HEPRĀI 11:16 - TÖHET LĪPÖRE (Re-edited) Bible (BSI)

¹⁶ Ngaich pöri cha-a tö ngamuh nö lōn tö öp töngö-al panam, ngam aṅ el halīöngö: lökten ngam Tēv nö öt sirōngkūö tö cha, nö Tēv cha invëka: pòn halēnken tö hĕng Anga-aṅ elpanam cha.

HEPRĀI 11:16 Referans Kwoze

HEPRĀI 13:14

Tön rö-ö in ihih elpanāmu tö tököp, chöh öp el panam pöri ayī-ö öp yamih min.

HEPRĀI 11:10

Pò ò nö chöh öp elpanam öp tö chūöku rööntö machööḵlö, öp tö mamānlu tö ngam Tēv ane inrē vahīlö ngam Tēv.

FILIPĪ 3:20

Pò ngam halīöngö nö panam hī, ngam löktö ngam Mahayööken, ngam Mā Yēsū, ngam ahökkö hī;

T. YÔHAN 14:2

Pōyen nup chūökö i patī ngam Yöng Chu. Yĕn öt ngatī öre, ngaich ve-eny nang yīö Chū-ö; tön kiröönngöre Chin halēnkö chūök yīö.

HEPRĀI 2:11

Pò cha nyöre tö ngam ma-ahethölö, tö cha inrē yip tö ahetlöngö nö ṙòkhöre no hĕng; angū-ö an lökten Ò nö öt sirōngkūö nö kisānuvö ṙô tö cha,

T. MËTIV 25:34

Ngaich ngö ṙô min ngam Rācha tö cha yip lahāmö Ò, Ta-ih, yī-ö tö kôlò tö tī ngam Yöng Chu; amīnu tö ngam pūlngö tö halēnkaṙen tö pòkūö yīö, hētentö ranehlö ngih panam.

HEPRĀI 12:22

Yihtöre pöri yī-ö im Rôngö Sīyôn im elpanam ngam tö-aṅ Tēv inrē, ngam Yerūsalem el halīöngö, in yip töt kanṙeūken ma-ahānga inrē,

HEPRĀI 11:14

Pò cha cha-a tö ngatī ṙô nö vīten e nö hameuktu, tö cha nö chöh öp kanahngenre panam.

2 TIMÒTĪ 4:18

Ṙānyen chu an min ngam Mā, ṙā-ang i nup tötlöök la-en, ngaich hayöölen chu min inrē im pūlngö Ò el halīöngö: Kanôlò Ò yēḵ örheūheu. Āmen.

MANEUTNYI 3:6

Hēk inrē angā-aṅ nö ngöṙô, Chū-ö Chin Tēv ök yöng meh, Tēv Aprahām, Tēv Isak, Tēv Yāköp inrē. Hanyatngö kūöre ngaich Môsös; pò ò nö hatīönkö ngam Tēv.

T. MĀKÖS 8:38

Ngòh tösirōngkūö tö Chu, tö në ṙô Chu inrē, i ngih ma-asĕha, tököölö fālen tūmö; sumrōngngökūö ò min ngòh Kūön Tarik, yē Ò nö yih nö im kanôlò ngam Yöngre, nö holtö yip töhet ma-ahānga.

MANEUTNYI 3:15

Ngöṙô inrē ngam Tēv tö Môsös, Ngöṙô man tö yip Israĕl, Tīntu chin in yīö tö ngam Mā Tēv, Tēv yik yöng yīö, Tēv Aprahām, Tēv Isāk, Tēv Yāköp inrē: angū-ö an minë-eny chu nö örheūheu, angū-ö an inköpkölōn tö Chu i tumköl chap.

INLAHEN 7:32

Chū-ö Chin Tēv yik muvöhngö yīö; Tēv Aprahām, Isak, Yāköp inrē. Ngaich kichëyöre Môsös nö öt hòṅ ngëicha.

T. LŪKÖS 12:32

Ui pa-ekūö, tökūöṅnen pököre; tön tölöök an nö lōn ngam Yöng yīö nö kē-ĕkūö yīö tö ngam pūlngö.

Ranehlö 28:13

Ngaich, yĕh meuk, ngam Mā Tēv nö lātulöng tö ò, ngaich ngöṙô, Chū-ö Chin Mā Tēv, Tēv Aprahām, ök kikōnyö yöng meh, Tēv Isāk inrē; ngam panam chūök meh hulalhaka, kētö e Chin in meh, ip kūön meh inrē;

T. MĀKÖS 12:26

I inlahen vē tö kapah, tö cha min nö hachohlöngö; öt ve-ekūö öp līpöre Môsös öi, ip el Töyul, tö ṙô ngam Tēv nö ve-ekūö ò, nö ngö ṙô, Chu-ö Chin Tēv Aprahām, Tēv Isak, Tēv Yāköp inrē?

YERIMIĀ 31:1

Hē e, ṙô ngam Mā Tēv, öich Tēv taṙòkhöre mupīhö Israel min ngaich cha-a min nö tarik chu.

MANEUTNYI 4:5

Hòṅ cha nö ṙātö ellōnre tö ngam Mā Tēv, ngam Tēv yik yöng cha, Tēv Aprahām, Tēv Isāk, Tēv Yāköp inrē, nö meūkö tö meh.

Ranehlö 26:24

Ngaich ngam Mā Tēv nö hameuktöre nö in ò im angū-ö hatööm, ngaich ngöṙô, Chu-ö Chin Tēv Aprahām ök yöng meh kikōnyö: un pa-ekūö, tön holtöṙah meh Chin, hakôlò meh Chin min, ṙūölö ṙôken ap kūön meh min inrē, pòkūö ök kūön alaha Chu Aprahām.

T. LŪKÖS 20:37

Ngam invanlö vē tökapah pöri, hameukhumat öi ngaich tö Môsös, im, chūök inlahen ök töyul; hē ò nö havëkö ngam Mā. Ngam Tēv Aprahām, ngam Tēv Yāköp inrē.

HEPRĀI 10:34

Sā yīö hĕnghöre aṙē-ĕlōn tö cha yip tö hakövö, ngaich ṙāmölōn öi kēḵ inyëḵngen nup amin yīö, kūö mikahlōnre töre öi amīnu töp tö hönlöre tö köp inrē.

HEPRĀI 11:40

Meukṙen hī an ngam Tēv tö tölöök tīre nö in hī, öl yip cha-a nö teungten, pò hī ayī-ö ṙòngmö köhngen.

INMEUKHÖMAT 21:2

Ngaich meuk ngam töhet elpanam, tufömngöre Yerūsalem, yôntī nö ṙā-ang el halīöngö nö ṙeū-eung im Tēv, halēnö, sā töhapihö kikānö nö hanyöṅtö nö höngkökūö öp pihöre.