HEPRĀI 11:32 - TÖHET LĪPÖRE (Re-edited) Bible (BSI)

³² Iṙôktöre ṙô öich min? Keuheūtö ṙētak chin min, yē chu vënyen Kītīön, Pārök, Sëmsön, Yefta; Tāvit, Samuĕl inrē, tö yik pròfĕt inrē:

HEPRĀI 11:32 Referans Kwoze

1 SAMUĔL 16:1

Ngaich ngam Mā Tēv nö ngö ṙô tö Samu-ĕl, I rô-òtö miṙivlōn öm min tö Sôl, yĕh meuk tö chu ngaich sō-en ò nö rācha nö i kui Israĕl? Asëlö aṅ ngam sinrōl man tö tavī-i, kuṙòh, töich tinngen meh in Yēsī öp aṅ Pĕtlihem: tön i yip kūön ò chin kikōnyö meukṙenre tö rācha.

1 SAMUĔL 1:20

Ngaich hē ngam hē nö teungtökūö, pirūkö nyīö ngaich Hëna, ngaich kayônyö nyīö kikōnyö; ngaich kaheuk minë-eny ò anga-aṅ nö Samu-ĕl, nö ngö ṙô, Pò chu havëken ò im Mā Tēv.

1 SAMUĔL 16:13

Kē ök sinrōl tavī-i ngaich Samuĕl ngaich hacham el kui ò nö elṙôngö yik mëm ò: ngaich ngam ma-alaha aṅ im Mā Tēv nö kalēḵ nö teungtöre nö i kui Tāvit löktökūö ik sakāmö angū-ö nö iṙūöhöröön. Hōklöre ngaich Samu-ĕl, ngaich chuh Rāma.

T. YÔHAN 21:25

Pōyen nup inrē tahëng tī Yēsū, kūichi öre anū-ö nö ṙòkhöre, ngaich öt kô ngih panam, tö lōn chu, nö chūök nup līpöre tökūichiyö.

2 PĪTÖR 1:21

Pòn öt ṙô-òvö tö hĕng nö yih nö lökten i lōn tarik: lökten im Tēv pöri tarik nö ṙô-òv, pòn halöinyka tö ngam Töhet Fanöinylö.

RŌMA 7:7

Sitih ṙô öi pökeh? Tökööl öng ngam chöngö? Öt halöng an ngam Tēv. Hö-ö pöri chu-ö sin akahakūö tö tökööl höng lökten im chöngö: pò chu öt akahakūö tö yinikngö sīnö, höng ngam chöngö tö ngö ṙô, Uh man yikhanga.

RŌMA 4:1

Sitih ṙô öi pökeh tö kanôtökūö Aprahām ök muvöhngö hī, nö sā ngam alaha?

RŌMA 3:5

Yē ngam michūṙen hī pöri nö hōtö ngam lanöökö ngam Tēv, sitih ṙô öi min? Tömichūṙen ang ngam Tēv ngam chamöha nö holtö lanīnö? (Sā ṙô tarik chin ṙô-òv).

INLAHEN 13:20

Unôichngöre Anga-aṅ nö kē-ĕkūö cha tö kamhôṅka, Samuĕl ök manā-aṅ, ök pròfĕt.

INLAHEN 10:43

Anga-aṅ An ha-eūkö yik taṙòkhöre pròfĕt, tö ngòh ṙamātö ellōnre nö in Ò, nö teūngen min tö inṙē-ĕl tököölre, lökten i Mine-eny Ò.

INLAHEN 3:24

Ṙòkhöre yip pròfĕt, löktökūö in Samuĕl, söl i yik mū-unôich inrē, i tum tak ṙô yik tö ṙô-òv; ahangkö inlahen në sakāmö, cha-a.

1 SAMUĔL 12:11

Tinten Yērūpē-al ngaich ngam Mā Tēv, Pērak, Yefta, Samu-ĕl inrē, ngaich ṙānyen yīö ṙā-ang eltī yip lā-al yīö nö keuheūttöre lā-a, öt pinlānguṙen yī-ö ngaich iyöng.

2 PĪTÖR 3:2

Hòṅ yīö köpölōn tö nuk ṙô, nuk töngaichngen misī ṙô yik töhet pròfĕt, ngam chöngö ngam Mā inrē ngam Mahayööken, nö lökten yik tanīnöṙô yīö;

YĀKÖP 5:10

Kahōlö, kēḵ yik pròfĕt yin, yik töṙô-òv nö i mine-eny ngam Mā, nö insā kanihngen manöiyö inrē.

