HEPRĀI 11:13 - TÖHET LĪPÖRE (Re-edited) Bible (BSI)

¹³ Im ṙinātö ellōn cha-a vē nö ṙòkhöre nö kapah, öl nö teūngen tö minë kinlēḵngô, ngaich pöri nö meūkö u, ha-öinyö u inrē nö marôvat, ngaich inrē nö halööknyôre tö cha nö aṅ tahëng, chamöh töhet inrē nö ing panam.

HEPRĀI 11:13 Referans Kwoze

HEPRĀI 11:27

Lökten i ṙinātö ellōn anga-aṅ nö ṙā-ang Aikup, öt pa-ekūö tö tanāinyö ök rācha: pòn haköpöre anga-aṅ, nö sā mameuk ngam töt maneūken.

Salmai 39:12

Ō Mā Tēv, hang ṙô chu vë-ekūö meh, kētö elnangre i ṙô chu; uh man hachēv-ngöre tö në mak mat chu: tön in meh chin öich höng aṅ tahëng, tötngöhaka, sā yik muvöhngö chu nö ṙòk-höre.

Ranehlö 23:4

Öt aṅhih chin chū-ö, ane inrē töng rahëichtaṙen iyöng in yīö: kētö chūök tī chu yin lāpngöre in yīö nö amin chu, hòṅ chu lāpngö kupahre öich hanyatngö matre.

T. YÔHAN 8:56

Töṙāmölōn ök yöng yīö Aprahām, nö meuk ngih sakāmö Chu. Ngaich meūkö e anga-aṅ ngaich ṙāmölōn.

HEPRĀI 11:39

Ngaich cha-a vē nö ṙòkhöre, nö lökten i ṙinātö ellōn, nö kētö inmeuktö, öl nö teūngen tö ngam kinlēḵngô.

EFISÖS 2:19

Rö-ö yin aṅ tahëng, yamih inrē; hamòl pöri yī-ö, öi i yip töhet, aṅ patī ngam Tēv inrē.

RŌMA 8:24

Pò hī hayöökaṙen lökten im mineūka; achīö ṙöng ap ṙung mameūkkö tömeūkö?

1 PĪTÖR 2:11

Kahōlö; hōten yīö chin yī-ö kumröönngöre ane inrē töt aṅhih, ṙāngö nup lōn alaha, nup kumyung nö lā-al ngam ma-alaha.

1 PĪTÖR 1:17

Ngaich yē yīö sā ṙôre tö yöng havëken Ò, ngam kamhòkken tarik nö öt atölluṙen, nö kö asā inlahen la-en tarik, keuheūtngö ngam ṙētakre öi iyöng i pinhe-eṅkūö:

RŌMA 4:21

Pòn mikahtulōn takô tö ngam tö kilēḵĕyö, tö Ò, ngaich mihôiṅ inrē Anga-aṅ nö hateunghöti.

NGAM LĪPÖRE YŌP 19:25

Pò chu akahalōn tö ngam ṙāmānyen chu nö aṅ, tö ò min inrē nö söklöre i kūö ngih tumlat;

Ranehlö 49:18

Ō Mā Tēv, hökkö ngam inyööken chin ngaich aṅ in meh.

Ranehlö 47:9

Ngaich Yāköp nö ngöṙô tö Fërō, Hēngòng lūöi anāi nun në sakāmö samyeūheu invötö chu: öt pōyen, tötlöök inrē nuk sakāmö samyeūheu nômö chu: öt söllö nun nö i sakāmö samyeūheu nômö yik yöng chu i nuk sakāmö invötö cha.

Ranehlö 25:8

Hökngen ök ma-alahare ngaich Aprahām, ngaich kapah angā-aṅ, nö löökö ṙēti, köiny nö tarik, söök̠ngö samyeūheu inrē; ngaich hamūltu nö i yik tarikre.

1 YÔHAN 3:19

In e in akahalōn tö hī aṅ im kanô-en, hatöḵöng ellōnre ayī-ö min inrē i kūö Ò,

T. MËTIV 13:17

Tökò-ô ṙô Chin tö yīö, Maṙôngö yik misī pròfĕt, tölöök tarik inrē, tö hòṅ meuknë maheuṅk yīö, ngaich rö-ö nö meūkö u; tö hòṅ hang në ahang yīö, ngaich rö-ö nö hāngö u.

