HEPRĀI 11:39 - TÖHET LĪPÖRE (Re-edited) Bible (BSI)

³⁹ Ngaich cha-a vē nö ṙòkhöre, nö lökten i ṙinātö ellōn, nö kētö inmeuktö, öl nö teūngen tö ngam kinlēḵngô.

HEPRĀI 11:39 Referans Kwoze

HEPRĀI 11:13

Im ṙinātö ellōn cha-a vē nö ṙòkhöre nö kapah, öl nö teūngen tö minë kinlēḵngô, ngaich pöri nö meūkö u, ha-öinyö u inrē nö marôvat, ngaich inrē nö halööknyôre tö cha nö aṅ tahëng, chamöh töhet inrē nö ing panam.

HEPRĀI 11:2

Pòn in e cha-a yik mā misī nö kumtö ineūkö nö in cha.

1 PĪTÖR 1:12

In cha nö hameuktu angū-ö, öt höng meukṙen cha-a tö u, tön meukṙen yīö, tö u nup tövënyu töngamuh nö in yīö, nö löktö i ṙô yip ma-ahangkö ngam tölöök inhānga nö in yīö, lökten im Töhet Fanöinylö tö tīntu nö ṙā-ang el halīöngö: nup lōn yip ma-ahānga nö hòṅ meuk.

HEPRĀI 9:15

Angū-ö an lökten Ò nö aṅ elṙat ngam tufömngöre kinlēḵngô, pòn hōtu ngam kinpaha nö ṙināngö nup tökööl me-elkatòh ngam raneh kinlēḵngô, hòṅ yip töhavëtu nö teūngen tö ngam kinlēḵngô ngam tö örheūheu amin.

HEPRĀI 10:36

Öp tö köp öp manöiyö töt ṙanāngen nö in yīö, hòṅ yīö teūngen tö ngam kinlēḵngô, yē yīö ngaich teūngen tö lōn ngam Tēv.