HEPRĀI 11:36 - TÖHET LĪPÖRE (Re-edited) Bible (BSI)

³⁶ Ha-āchiṙen yip tahëng nö kalaha, fòho inrē, hôṅ, hēk inrē nö nyëkö, kalonghötvö inrē:

HEPRĀI 11:36 Referans Kwoze

YERIMIĀ 20:2

Ngaich Pasūr nö fōhoh Yarimiā ök pròfĕt, ngaich halökngen ò nö i nup inlök el ap Lātulöng Inkūp Penyamin ip patī ngam Mā Tēv.

Ranehlö 39:20

Ngaich ök yöngṙen Yôsĕf nö kē an, ngaich chaphöt ò nö el kinlōngö, i chūök yip tökē-ĕ tö ngam rācha nö nyëki: el kinlōngö ngaich angā-aṅ nö umuh.

2 KINṘÖTNGÖ 30:10

Lökten yik samöömngö ṙô nö kiröönngöre nö keuheūt elpanam nö i panam Ifrēm Manasē inrē, tölngö i Sĕpulòn inrē; ngaich pöri cha-a nö hayīölngen cha inrē.

HEPRĀI 10:34

Sā yīö hĕnghöre aṙē-ĕlōn tö cha yip tö hakövö, ngaich ṙāmölōn öi kēḵ inyëḵngen nup amin yīö, kūö mikahlōnre töre öi amīnu töp tö hönlöre tö köp inrē.

T. MËTIV 23:34

Yĕh meuk; tīntö pròfĕt Chin in yīö, tö-akaha tarik kamūich inrē. Rēvre min tö cha yip töfëlö tö yīö, harātu inrē; rēvre min yip tö fōhoh, nö el chūök yīö ve-ekūötēv; ngaich ahōnyuvö nö ṙā-ang i ngih panam, hēk im tahëng panam.

YERIMIĀ 20:7

Ō Mā Tēv hachīlö chu man ngaich, ngaich chū-ö öich hachīlö; mötlö kumlēk man tö chu, ngaich öm mihôiṅ. Ngaich chin chū-ö aṅkūö inyīölhanga hĕng sumkam; ṙòkhöre yin nö hayëḵngen chu.

2 KINṘÖTNGÖ 16:10

Ngaich Asā nö tainy nö ik mameuk, halökngen ò ngaich nö el kinlōngö, pò ò nö tainy nö in ò kūö e. Öt milēḵ inrē Asā nö chökhutī tö yik rīkre tarik hē e.

INMEUKHÖMAT 2:10

Uh man pa-ekūö tö u nup töt ṙôktörevö kanihngen meh; yĕh meuk, tö ngam sī-ö nö hòṅ rultöre nö sukhöt yip rēvre tö yīö nö el kinlōngö, hòṅ yīö kalaha; kanihnguṙen yin min söm sumkam. Söl i kinpahare kanô-en man yēḵ, ngaich kē-ĕkūö meh min chu-ö tö sapīöv aṅ i nômö.

2 TIMÒTĪ 2:9

Ngam chūök chu kihngen i inkövö, sā tötlöökö la-en, hö-ö pöri ngam ṙô ngam Tēv nö hakövö.

2 TIMÒTĪ 1:16

Kētö neūkölōn an yēḵ ngam Mā nö i patī Ònīsifòres: pòn ṙōlheuh anga-aṅ nö ha-aṅlen chu, ngaich rö-ö nö sirōngkūö tö inlöökö chu;

EFISÖS 4:1

Lökten chin chu-ö, tökē-ĕ töpôkūö ngam Mā, vë-ekūö yīö, öi löökö inlaha, lök im invëkö yīö, ngam invëkö yīö ngaich.

INLAHEN 24:27

Keuheūthë nuk tö nët samyeūheu, ngaich haṙëniṙen ang Filik tö Pòrki Festös; ngaich hòṅ hanghuṙen tö yik Yahūti, lökten ò nö ṙānyen Pôl nö el kinlōngö.

INLAHEN 21:33

Yihtöre ngaich ök yöngkūö kumyung, nö haröhtöre, ngaich kē-ĕ Pôl, ngaich hōten ò nö nëtö nyanëk tö sayōk; ngaich hatöntöre tö ò, tö fālen ò inrē.

INLAHEN 8:3

Ngaich pöri ang Sôl nö hayëḵ ngam māṅ, kuhēthötre nö el patī, ngaich kēḵ kikōnyö kikānö inrē, ngaich kalonghöt cha nö el kinlōngö.

INLAHEN 5:40

Ngaich ṙòkhöre cha-a nö hōḵo ṙô ò; ngaich hē cha nö havëhöt yik tanīnöṙô nö in cha; fōho cha ngaich, ngaich sōten cha nö ṙô-òv nö i Mine-eny Yēsū, ngaich hökngen cha nö kiröönngöre.

INLAHEN 5:18

Kēḵ yik tanīnöṙô cha-a ngaich; ngaich öpngökūö cha nö el kinlōngö.

INLAHEN 4:3

Ngaich öpngökūö cha, söl im huṙöich; pò e nö ngaich nö harap.

T. LŪKÖS 23:36

Ngaich yik kumyung inrē nö hayëḵngen Ò yihtöre nö in Ò, nö kē-ĕkūö Ò tö ök töhikīölhu vāin;

T. LŪKÖS 23:11

Ngaich Herôt, yik kumyung inrē, nö hayāichngen Ò, hayëḵngen Ò, hayutlen Ò inrē tö ök tövai inyut. Ngaich tīnngen Ò nö hēk nö in Pailĕt.