Ranehlö 49:33

Hē Yāköp ngaich nö keūheūten nö halēn yik kūönre, hamūl kalröönre ngaich angā-aṅ nö el ök chamam, ngaich kapah, hamūli ngaich nö i yik tarikre.

Salmai 119:19

Töt ngöhaka chin ing panam: un hanyāti minë chöngö Meh nö in chu.

KINṘEŪKÖ 24:17

Meūkan chin, öt töngamuh pöri; Hatīönken ò chin, öt röhta pöri: Meutlö öp min taneūsömat nö löklö in Yāköp, Hĕng öp min kinchīṙö minā-aṅ löklö in Israĕl, Ngaich min nö fohtu i nup sinkeukngö kūö Mô-āp, Ngaich likölngö yip kūön Set nö ṙòkhöre.

Ranehlö 49:10

Öt ṙāken Yūtā an min ngam tinkung minā-aṅ, öt rēhĕn ngam kinchīrö mahayöng nö ṙākö hôi kalröön ò hanöng saha Siloh nö yih; in ò min yip tarik nö hang chöngö ò.

T. YÔHAN 12:41

Ṙô Isayā nun anū-ö; pò ò nö meuk kanôlò Ò, ngaich ṙôten Ò anga-aṅ.

Ranehlö 50:24

Ngaich Yôsĕf nö ngöṙô, töyik hanöngkisānöre, Kapah chin; kô-en pöri min ngam Tēv nö chöhken yīö, kēnyen yīö inrē ṙā-ang i ngih panam, öi ip panam ṙô Ò nö kilēḵngôre, nö in Aprahām, Isāk, Yāköp inrē.

Ranehlö 49:28

Ṙòkhöre yin vē tönët sīön miyöngö in Israĕl: angū-ö ngih inrē ṙô ngam yöng cha tö cha nö hakôlò cha; kö asā nup inkôlò cha, tī ò nö hakôlò cha.

Ranehlö 48:21

Ngaich Israĕl nö ngöṙô tö Yôsĕf, Yĕhmeuk, kapah chin: holtöṙah meh pöri min ngam Tēv, kēten meh min inrē hēk im panam yik yöng meh.

MANEUTNYI 2:22

Kayôḵnyö nyīö kikōnyö ngaich angā-aṅ, ngaich angā-aṅ nö kaheuk minë-eny ò nö Kersōm; pòn ngöṙô angā-aṅ, Iyöng i töt panamre chin.

LA-EN LĒVĪ 25:23

Öt inyīhiyö min ngam panam nö urāḵngen; pò e nö panam Chu: pò yīö öi aṅ tahëng ane inrē törahëichtaṙen in Chu.

2 KÒRIN 4:18

Rö-ö in ihö ngëichkö nup tö meūkö, tön nup töt meūkö nöng tö rahëichtaṙen: tö örheūheu pöri nup töt meūkö.

2 KÒRIN 5:6

Lökten örheūheu öt pa-ekūö, akahalōn inrē, yē hī ṙòngmö i patī, el ngam alaha, ngaich öt im Mā ayī-ö.

HEPRĀI 11:14

Pò cha cha-a tö ngatī ṙô nö vīten e nö hameuktu, tö cha nö chöh öp kanahngenre panam.

HEPRĀI 11:17

Lökten i ṙinātö ellōn ang Aprahām nö kalaha, kēḵngen Īsak ngaich: hôṅ, anga-aṅ tö ṙāmölōn nö kēḵ, minë kinlēḵngô, ngaich nö kēḵngö ök töng hĕng maneuk kūönre kikōnyö;

1 PĪTÖR 1:1

Pītör, tanīnöṙô Yēsū Kristū, löö i yip töparāti mi-iyöng Pòntös, Kalatī, Kapatosiā, Āsi; Pitāniā inrē,

Ranehlö 21:34

Ngaich ṙōl sumkam Aprahām nö rahëichtaṙen nö iyöng im panam Filistain.

KINṘEŪKÖ 10:30

Ngaich ngö ṙô anga-aṅ tö ò. Hö-ö chin hòṅ in; höng chuh ip panamre pöri chū-ö i yip mak alahare inrē.