RŌMA 6:1

Sitih ṙô öi pakeh? Iṙūöhen öi im tökööl hòṅ ngam inlōnti nö pōyen?

T. LŪKÖS 16:31

Ngaich ngö ṙô anga-aṅ tö ò, Yē cha nö öt hang ṙô Môsös, yip pròfĕt inrē; öt rēhĕn cha-a min nö vane-enkūö, yĕn pòrô nö hĕng taka ap mahavanlöre nö ṙā-ang i yip tökapah.

T. LŪKÖS 13:28

Ngaich min öp pineūinyö ane inrē kinapkui kanap, yē yīö meūkö Aprahām, Isak, ane inrē Yāköp, ṙòkhöre yip pròfĕt inrē, nö im pūlngö ngam Tēv; ngaich yī-ö kavāliyö elkahôiṙen.

T. MËTIV 5:12

Ṙāmölōn yī-ö, öi pōyen ṙanāmölōn; tön pōyen nup raneushö yīö, el halīöngö. Cha-a yin töng ngatī tī nö öthakôlò yik pròfĕt, yik mu-urēhĕkūö yīö.

YERIMIĀ 15:1

Ngaich ngö ṙô ngam Mā Tēv tö chu Pòrô Môsös Samu-ĕl inrē nö sökhak nö i kūö chu, sönngenre öp ellōn chu nö öt hanvööten nö lā i vē tarik. Tinngen cha nö ṙā-ang i kūö chu, hökngen cha nö kiröönngöre!

Salmai 99:6

Aṅ i yip kūönṙô Ò an Môsös, Āròn inrē, aṅ in cha inrē Samu-ĕl yip mahavëkö mine-eny Ò: havëkö ngam Mā Tēv cha-a, ngaich sap ṙô cha Anga-aṅ

1 SAMUĔL 2:18

Meukṙen pöri nö i kuö ngam Mā Tēv ang Samu-ĕl, nöng ṙòngmö nyīö nö inyuttö līnen sörplis.

1 SAMUĔL 2:11

Chuh patīre ngaich Elkānā nö i Rāma. Ngaich ngam nyīö nö meukṙen ngam Mā Tēv nö ikūö Ēli ök kūönṙò.

KAMHÔKA 13:24

Ngaich ngam kikānö nö kayônyö nyīö kikōnyö, ngaich kaheuk mine-eny ò nö Sëmsön; sīöplö ngaich ök nyīö, ngaich hakôlò ò ngam Mā Tēv.

KAMHÔKA 6:11

Ngaich yih ök ma-ahānga aṅ im Mā Tēv, ngaich ūichngöre nö elkatòh ök ōk mi-i Ôfrah, Yô-as ök minë-eny ò aṅ Apiēsör ngaich Kītīön ök kikōnyö kūön ò nö piṙōng ṙòng vīt nö ik kinrān vāin, nö hayunngö e tö yik aṅ Mītīā.

KAMHÔKA 4:1

Ngaich hēk yik kūön Israel nö la-evṙen tö tötlöök nö i kūöngam Mā Tēv, hē Ēhöt nö ngaich nö kapah.

KAMHÔKA 6:1

Ngaich yik kūön Israĕl nö la-evṙen tö tötlöök nö i kūö ngam Mā Tēv: ngaich kēten cha ngam Mā Tēv nö sat samyeūheu nö eltī aṅ Mītīa.

KAMHÔKA 6:14

Hatīönken ò ngaich ngam Mā Tēv, ngaich ngö ṙô, Kuṙòh i ngih kumlēḵ man kiröönngöre, hayöölen Israĕl ṙā-ang eltī yip aṅ Mītīa: röh öich chū-ö tamīnngen meh?

KAMHÔKA 15:20

Nët anāi samyeūheu anga-aṅ nö hayöngö Israĕl hē nuk sakāmö yik Filistian.

1 SAMUĔL 2:4

Ohngö nuk nö ngaich linreny tökalēḵ tarik, nyëklöng ṙat inrē tökumlēḵ yip tö kavē- ĕre.

1 SAMUĔL 17:45

Ngö ṙô ngaich Tāvit tök Filistian, Yih man më-eṅ in chu öm sanëtu, vöiyu, lanāku elngòh inrē? Yih pöri chū-ö in meh i mine-eny ngam Mā Tēv yip tömaṙôngö, ngam Tēv vē kumyung aṅ Israĕl, vē tömiṙē-ĕyö tö meh.