HEPRĀI 11:6 - TÖHET LĪPÖRE (Re-edited) Bible (BSI)

⁶ Ötkô angū-ö nö ṙanāmölōn nö in Ò, yĕn öt īnu tö ngam ṙinātö ellōn: pò ò ngòh yamihtöre nö im Tēv nö hòṅ ṙātö ellōnre tö Ò nö töngatī, tö Ò inrē nö rameushen cha yip chamöhan.

HEPRĀI 11:6 Referans Kwoze

INCHŌḴ-OṘÔ 8:17

Hāngen chin tö cha yip tö hāngen tö chu, cha-a inrē yip tö pētngen nö chöh kôtökūö tö chu.

T. MËTIV 6:33

Urĕh pöri yī-ö chöh ngam pūlngö ngam Tēv, ngam lanöökö Ò inrē; ngaich ṙūötu ṙôken min anū-ö nö in yīö.

1 KINṘÖTNGÖ 28:9

Më-eṅ inrē, kūön chu Sòlòmön, akahakūö man tö ngam Tēv ngam yöng meh, lök la-en ò inrē keuheūttö ellōnre holtö töhō kui lōn; tön chöh ellōn taṙòkhöre an ngam Mā Tēv, akaha elmat inrē tö tanūtö ellōn. Yē meh chöhan, kôtö kūö man min tö ò; yē meh pöri ṙāngen ò kavali min më-eṅ tö ò marôvat öm urāngen.

T. LŪKÖS 12:31

Chöh ngam pūlngö Ò pöri yī-ö urĕh; ngaich ṙūöhtuṙen min në chehen, nö in yīö.

Salmai 119:10

Chöhö Meh chin keuheūttö ellōn re: Ō, uh chin yēḵ kānngöre tö minë chöngö Meh.

HEPRĀI 7:25

Lökten inrē Anga-aṅ nö kô nö öt chöḵöv tī nö hayööken cha yip ṙamūötöre nö im Tēv nö lökten in Ò, pòn örheūheu Anga-aṅ nö aṅ, nö vë-elkui cha.

RŌMA 10:14

Sitih aich min nö vë-ekūö Ò, yĕn öt ṙātö ellōnre nö in Ò? Sitih inlahen aich min nö ṙātö ellōnre nö im töt ahangre? Sitih elnang aich min nö hang, yĕn öt mumkahtenvö?

HEPRĀI 3:12

Kahōlö, haṙēmngenre yin, hòṅ e nö öt chūöku nö ellōn yīö ngam tötlöök ellōn, öt ṙinātö ellōnre, i pintūḵngöre ṙā-ang im Tö-aṅ Tēv:

Salmai 73:28

Tölöök pöri angū-ö nö in chu öich ṙūötöre im Tēv: vīlö ngam Mā Tēv chin nö innyatlö chu, hòṅ chu vënyö nup vahīṙen Meh nö ṙòkhöre.

T. YÔHAN 14:6

Ngaich Yēsū nö ngö ṙô tö ò, Chū-ö Chin Talöökö, Kanô-en, Nômö inrē. Öt hĕng tak yamihtöre nö im Yöng, höng lökten in chu.

2 PĪTÖR 1:5

Hôṅ, kūö e takô angū-ö, ṙūöhtuṙen tö yīö ṙòkhöre nup ṙanëmen, im ṙinātö ellōn yīö, kētö lanöökö; ane inrē im lanöökö yīö, mikah;

HEPRĀI 4:6

Lökten meuk yēḵ tö e nö ōtngöre tö yip yô-òv min nö kuhēthötre nö umuh, ngaich cha-a yip tö ahangka tö ngam tölöök inhānga misī öt kôhöt nö kuhēthötre, kūö minôṙô.

KALATĪ 5:6

Pòn öt kanôluṙô nö in Kristū nö rēhĕn ngam tunnyinyngö, ötrēhĕn ngam töt tunnyinyngö mikah pöri tö tī-iv lökten im hanāngenlōn.

2 PĪTÖR 3:14

Lökten, kahōlö, yĕh meūköre öi höngö u anū-ö, haṙūöttökūöre hòṅ yīö min kôti im lanāmö, öi öt mirūnuvö, öt chnôichu inrē ikūö Ò.

KINṘEŪKÖ 14:11

Ngaich ngam Mā Tēv nö ngö ṙô tö Môsös, Irô-òten aich min vē tarik nö öt kūöngenre tö Chu? Irô-òten aich min inrē nö öt ṙātö ellōnre nö in Chu, nö ngaich nö pōyen nuk minkahngö tī Chu in cha?

T. YÔHAN 8:24

Lökten Chu ngö ṙô tö yīö, Kapah yin min i në tököölre. Pò yīö, yē yīö, öt ṙātö ellōnre tö Chu Öich Anga-aṅ, kapah yī-ö min i nup tököölre.

2 PĪTÖR 1:10

Lökten, kahōlö, haṙūöttökūöre öi vīten ngam invëkö yīö, kintöllö yīö inrē, nö köp.

HEPRĀI 7:19

(Pò ngam chöngö nö öt vahītuṙen tö töteungten) ane inrē kumtö öp tö ēhten mineūka nö in e, ngam löktö hī ṙūöhtöre im Tēv.

Salmai 78:32

Sön cha-a nö ṙòngmö köölöfālen: öt ṙātö ellōn re nö i nuk la-en Ò pinngangkūö.

HEPRĀI 4:2

Pò hī ngaich kô ahanga misī tö tölöök inhānga, sā cha cha-a inrē: ngaich pöri ngam ṙô töhānga, nö öt kanôlòvö tī tö cha, pò u nö öt mūlta nö lökten im mikah nö in yip hamang.

