngam Tēv, kēḵhöt nup lōn inrē nö inkövö im öt inhôngen Kristū;

RŌMA 1:5

Ngam lökten hī teūngen ngaich tö inlōnti, töre inrē tanīnöṙô, im hināngö ngam mikah tö vē taṙòkhöre tarik, tö kūö ngam minënyö Ò:

Ranehlö 11:31

Ngaich Tīöra nö kēḵ ök kūönre kikōnyö Aprām, Lòt inrē kikōnyö kūön Haran, kikōnyö kūön ök kikōnyö kūön ò, Sarai inrē ök kan kūön ò, Aprām; ngaich kiröönngöre chā-a nö holten cha nö ṙā-ang Ör, panam aṅ Kāltī, nö chuh ip panam Kanā-an, yih chā-a ngaich nö i Haran, ngaich iyöng umuh.

Ranehlö 12:5

Kēḵ ök pīhöre Aprām ang Sarai, Lòt inrē kikōnyö kūön hanöng kisānö ò. Ṙòkhöre inrē nuk inlīnen cha nuk töhamūlö tö cha, yip tarik inrē taneūngen cha nö i Haran; kiröönngöre cha-a ngaich nö chuh ip panam Kanā-an; sölta cha-a ngaich nö ip panam Kanā-an.

Ranehlö 20:13

Chalô tö e, hē ngam Tēv nö hōḵten chu ṙāngö patī öp yöngre, ngaich ngöṙô chū-ö tö ò, Ngih ön min miṙēlōn meh hameuktö meh in chu; ngöṙô pömchö min tö chu, ip töng panam chūök hā yih, Kanônyö chu ana.

KINṘEŪKÖ 10:30

Ngaich ngö ṙô anga-aṅ tö ò. Hö-ö chin hòṅ in; höng chuh ip panamre pöri chū-ö i yip mak alahare inrē.

T. MËTIV 2:21

Ngaich choholre anga-aṅ; ngaich kēḵ ngam kun Nyīö, ngam yöngnyīö inrē, ngaich yihtöre nö i panam Israel.