HEPRĀI 11:4 - TÖHET LĪPÖRE (Re-edited) Bible (BSI)

⁴ Lökten i ṙinātö ellōn ang Āpĕl nö kētö töngö-al lanöökö tökētu nö im Tēv, tö Kēn, öt löktö ök ineūkö ò nö tölöök, eūkö ngam tī ò tökētu inrē ngam Tēv: Ngaich lökten in e anga-aṅ nö pòrô nö kapah, sönen nö ṙô-òv.

HEPRĀI 11:4 Referans Kwoze

HEPRĀI 12:24

In Yēsū inrē ngam ma-ahôitöre nö im tufömngöre kinlēḵngô, im tö kichënyö inrē mahām, töngö-al huneū-euṙô tö Āpĕl.

Ranehlö 4:10

Ngaich ngö ṙô Anga-aṅ, Asuh ap tī meh taheui? Löklö el tumlat ṙô ap mahām ap kahëm meh nö peuinyhökūö Chu.

NGAM LĪPÖRE KAHŪICH YŪT 1:11

Töt kôlò yin cha-a! pò cha ngaich nö lök el talöökö Kēn, ngaich inrē nö ahôhangen nö fal im vanāichö Pēlam pòn hòṅ haṙāyö, ngaich ötkôlò i inhôngôre tö Kōrah.

T. MËTIV 23:35

Hòn i kui yīö nup taṙòkhöre tölöök mahām, tökitaktu nö ing panam, löktökūö ök mahām ök tölöök Apĕl, söl ik mahām Sakarīa, ök kūön Pērakia, ök fahëlngö yīö, ihôi ngam chūök töföngö tökētu, tö ngam patī ngam Tēv.

INCHŌḴ-OṘÔ 15:8

Sin-òkkūö ngam Mā Tēv në tökētu tötlöök, kumchiklōn ò pöri ngam invë-a tö töchiplö.

HEPRĀI 9:22

Ngaich sā ngam chöngö, öhten nö ṙòkhöre nö ahetlöngö tö mahām; yĕn öt kitaktu maham, ngaich öt inṙēlu tökööl,

Ranehlö 4:15

Ngaich ngam Mā Tēv nö ngö ṙô tö ò; Lökten öp famëlngen Kēn, sat van sat tūmö nup öt kanôlò min nö kēḵĕ nö in ò. Ngaich ngam Mā Tēv nö vītö minkahngö Kēn, hòn öt fëlö tö öp töng kôḵtökūö min tö ò.

Ranehlö 4:8

Ngaich Kēn nö vë-eny nang Āpēl ök kahëm ò. Ngaich hē cha nö el kahôyö, chōholre ngaich ang Kēn nö lā-al Āpēl ök kahëm ò, ngaich fëlngen ò.

HEPRĀI 12:1

Lökten in ayī-ö inrē, ta-a, ṙā-ngö nup sanānngenre, ngam tökööl inrē tö lööṙen nö havīlen hī, öi meūköre havīlöngö tö tökiröngen taṙul, yip ameū-a, ngaich ta-a inrē, töi fal asōl, ngam insōlö töṙātu nö i kūö hī.

T. LŪKÖS 11:51

Ranehten tök mahām Apĕl, söl ik mahām Sakariā, ök tö kapah nö i hôi ök chūök tökētuvö tö ngam patī ngam Tēv. Tökô-ò ṙô Chin tö yīö, I ngih ap min tūmö nö havëka.

INCHŌḴ-OṘÔ 21:27

Sin-òṅkkūö an ngam tökētu tö ngam tötlöök; höichngen yē ò nö kētö e nö holtö tötlöök lōn re.

1 RĀCHA 18:38

Suktöre ngaich ök tameūyö ngam Mā Tēv, ngaich haṙāpngö ök töföngö tökētu, tö nuk ngòh, tö nuk ihong, tök tumlat, ngaich nyôkngökūö tök mat ök më-el talöökö mak.

LA-EN LĒVĪ 9:24

Ngaich ṙā-ang i kūö ngam Mā Tēv ök tameūyö nö meutnyi, ngaich haṙāpngö nuk el ök tahāklö töföngö tökētu tö nup tösangöö inrē; ngaich hē yik tarik nö meūkö e, ayôṙa cha-a ngaich, ngaich fātngökūöre.

Ranehlö 4:25

Akahakūö hēk Ātöm tök pīhöre; ngaich kayôknyö kikōnyö angā-aṅ nyīö, ngaich kaheuk minënyö ò nö Set: ngö ṙô anga-aṅ, Pò ngam Tēv nö kēḵtö kūön chu tö tahëng, ṙënngen Āpēl; pò Kēn nö fëlngen ò.

TAITÖS 1:16

Eūköre cha-a nö akahakūö töm Tēv; ngaich i nup la-enre nö mahngen Ò, tösōḵov, töminôṙô, samô-òṅ nup taṙòkhöre tölöök la-en.

HEPRĀI 5:1

Pòn ṙòkhöre vē mākūö kūönṙô, nö ṙā-ang i tarik nö kē-ĕ, pòkūö tarik nö vīlöngö nö i nup aṅ im Tēv, pòn hōtu nö hĕnghöre kētö nup inlōnti, kūö tökööl, nup tökētu inrē;

HEPRĀI 11:2

Pòn in e cha-a yik mā misī nö kumtö ineūkö nö in cha.

2 PĪTÖR 2:8

(Pò ngam tölöök tarik nö iyöng in cha i mineūkö, hināngö inrē, kihngen ellōn nö öt hĕng hang sumkam nö i nuk tölöök la-en cha):

NGAM LĪPÖRE YŌP 8:10

Röh yip nö hōḵ nö haköpten meh, vë-eny nang meh inrē, ṙôtö ṙô inrē lamöknyö i mikah elmat cha?