HEPRĀI 11:7 - TÖHET LĪPÖRE (Re-edited) Bible (BSI)

⁷ Lökten i ṙinātö ellōn ang Nō-a, nö hatūinyu elnang töm Tēv tö nuk tö-öl nö meūkö, lökten im tölöök pinhe-eṅkūö nö akahaiṙen, halēn ök chōng nö inyöölen yik aṅ patī ò; lökten in e anga-aṅ nö ve-eny ngih panam nö ötkôlò, ngaich vītu nö tö-amīnu tö ngam lanöökö ngam tö sā ngam ṙinātö ellōn.

HEPRĀI 11:7 Referans Kwoze

Ranehlö 6:13

Ngaich ngöṙô ngam Tēv tö Nō-a, Yih ön nö ikui Chu ngam manāngen në alaha nö ṙòkhöre: pòngam tumlat nö tööḵlö tö chanökhuṙen löktökūö cha; yĕh meuk, hòṅ piyāingen cha Chin anòngngen ngam tumlat.

1 PĪTÖR 3:20

Yip töminôṙô sin nö lā-urĕh, hē ngam manöiyö ngam Tēv nö höka, hē nuk sakāmö Nō-a, i saha ök chōng nö ṙònghöichṙen nö halēnkaṙen, ël ò nöng haroh tum tak yik töhayöökaṙen nö löklö el mak, höng hëvhöre tak:

ISIKĪ-ĔL 14:14

Pòrô vē tölūöi tak tarik, Nōa, Tanīēl, Yōp inrē, nö in e, höng ṙāmānyö nômö re min cha-a tökūö lanöökö cha, ṙô ngam Mā.

RŌMA 4:13

Pòn öt lökten ngam chöngö, ngam kinlēḵngô nö in Aprahām, hēk ip kūön ò, nö anga-aṅ tö-amīnuvö töng panam, lökten ngam lanöökö ngam mikah pöri.

T. LŪKÖS 17:26

Ane inrē sā hē nuk sakāmö Nō-a, ngatī min inrē i në sakāmö ngòh Kūön Tarik.

FILIPĪ 3:9

Ngaich kôti in Ò, öt īnu tö kanahngen lanöökö, tö aṅ im chöngö, ngam mikah pöri, tö lökten im mikah in Kristū, ngam lanöökö aṅ im Tēv lökten i mikah:

KALATĪ 5:5

Pò hī lökten im Töhet Fanöinylö, i ngam mikah hökkö ngam mineūka ngam inlöökö.

ISIKĪ-ĔL 14:20

Pòrô öre Nō-a, Tanīĕl, Yōp inrē nö in e, sā chu tö-aṅ, ṙô ngam Mā Tēv, öt rēhĕn cha-a nö hōḵ nö ṙāḵnyö kikōinyö nyīö öt rēhĕn kikānö nyīö; höng ṙāḵnyö nômö re pöri cha-a tökūö öp lanöökö cha.

HEPRĀI 5:7

Ök tö keuheūthëṙen nö kēḵlö nuk ṙôre vine-eṅlkui, hē ò nö tarik, nö kalēḵĕṙô nö peuiny, holtö makmat inrē, nö in Ò ngam tökô nö hayööken ò nö ṙā-ang im kinpaha, ngaich hāngö ṙô, chööḵnyö tö ök tölöök pinhe-eṅkūö,

RŌMA 3:22

Angū-ö lanöökö ngam Tēv lökten im mikah in Yēsū Kristū nö in cha nö ṙòkhöre yip ṙamātö ellōnre; pòn öt tö atöltuṙenvö;

RŌMA 1:17

Pòn in e nö hameuktu ngam lanöökö ngam Tēv, ṙeūngö ngam mikah nö im mikah: sā kinūichngö e nö ngö, Lökten i mikah pöri yip tölöök nö aṅ.

T. MËTIV 3:7

Ngaich hē Yôhan nö meuk yik tömaṙôngö aṅ i yik Feresī, aṅ i yik Satuki inrē, nö yihtöre nö hòṅ vōkö; ngaich ngö ṙô anga-aṅ tö cha, “Yī-ö kūön pēch; achīö ap hamôten yīö falgöre, tö ngam yamih lanīnö?

INCHŌḴ-OṘÔ 27:12

Hayunngöre ön ngòh tarik tö-akaha yĕn meuk kanihngen; iṙūöhöröön pöri ngòh töt-akaha ngaich palā-aiṙen nö in e:

Ranehlö 7:23

Keuheūtngöre inrē nuk tö-aṅ chehen nö pisū-uyö nuk mī-ikūö ngam tumlat, hĕnghöre tarik, nuā, töṙeūla chehen inrē, chehechōn ël ngam halīöngö inrē; pisū-uyö anū-ö nö ṙā-ang im tumlat: ngaich höng Nō-a tö ṙa-ai, chā-a inrē yik hol ò nö ël ök chōng.

