HEPRĀI 11:25 - TÖHET LĪPÖRE (Re-edited) Bible (BSI)

²⁵ Atöllöre nö lahë nö ötlēkaṙen nö anòngngen yik tarik ngam Tēv, ĕhten tö ngam kunchikngenre nö i tökööl nö rĕh rô-òten;

HEPRĀI 11:25 Referans Kwoze

Salmai 84:10

Höng hĕng sumkam el ngam patī Meh, ngaich nö mötlö tö tö hĕng köṅny sumkam: ĕhten chin öre chū-ö höng yōm inkūp ngam patī ngam Tēv chu, tö inyöngö el inrūkui tötlöök.

2 KÒRIN 5:17

Lökten, yĕn tarīkuvö; mī-in Kristū, tufömngöre anga-aṅ: ṙòkhöre nuk höteh nö ngaichngen; yĕh meuk vītöre nun nö tumfömngöre.

NGAM LĪPÖRE YŌP 36:21

Haṙēmngenre, un vītöre i öt lanöökö, tön angū-ö an atöllö meh nö mötlö tö inkihten.

INMEUKHÖMAT 18:7

Ip töng ṙôkhölṙen ò nö hakeūṙöre, ngaich nö ṙūölö sinṙakngenre, ngatī ṙôkentī kē-ĕkūö ò tö kanihngen töchökhu, miṙivlōn inrē: pòn ngö ṙô anga-aṅ nö ellōnre, Ūichhak chin sā rāni, rö-ö chin inrē tafīösi; ane inrē öt löktu öich meuk miṙivlōn.

NGAM LĪPÖRE YŌP 20:5

Tö ngam inpōilö tötlöök nö tö- cheūta, ngam ṙanāmölōn tötlöök inrē nö töng rahëchtaṙen?

1 PĪTÖR 2:10

Yī-ö tö rö-ö sin misī tarik, ngaich pöri öi tarik ngam Tēv töngamuh: töt teūngen sin tö inṙē-ĕl, ngaich pöri teūngen töngamuh tö inṙē-ĕl.

YĀKÖP 5:5

Iyöng i tanë-eṅ yin ing panam, kumchikngenre inrē; ha-òknyö ellōnre yin nö höng öp hē linòkhanga.

YĀKÖP 1:20

Pò ngam lanīnö ngòh tarik nö öt ṙūönyö ngam lanöökö ngam Tēv.

HEPRĀI 11:37

Kulehe cha-a, tökngö cha-a nö ṙātö tö ṙanat, kalaha cha-a, sāpi cha-a tö sanët: atēṙa cha-a nö inyuttö uk pököre; kapöiyaṙen, hachökö, ötlēḵaṙen.

HEPRĀI 10:32

Fēkö nuk misī sakāmö, unôichrit yīö ngaich mikahtu elmat, ngam chūök yīö hökngenre tökiröngö kanihngen;

HEPRĀI 4:9

Lökten nö ōtre haneūheuṅ yip tarik ngam Tēv.

2 TIMÒTĪ 1:8

Lökten man um sirōngkūö tö ngam ineūkö ngam Mā hī, um rēhĕn tö chu chu-ö haköv Ò: hol ngam talöök inhānga pöri harëtöre sā ngam minhôiṅyö aṅ im Tēv;

KÒLÒSĪ 1:24

Ṙāmölōn chin i në kanihngenre tö pòkūö yīö, ngaich haṙënngö ngam töhāṅten chu-ö kanihngen Krsitū ing alahare, pòkūö ngam alaha Ò, ngih māṅ;

RŌMA 5:3

Un höng ngatī, tön hĕnghöre ṙāmölōn ayī-ö, ta-a, i nup kanihngen hī; akahtöheichlōn tö ngam kanihngen nö vītö manöiyö,

T. LŪKÖS 16:25

Ngö ṙô pöri Aprahām, Kakūönö: köpölōn man tök hē meh aṅ, öm teūngen tö tölöök chehen, nup lōn meh; ngati ang Lāsörös nö teūngen tö nup töchōich. Ngaich pöri anga-aṅ nö haṙāmölōn nö ihih, ngaich me-eṅ im ötinkôlò.

T. MËTIV 13:21

Rö-övö pöri nö ṙēhĕvö nö inre; ngaich köp nöng rahëchtaṙen; hē el kanihngen pöri, hēk ötinkôlò, tökūö ngam ṙô; ngaich iṙūö ṙāngenre anga-aṅ.

Isayā 21:4

Uhā-a nômö chin pinëṅka chin ngaich tö pinhë-eṅkūö: ngaich öp chinṙivtö harap öp lōn chu nö vītöre nö kinchëyöre chu.

Salmai 47:9

Hamūlöre yip mākūö vē tarik, nö tarik ngam Tēv Aprahām: pò ngam lanaklö ngam panam nö aṅ im Tēv, anga-aṅ an töhòṅ Kiröngö inpōilö.

TANĪ-ĔL 3:18

Yĕn rö-ö pöri, akahalōn man yĕh tö e, Ō rācha, tö ih öt hòṅ lök la-en yip tēv meh hēk inrē öt hòṅ salām ngam humlum insā ngam asöklö meh.

INLAHEN 7:34

Meuk kanihngen yip tarikre takô Chin, yip i Aikup: hang inyôṙö ṙô cha Chin inrē; ngaich hòṅ yihtöre Öich ṙānyen cha. Tā-a, hòṅ tīnten meh Chin i Aikup.