HEPRĀI 11:26 - TÖHET LĪPÖRE (Re-edited) Bible (BSI)

²⁶ Ṙātö el lōnre tö ngam sinrōngkūö Kristū nö tömötlö nö kanôlò tö nup töpōiṙāi kanôlò aṅ Aikup: pò ò nö ngëichngöre tö gnam invahal raneushö.

HEPRĀI 11:26 Referans Kwoze

HEPRĀI 11:6

Ötkô angū-ö nö ṙanāmölōn nö in Ò, yĕn öt īnu tö ngam ṙinātö ellōn: pò ò ngòh yamihtöre nö im Tēv nö hòṅ ṙātö ellōnre tö Ò nö töngatī, tö Ò inrē nö rameushen cha yip chamöhan.

HEPRĀI 10:35

Uh yin lökten kavalngö ngam inyönglenre, ngam tö kumtö tö kiröng raneushö.

INMEUKHÖMAT 3:18

Halēnö meh chin öm havah humlum in chu, nup tö halööktitvö tö tameūyö, hòṅ meh öm kôlò, tö-isoh hilā inrē, hòn meh kafānöre, hòṅ öt hameuktu ngam sumrōngkūö meh öm chumlal; sanöichmat inrē nö sanòh mat meh, hòṅ meh meuk.

1 PĪTÖR 4:14

Tökôlò yin, yē yīö sumrōngikūö tö kūö mine-eny Kristū; pò ngam Fanöinylö ngam kanôlò, ngam Fanöinylö ngam Tēv nö i kui yīö nö ngöh.

HEPRĀI 2:2

Yē ngam ṙô nö ṙônyu nö lökten i ma-ahānga, nö hameuktu nö köp, kö teūngen, ngaich tö raneushöre tökööl fālen, minôṙô inrē, tö tölöökö ṙēti ṙënngen;

2 KÒRIN 6:10

Sā tö haṙīvölōn, ngaich sön tö-örheūheu ṙamölōn sā yāich, ngaich maṙôngö tī tö tökôlò; sā töt hĕng mihëṅṙö aṅ in, ngaich sön tö īnu tö tökeuheūttöre.

T. LŪKÖS 14:14

Ngaich me-eṅ min tökôlò; pò cha cha-a nö öt kô nö havahlen meh. Pò meh min havahlöngö ip invanlö yip tölöök.

T. MËTIV 5:12

Ṙāmölōn yī-ö, öi pōyen ṙanāmölōn; tön pōyen nup raneushö yīö, el halīöngö. Cha-a yin töng ngatī tī nö öthakôlò yik pròfĕt, yik mu-urēhĕkūö yīö.

EFISÖS 3:8

In chu chu-ö manā-angkūö yip tökūöṅnö i yip taṙòkhöre töhet, ngih inlōnti nö kētu nö in chu, öich mikahten vē tahëng mihëṅṙö tö nup tötkanṙeūken kanôlò Kristū,

2 KÒRIN 12:10

Lökten chin kumchikngenre im öt kumlēḵen, i pinlāngen, i hanāten, i inkihten, i kanihngen, tö pôkūö Kristū: pò chu, yē chu ötkalēḵen, ngaich kalēḵ chu-ö.

Salmai 37:16

Ĕhten öp törahëichyen i ngòh tölöök: tö töpōiyen i yip tötlöök.

1 PĪTÖR 1:11

Chöh ṙētak, hēḵ inlahen öp ṙētak ngam Töhet Fanöinylö Kristū nö in u nö asōkhöti, hē e nö urĕh nö hameuktö kanihngen Kristū, nup tamömrit e inrē kanôlò.

HEPRĀI 13:13

Ta-a lökten, töi chuh in Ò lā-uk ngam elyöngö, keun ngam sinrōngkūö Ò.

HEPRĀI 10:33

Kūö yīö vītu nyam mat, hĕnghöre i minṙēngö, kanihngen inrē; kūö yīö inrē hamòl cha yip tö ngatī kinëka alaha.

FILIPĪ 3:7

Nuk taneūngen pöri nö in chu, ngaich kaheuktu tö chu nö yanëḵngen töpòkūö Kristū.

EFISÖS 1:18

Ahatlöngö elmat ngam mat ngam ellōn yīö, hòṅ yīö akahalōn tö ngam maheūṅkköre im invëtö yīö, tö kanôlò ngam kanôlò, ngam amin Ò i yip töhet,

INLAHEN 5:41

Kiröönngöre yik tanīnöṙô nö ṙā-ang i kūö yik kamhôṅka; ṙāmölōn töre nö halöngtuṙen nö sumrōngikūö tökūö ngam Mine-eny;

T. MËTIV 10:41

Ngòh hamô-ò pròfĕt nö pò ò nö pròfĕt, teūngen min anga-aṅ tö raneushö pròfĕt. Ngòh hamô-ò tölöök tarik nö pò ò nö tölöök nö tarik, teūngen min anga-aṅ tö raneushö tölöök tarik.

T. MËTIV 6:1

Haṙēmngenre yin, ui kēken tölöök la-enre i kūö tarik, öi hòṅ meūkö tö cha. Öt raneushu yin min, yē yīö öi ngatī tötī ngam Yöng yīö el halīöngö.

Isayā 51:7

Hangihtöre tö ṙô chu yī-ö tö-akahakūö tö lanöökö, yī-ö tarik tö-aṅhav ellōn töm chöngö chu; uh yin pa-ekūö töm minṙēngö aṅ i tarik, ui ngangngö kūö inrē tö öt linëkö ṙô re tö cha.

INCHŌḴ-OṘÔ 23:18

Öthō nö öt mū-unôchu umuh, öt rökiṙen ap min inrē maheūṅkkö meh.

INCHŌḴ-OṘÔ 11:18

Ngòh tötlöök tarik hayih raneushö tö michūḵṙen, ngòh tameūchtö lanöökö pöri kētö kô-en raneushö.

Salmai 69:20

Lakūkötī öp minṙēngö nö ellōn chu; tööḵngen chin tö lumngan: ngëichkö öp tö-aṙē-ĕlōn chin, öt hĕng tak pöri mahaṙamlōn inrē, öt hĕng tak mahaṙamlōn kanôtö kūö chu.

Salmai 69:7

Tön pòkūö meh chin öich keun sumrōngkūö: haṙungngökūö chu an ngam sumrōngkūö.

NGAM LĪPÖRE RŪT 2:12

Havahlö ngam la-en meh an yēḵ ngam Mā Tēv, hateung ṙôken tīre an yēḵ ngam Mā Tēv nö kētö raneushö meh, ngam Tēv Israĕl, ngam tö-aṅhaṅv elkatòh sanëòk chūök meh yih hanyatlöre.

INMEUKHÖMAT 2:9

Akahalōn chin tö kanihngen meh, tö ötkakôlò meh inrē (kôlò pöri me-eṅ), ane inrē tö ngam ötlinëkô cha yip Yahūti tö ṙôre, ngaich nö rö-ö cha-a, chūök vine-eṅkūö sātān pöri.

T. LŪKÖS 14:33

Lökten yē ngòh mi-in yīö tötṙamā-ang inlānenre, öt kô anga-aṅ nö mahaköp nö in Chu.