HEPRĀI 11:34 - TÖHET LĪPÖRE (Re-edited) Bible (BSI)

³⁴ Hanyangngökūö tameūyö, öt kô-òngvah tö kūö sanët, vītu nö kalēḵ lökten im ötkumlēḵen, kalēḵlöre nö i kinyūngö, pāngötī tö yip aṅ tahëng kumyung,

HEPRĀI 11:34 Referans Kwoze

KAMHÔKA 15:8

Foh ṙat cha ngaich anga-aṅ takeun inrē nö pōihang vah tī: kiröönngöre ngaich anga-aṅ ngaich iyöng el kinluhu ök i Ētöm.

Isayā 43:2

Yē meh lök el mak, in meh chū-ö min; lök el tahël inrē ngaich anū-ö min nö öthōḵ nö pökngö tī tö meh: yē meh lök kūö tameūyö, ngaich öthō me-eṅ min ökngö; öt rēhĕn min ngam töhū kūö nö pachôllöngkūö nö i kui meh.

Salmai 144:10

Anga-aṅ An kamëtö inyööken nö i yip rācha: kamënyen Tāvit ök tarik Ò, nö i kūö chökhukūö sanët.

2 RĀCHA 6:32

Höng ūichhaka pöri Ēlaisa nö el patī re, ūichhak yik mā nö in ò; ngaich hĕng tak ök tarik tahīntö ök rācha nö urēhĕkūö ò: öl tö yīhi pöri yik mā, Yĕh meuk yin tö ngòh kūön famël tarik nö tīnngö kamëngö ngih kui chu? Ngëicha, öptökūö ngam inkūp yĕn öp ma-ahānga haköpngö kūö ngam inkūp pöichö; hòṅ ò nö öt kôhöt: röh ap umuh nö ṙô röön ap yöng ò nö unôichrit ò?

1 RĀCHA 19:3

Ngaich hē ò nö meūkö e, hōklöre ngaich anga-aṅ, kiröönngöre ngaich pòn sōḵ nö kapah, yih ngaich nö i Pīrsīpā, ök panam Yūtā, ṙāngö ök tarik re ngaich nö umuh.

1 PĪTÖR 4:12

Kahōlö, uh an nö tötohhë tö lōn yīö ngam inlahen ngam tö tameūyuröön kinlaha yīö, ngam tameunghökui yīö nö kalaha yīö, nö sā tötohtöre lāinyngen nö in yīö:

YERIMIĀ 26:24

Holṙen Yarimiā pöri ök kël Ahikam ök kikōnyö kūön Sāfan lökten ò nö öt kētu nö in yik tarik nö kumpahaivah.

Salmai 66:12

Vīten tarik Man nö i kui ih nö hatūlö: lök kūö tameūyö in, lök el mak inrē; kēnyen ih pöri Më-eṅ el chūök kanôlò.

Salmai 6:8

Kē-ĕngre tö chu, ṙòkhöre yī-ö töt löökö la-en: tön hang pineūnyö chu an ngam Mā Tēv.

NGAM LĪPÖRE YŌP 42:10

Ngaich ngam Mā Tēv nö havantö nup kanôlò Yōp, hē ò nö vë-elkui yik holre; ngaich ngam Mā Tēv nö nët chap tī nö kē-ĕkūö Yōp sā ṙôken nuk chehen ò lā-urĕh.

NGAM LĪPÖRE YŌP 5:20

I inyāchö anga-aṅ nö ṙānyen meh ṙā-ang kinpaha I kinyūngö inrē ṙā-ang i minhôiṅyö ngam sanët,

1 SAMUĔL 20:1

Falngöre ngaich Tāvit nö ṙāngö i Nayôt i Rāma, ngaich yih ngaich ngö ṙô nö i kūö Yônatan, Asuh ap falngen chu? Asuh ap tötlöök in chu? Asuh ap inrē tökööl chu i kūö ap yöng meh, töp lökten ò nö chöh ngih nômö chu?

MANEUTNYI 18:4

Ēlīsör minënyi ök tahëng; pòn ngö ṙô angā-aṅ, Holṙen chu an ngam Tēv ök yöng chu, ṙānyen chu inrē ṙā-ang i kūö sanët Fërō:

1 SAMUĔL 18:11

Tamtökūö ök vöi ngaich ang Sôl; pò ò ngö ṙô, Tāmö Tāvit chin min nö tufūni i kaha patī. Ngaich nët heuh ang Tāvit nö hakūnngö elmat ò.

1 SAMUĔL 19:10

Lukkenre ngaich Sôl nö hòṅ fëlngen Tāvit nö hòṅ tamten ò nö i kaha patī nö aṅtī tök vöi; tilīöngöre pöri anga-aṅ nö ṙā-ang i kūö Sôl, ngaich anga-aṅ nöng tam kaha patī nö aṅtī tök vöi re: falngöre ngaich Tāvit, nö öt kô-òng vah ik hatööm.

1 RĀCHA 19:1

Ngaich ang Ahap nö keuheūtnyöre ṙô nö vë-eny nang Yesīpel tö tī Ĕlaicha, tö tī ò inrē nö fëlngö yik pròfĕt nö aṅtī tö fël.

2 RĀCHA 6:1

Ngaich yik kikōnyö kūön yik pròfĕt nö ngö ṙô tö Ēlaisa, Yĕh meuk, cheūkti ön ngih chūökö nö chūök hī iyöng ngih i kūö meh.

Salmai 124:7

Aṅ i mine-eny ngam Mā Tēv hī an ngam hinòlṙen hī: ngam vamī halīöngö tumlat inrē.

T. LŪKÖS 21:24

Ngaich cha-a min nö kapah tökūö fël; kē-ĕyö min inrē tö yip tahëng mihëṅṙö tarik. NgaichYerūsalem min nö rööntukui tö vē tahëng mihëṅṙö tarik, hanöng saha kinheūṅten ap ṙētak cha.