2 PĪTÖR 3:6

Ngaich kūö e ngam tö ngaich nö panam, nö ṙööingö tö kūö mak, ngaich lëlngö:

2 PĪTÖR 2:5

Öt aṙētö ngam panam misī, ha-aṅha Nō-a pöri nö holtö yik tahëng tö sat tak, ma-ahangkö lanöökö, hē Ò nö kētö ṙanööingö yik tötlöök nö i kūö ngam panam;

2 PĪTÖR 1:1

Simōn Pītör, kūönkūö ane inrē tanīnöṙô Yēsū Kristū, löö in cha yip tö ngaichnö teūngen tö ngam töngatī töpōiṙāi ṙinātö ellōn nö hol hī, i lanöökö ngam Tēv hī ngam Mahayööken inrē Yēsū Kristū:

HEPRĀI 11:1

Ngam ṙinātö ellōn an mahameuktö nup tö meūkka, mahameuktö nup töt meūkö.

RŌMA 10:6

Ngö ṙô pöri ngam lanöökö aṅ im mikah, Um ngö ṙô ellōnre, chiāp min yamônlö nö el halīöngö? Öp kamëten Kristū nö i taṙeū:

RŌMA 4:11

Ngaich teūngen anga-aṅ tö ngam minkahngö tunnyinyngö, kintāntö ngam mi-in ò nö ngaich, hē ò nö öl nö tunyīnyi; pòn hōtu anga-aṅ nö yöng taṙòkhöre, ṙamātö ellōnre, pòrô cha-a nö töt tunyīnyi; hòṅ cha cha-a inrē nö kaheuktu nö im lanöökö;

T. MËTIV 24:38

Sā nuk sakāmö urēhĕkūö ök ṙanööingö; nya-aṅvkūö cha-a, òk inrē; hapīhö, kē-ĕyö inrē nö im inpīhö, hanöng saha yanôklö Nō-a nö el ök chōng.

T. MËTIV 24:25

Yĕh meuk, mu-urĕhnyôre Chin ve-eny nang yīö.

Ranehlö 19:14

Kunyī-inyre ngaich Lòt, ngaich vë-ekūö nak köiny kūönre, nak töhapīhö lang tö nak kikānö kūön ò, ngaich ngöṙô, Chōholre, kēḵĕngre nan ṙāngö ngih panam; tön piyāingö ngam el panam An min ngam Mā Tēv. Ngaich pöri angā-aṅ nöng sā töminôn nö i nak köinykūönre.

Ranehlö 7:5

Ngaich Nō-a nö asā nup taṙòkhöre tinöölô ò töngam Mā Tēv.

Ranehlö 6:9

Në nun ineūkö Nō-a, Töchiplö ök Nō-a nö tarik, töteung nö ik hēre: holröön ngam Tēv Nō-a nö kiröönköre.

RŌMA 9:30

Sitih ṙô öi pökeh? Tö vë Tahëng, mihëṅṙö tarik, nö sölta nö im lanöökö, vē töt tamömrit lanöökö, ngam aṅ im mikah lanöökö.

INCHŌḴ-OṘÔ 22:3

Meuk kanihngen ngòh tö akaha tarik ngaich hayunngöre; iṙūöhöröön pöri töt akaha, ngaich kihten tökūö e.

T. MËTIV 24:15

Hē yīö mīnö meuk öp yöng ötkanôlò, ngam ṙô ök pròfĕt Taniĕl, söklöre im töhet chūök; (hökngen ngam vame-eṅkūö e nö akahalōn;)

Ranehlö 8:16

Kuṙòh, ṙāngö ngam chōng, më-eṅ, ap pīhö meh inrē, kūön meh kikōnyö, ane inrē yip in meh pīhö yip kūön meh kikōnyö.

Ranehlö 6:22

Ngaich ngatī Nō-a; sa nup taṙòkhöre ṙô ngam Tēv nö tölṙô ò, ngatī angā-aṅ.

ISIKĪ-ĔL 33:5

Hang ṙô ngam römpĕt anga-aṅ, ngaich rö-ö nö höngöre; i kui ò min ngaich öp mahām ò. Yē ò pöri nö höngöre ngaich yöölen tī min anga-aṅ tö nômöre.

T. MËTIV 2:12

Ngaich kūöre nö vë-evkūö töm Tēv, nö i heūvö, tö cha nö sōḵtu nö havantöre nö in Hērôt, tahëngö talöökö cha-a ngaich nö chuh panamre.

HEPRĀI 8:5

Ngam töng insā, nyat nup el halīöngö inrē, sā inköptö Môsös hē ò nö rultöre nö vī ngam inrūkui; pòn ngö ṙô anga-aṅ, Meuk man hòn ṙòkhöre nö vī-i nö sā ngam insōkngen meh ikui rôngö.

HEPRĀI 12:25

Meūkö e yin, ui sōḵen ngam tö takaka ṙô. Pò cha, yē cha nö kôḵòngvah, hē cha nö sōḵ tö ò, ngam mahatūitö elnang cha nö ing panam, kôḵòngvah min ayī-ö öi möthë, öi mahavööngö kūöre tö Ò ngam mahatūinyôre nö ṙā-ang elhalīöngö:

2 RĀCHA 4:5

Kiröönngöre ngaich anga-aṅ nö ṙā-ang in ò, ngaich löpngö kūö re tö nak kikōnyö kūön ò inrē: kētö nuk chūökṙen cha-a ngaich nö in ò, asëhönyi ngaich anga-aṅ.

NGAM LĪPÖRE YŌP 35:8

I tarik an ngam öt lanöökö meh tö sā meh, ngam lanöökö meh inrē i kūön tarik.