HEPRĀI 11:17 - TÖHET LĪPÖRE (Re-edited) Bible (BSI)

¹⁷ Lökten i ṙinātö ellōn ang Aprahām nö kalaha, kēḵngen Īsak ngaich: hôṅ, anga-aṅ tö ṙāmölōn nö kēḵ, minë kinlēḵngô, ngaich nö kēḵngö ök töng hĕng maneuk kūönre kikōnyö;

HEPRĀI 11:17 Referans Kwoze

Ranehlö 22:16

Inre ṙô Chin kilēḵngôre, ngöṙô ngam Mā Tēv, pò meh ngaich tī tö e, ngaich ötma-iṅ ngam kikōnyö kūön meh, töng hĕngmaneuk kūön meh kikōnyö.

INMEUKHÖMAT 3:10

Pò meh haköp ngam ṙô chu, ngam manöiyö chu inrē, aṅten meh chin min ip ṙētak kinlaha, öp ṙētak angū-ö, yamih nö i kui ngih panam nö ṙòkhöre, nö kamlaha cha yip mī-iyöng kūö ngih panam.

YĀKÖP 5:11

Yĕh meuk, tökôlò yin vē kameun, tö ṙô hī: ngaich yin hang manöinyö Yōp, ngaich meuk manā-aṅ tī ngam Mā, tö ngam Mā nö tötööḵlö tö miṙēlōn, tööḵlö inrē tö neūkölōn.

1 PĪTÖR 4:12

Kahōlö, uh an nö tötohhë tö lōn yīö ngam inlahen ngam tö tameūyuröön kinlaha yīö, ngam tameunghökui yīö nö kalaha yīö, nö sā tötohtöre lāinyngen nö in yīö:

INCHŌḴ-OṘÔ 17:3

Chūök inṙöich rupīö tanīönyö, tö hūkūö tameūyö inrē i humlum, kalah ellōn inrē ngam Mā Tēv.

HEPRĀI 7:6

Ngaich pöri ngam töt kaheuktu lökngörit nö ṙeū-eung in cha, nö ngaich nö kēḵ tö hĕng i tösöm nö in Aprahām, ngaich hakôlò ò, ök tö īnu tö nuk kinlēḵngô.

SAKARIĀ 13:9

Ngaich chū-ö min kētö ngam linūöi mi-ëlö nö löknyö kūö tameūyö, ngaich halöök tit u min sā inlöök tit rupīö, ngaich kalahten u min inrē nö sā kinlahten humlum: ngaich cha-a min nö havëkö minënyö chu, ngaich hang ṙô cha chū-ö min: Ngö ṙô chin min, tarik chu yin; ngaich ngö ṙô min cha-a, Tēv chu An ngam Mā Tēv.

TANĪ-ĔL 11:35

Rēvre tö cha inrē yip tö-akaha min nö fukngö, nö halööktit, ahetlen cha inrē, vīten cha inrē nö isoh, hanöng saha öp hē manāngen, pò e nö ṙòngö ṙētak töhalēnlöng.

2 KINṘÖTNGÖ 32:31

Ngatī inrē in yip ma-ahānga in yip kūön rācha aṅ Pēpīlön yik tö tīntu nö in ò nö hatöntöre tö minkahngö nuk töngaich nö im panam, hökngen ò ngam Tēv nö kahngenre, pòn hòṅ kalahan ane inrē hòṅ akahalōn tö nup ellōn ò.

2 KÒRIN 8:12

Yē ngam lanënen nö umuh, töhōḵovö an nö sā öp in ò, öt sā öp töt in ò.

I. CHÖNGÖ 8:2

Köpölōn yī-ö inrē tö nup talöökö nup talöökö tī ngam Mā Tēv nö hachō-o yīö el tönyalnyi i në töfën anāi samyeūheu, pò ò nö hòṅ miṙēngen yīö, nö kalaha yīö, pòn hòṅ akahalōn, tö ellōn yīö, yē yīö hō haköp në chöngö ò hēk yēi rö-ö.

T. YÔHAN 3:16

Tölngö hanāngenlōn An ngam Tēv töng panam, tön uroh nö kēngö ngam töng hĕng maneuk Kūönre; pòn sōtu vē ṙamātö ellōnre nö in Ò, nö ötkôlò; hōtu pöri ngam nômö tö-örheūheu-aṅ nö in cha.

HEPRĀI 11:13

Im ṙinātö ellōn cha-a vē nö ṙòkhöre nö kapah, öl nö teūngen tö minë kinlēḵngô, ngaich pöri nö meūkö u, ha-öinyö u inrē nö marôvat, ngaich inrē nö halööknyôre tö cha nö aṅ tahëng, chamöh töhet inrē nö ing panam.