INCHŌḴ-OṘÔ 11:18

Ngòh tötlöök tarik hayih raneushö tö michūḵṙen, ngòh tameūchtö lanöökö pöri kētö kô-en raneushö.

INMEUKHÖMAT 21:8

Ngòh tö pinheṅ-eṅvkūö pöri, töt ṙamātö-ellōnre, SIN-ÒKKŪÖ, famël tarik, ma-asĕhha, tömilūönö, vame-eṅkūö insātēv ṙòkhöre töminyôinyaṅ, i ël öp tötöh töhūkūö tameūyö, töhū ihong inrē minchööḵö cha; nö ngam innëtö kinpaha.

KINṘEŪKÖ 20:12

Ngaich ngö ṙô ngam Mā Tēv tö Môsös Āròn inrē, kūö nā öt ṙātö ellōnre in Chu, an ahetlen Chu i kūö vē kūön Israĕl, lökten nan min öt kētö ngih manūlö in öp panam öp kahëtö Chu in cha.

Ranehlö 15:1

Unôich tönë ngam ṙô ngam Mā Tēv nöyih nö in Aprām nö i inmeukhömat, nö ngöṙô, Aprām, un pa-ekūö: Chū-ö Chin lanaklö meh, kiröng nup min raneushö meh.

HEPRĀI 11:26

Ṙātö el lōnre tö ngam sinrōngkūö Kristū nö tömötlö nö kanôlò tö nup töpōiṙāi kanôlò aṅ Aikup: pò ò nö ngëichngöre tö gnam invahal raneushö.

T. MĀKÖS 16:17

Në nun min minkahngö mi-in cha yip ṙamātö ellōnre, ahōngö sī-ö yip min i Mine-eny Chu; huveū-eu ṙô yip min tö tufömngöre ṙô;

Isayā 55:3

Asītö elnang re yin, yihtöre inrē in chu; hangihtöre hòṅ ngam nômö yīö nö aṅ; hòṅ vīten ngam töt chanuhuvṙen kinlēḵngô chin in yīö, ngam kanöpö chu, ngam tökô-en hanāngenlōn chu inrē tö Tāvit.

Isayā 7:9

Samariā inrē kui Ifrēm öp kikōnyö inrē kūön Ramalaya kui Samariā. Yē yīö öt ṙatö ellōn re, öthō yin min köp.

Salmai 58:11

Ngaich ngö ṙô min yip tarik, raneushu yin nö kô-en vē tölöök: kô-en Öp Tēv umuh kamhòṅklö kui ngih panam.

T. LŪKÖS 6:35

Hāngenlōn pöri yī-ö tö yip tökunyahaṅelmat tö yīö, kôlòtī tö cha; haṙūönghökūö cha, ui uhā-en tö cha, Pōyen nup min raneushö yī-ö; ngaich yīö min kūön ngam Lamātulöng, pò Ò Anga-aṅ nö tö-aheuk tö vē tötameūṅ, ane inrē vë tötlöök.

Salmai 106:24

Hôṅ, mināichṙô cha-a tök tö vai panam: öt ṙātö-ellōnre nö i ṙô Ò.

NGAM LĪPÖRE YŌP 21:14

Ngö ṙô anū-ö töm Tēv, Kē- ĕngre tö ih! Hö-ö in īhö hòṅ akahalōn tö talöökö meh.

Salmai 78:22

Pò cha nö öt ṙātö-ellōn re nö im Tēv: öt hayönglenre nö im inyööken aṅ in Ò.

NGAM LĪPÖRE RŪT 2:12

Havahlö ngam la-en meh an yēḵ ngam Mā Tēv, hateung ṙôken tīre an yēḵ ngam Mā Tēv nö kētö raneushö meh, ngam Tēv Israĕl, ngam tö-aṅhaṅv elkatòh sanëòk chūök meh yih hanyatlöre.

T. MËTIV 6:16

“Hēk, yē yīö ahik, ui sā yip mahanyatkö elmat, yip tö ūnökūö; tön harīkngökūöre yip cha-a; pòn hòṅ meūkö tö tarik. Tökô-ò ṙô Chin tö yīö, Ngaich yip cha-a nö teūngen tö raneushöre.

T. MËTIV 6:5

Hēk, yē yīö öi ve-ekūötēv, uh yin sā yip mahanyatkö elmat; tön hāngenlōn yip cha-a, nö sökhaka nö ve-ekūötēv, nö el chūök vine-eṅkūötēv i pak kūö talöökö inrē; pòn hòṅ meūkö cha-a tö tarik. Tökô-ò ṙô Chin tö yīö, ngaich yip cha-a nö teūngen tö raneushöre

YERIMIĀ 2:31

Ō yī-ö tumköl chap, hang ṙô ngam Mā Tēv. El inchōn öichu tönyalnyi in Israel, hēk öichu tönyalnyi in Israel, hēk panam öichu öich tökufëyö sinngūlö? Kūöyòh ṙöng aich vē tarik chu nö ngö ṙô, Öt töhakövö in īhö, hö-ö in hòṅ hēka yihtöre in meh?

T. MËTIV 5:12

Ṙāmölōn yī-ö, öi pōyen ṙanāmölōn; tön pōyen nup raneushö yīö, el halīöngö. Cha-a yin töng ngatī tī nö öthakôlò yik pròfĕt, yik mu-urēhĕkūö yīö.

T. MËTIV 11:26

Hôṅ; Kayöngö; pòn ngatī angū-ö nö lōn Meh.