T. LŪKÖS 18:32

Pò Ò min nö kē-ĕyö nö i yip tahëng mihëṅṙö, ngaich hayëḵe min, ane inrē sumrōngikūö, köösi elmat inrē.

T. MĀKÖS 10:34

Ngaich cha-a min nö hayëḵ an; kösngö elmat Ò, fohan, fëlngen Ò min inrē. Ngaich unôichrit tölūöi sumkam min Anga-aṅ nö choholre nö hēk.

T. MËTIV 27:26

Ṙānyen Pārapas ngaich anga-aṅ nö in cha, fohoh Yēsū pöri anga-aṅ, ngaich kēten Ò nö harātu.

T. MËTIV 21:35

Ngaich yik yōm panô-òṅ nö kēḵ yik mahalanṙen ò; hĕng tak ök tö fōhoh, fëli öt tahëng, kulëhe ök tahëng.

T. MËTIV 20:19

Ngaich kēten Ò nö i yip tahëng mihëṅṙö tarik, nö hayëḵe, fohoh, harātu inrē. Im linūöi sumkam pöri min Anga-aṅ nö choholre.

YERIMIĀ 38:28

Ngaich höngngöh Yarimiā nö el milūkö ök chūök amahati hanöng saha ngam sakāmö Yērusalem nö ke-ĕ.

YERIMIĀ 36:6

Lökten man höng me-eṅ kiröönngöre, ngaich hē el sakāmö inhīkö el nang yip tarik el patī ngam Mā Tēv öm vë-ekūö nup ṙô ngam Mā Tēv ṙā-ang i mat ngam tölirōlö chūök kinūichö nup kahūich meh asā ṙô chu. Vë-ekūö u min me-eṅ inrē elnang yip tarik aṅ Yūtā yip kumnyī-inyre nö ṙā-ang minë elpanam cha.

YERIMIĀ 29:26

Vīlöng man tö ngam Mā Tēv öm kūönṙô ṙënngen Yēhōyatā ök kūönṙô, öm hayōm ngih patī ngam Mā Tēv öm lātulöng tö yip tökatūöyaṙen tarik yip vamë-eny, nö hōten ò nö halökhötvö halöki likeun inrē.

2 KINṘÖTNGÖ 36:16

Ngaich pöri cha-a nöng minônngen yik ma-ahānga aṅ im Tēv, öt chumkūöṙen tö ò, minūöṙô inrē tö yik pròfĕt, hanöng saha ngam lanīnö ngam Mā Tēv nö choholre nö lā-al yik tarik ò, hanöng saha e nö öt lanë-enṙen.

2 RĀCHA 2:23

Ṙā-ang umuh ngaich anga-aṅ nö chuh Pētĕl: ngaich hē ò nö peūlöre nö löklö el talöökö, yihtöre ngaich yik kun nyīö nö in ò nö ṙā-ang im el panam, ngaich hayëḵngen ò, nö ngö ṙô tö ò, Yônlöre man më-eṅ töngānyö kui; Yônlöre man më-eṅ töngānyö kui!

1 RĀCHA 22:27

Ngö ṙô pöchö, Ngö ṙô öp rācha, Chaphöt ngòh tarik el kinlōngö, ha-aṅlen ò tö nyā-aṅkūö inkihten ha-ôkan inrē tö mak inkihten, hanöng saha yanīhih chu ip lanāmö.

1 RĀCHA 22:24

Ngaich Sētikiā ök kikōnyö kūön Kēnā-anā nö haröhtöre, ngaich fatāk arëkūö Mikayā, nö ngö ṙô, Lökngö yih ök taheui ma-alaha aṅ im Mā Tēv nö ṙā-ang in chu nö vë-ekūö meh?

KAMHÔKA 16:25

Ngaich hē cha nö ṙāmö ellōn, löknyö ṙô cha nö ngö. Havëten Semsön, hòṅ ò nö nyamkö kūö hī. Havënyen Semsön cha-a ngaich nö ṙā-ang el ök patī chūök inkövö; ngaich nyamkö kūö cha anga-aṅ; ngaich ha-ūichngen ò cha-a ihôi nuk machööḵlö.

EFISÖS 3:1

Angū-ö an lökten chu chu-ö Pôl, öich tökē-ĕ tö Kristū Yēsū, pòkūö yīö yī-ö Tahëng mihëṅṙö,

YERIMIĀ 32:8

Ngaich ang Hanāmel kūön hol mameukyöng chu, nö yihtöre nö in chu nö el patī amahāti, nö asā ök ṙô ngam Mā Tēv, ngaich ngö ṙô tö chu, Havah ap panô-òṅ chu man i Anatòt i panam Penyamin tön me-eṅ man tö rònglen amīnu tö e tö invānö invaha e inrē; havah e nö me-eṅ meh. Ngaich akahlōn chū-ö tö e nö ṙô ngam Mā Tēv.

YERIMIĀ 39:15

Yih ngam ṙô ngam Mā Tēv in nö Yarimiā hē ò nö öpikūö nö el milūkö chūök amahati:

2 KINṘÖTNGÖ 18:26

Ngö ṙô, Ngö ṙô ap rācha, chaphöt ngòh tarik el kinlōngö, kūön vat tī hā-aṅ len ò tö ròtī mak inrē, hanöng saha invānö tö chu im lanāmö.

TANĪ-ĔL 11:33

Ngaich cha-a yip aṅ in yip tarik yip tö akaha min nö maṙôngö tī tö tö-akaha elmat, pòrô cha-a min nö fuk kūö sanët tameūyö inrē, i inkövö kinëtore inrē tö chehen, nö rĕh tum sumkam.