HEPRĀI 11:23 - TÖHET LĪPÖRE (Re-edited) Bible (BSI)

²³ Lökten i ṙinātö ellōn ang Môsös, hē ò nö fötnyu, nö lūöi chumngëṅtö nö hayūni tö nak yöngre, pò cha nö meūkan nö tavai nö nyīö; ngaich cha-a nö öt pa-ekūö tö chöngö ök rācha.

HEPRĀI 11:23 Referans Kwoze

MANEUTNYI 1:22

Tölṙô yik tarikre Fërō nö ngöṙô, Suktö nyīö kikōnyö tökayônyu, el ngam tahël, ṙātö yip kikānö nyīö nö aṅ.

MANEUTNYI 1:16

Ngöṙô angā-aṅ, Yē nā pöchö lāich yip Hīprū kikānö, ngaich meūkö cha nö el chūök töchööku; yĕn kikōnyö, ngaich kumpāhan nā-aṅ; yē ò pöri nö kikānö, ngaich aṅ min angā-aṅ.

HEPRĀI 13:6

Lökten hī holtö nyanatlö öi ngö ṙô, Ngam Mā Tēv an hamòlṙen chu; öt pa-ekūö chin min, töp tī öp tarik min tö chu.

T. MËTIV 10:28

Uh yin pa-ekūö tö cha yip famël ngam alaha; ötkô pöri nö fël ngam ma-alaha. Pa-ekūö pöri tö Ò, ngam tökô-òren nö hĕnghöre fël ngam ma-alaha, alaha inrē, nö el chūök ötinkôlò,

INLAHEN 7:20

Hē e ang Môsös nö fötnyu; tölngö tölöök ök nö nyīö. Lūöi chumngëṅtö anga-aṅ nö harūkö nö i patī ök yöngre.

Isayā 41:14

Um pa-ekūö, Me-eṅ kamlökö Yāköp! Yī-ö inrē tarik Israĕl; holṙen yīö chin min ṙô ngam Mā Tēv; ngam Töhĕng tak Töhet aṅ Israĕl ṙamānyen meh.

Salmai 118:6

Lā in chu An ngam Mā Tēv; öt hō chin min pa-ekūö: suh kanô-òṅ tarik nö in chu?

TANĪ-ĔL 6:10

Hē Tanīel ngaich nö akahalōn tök līpöre nö ngaich nö kūichö mat tö minë-eny, chuh patī re ngaich anga-aṅ i nuk inkūp lökhöt kuföt ò el ök lātulöng urôhò tö luvë-akkūö nö kū-ö tö Yērusalem; sulngöre ngaich anga-aṅ nö lūöi heuh i tö hĕng sakāmö nö vë-ekūötēv ha-öiny inrē nö i kūö ngam Tēv ò, höng sā inlahen re tö lā-urĕh.

Isayā 51:12

Höng Chū-ö chin mahaṙamlōn meh; achīö öm me-eṅ töpa-ekūö tö töng kapah tarik tö kūö tarik töng sā kiyôp,

Isayā 51:7

Hangihtöre tö ṙô chu yī-ö tö-akahakūö tö lanöökö, yī-ö tarik tö-aṅhav ellōn töm chöngö chu; uh yin pa-ekūö töm minṙēngö aṅ i tarik, ui ngangngö kūö inrē tö öt linëkö ṙô re tö cha.

Isayā 41:10

Uh man pa-ekūö, tön in meh chin; um ngangngökūö, tön chū-ö chin Tēv meh: hangëṅlen meh chin min; hôṅ, holṙen meh chin min; hôṅ, ṙapken meh chin min aṅtī tö lahāmö kël ngam lanöökö chu.

Salmai 56:4

Im Tēv chin min ha-öiny ngam ṙô Ò: im Tēv chin hayöng-lenre, öt hō chin pa-ekūö; suh kanô-òṅ tarik tö chu?