HEPRĀI 10:4 - TÖHET LĪPÖRE (Re-edited) Bible (BSI)

⁴ Pòn öt kanô-òṅvö nup mahām nuā, mahām pököre inrē, nö kēḵngö tökööl.

HEPRĀI 10:4 Referans Kwoze

HEPRĀI 10:11

Öthĕng hang sumkam vē kūönṙô nö sökhaka nö meukṙen, ṙōlheuh tī inrē nö kētö nup töng hĕngren tökētuvö, nup töt kanô-òṅvö nö kēḵngö tökööl,

1 YÔHAN 3:5

Ngaich akahalōn yī-ö tö Kristū nö hameuktu nö kamëngö tökööl; öt īnu An Anga-aṅ tö tökööl.

RŌMA 11:27

Ngih ön kinlēḵngô in cha, aṅ in chu. Hē chu min kēḵngö nup tö- kööl cha.

HEPRĀI 10:8

Ngam mu-urĕh ṙô tö ngö, Öt lōnu Man, ötrēhĕn ṙāmölōn, i nup tökētuvö, nup töföngö inrē tökētu, töpòkūö tökööl, nup insāken ngam chöngö, tökētu;

HEPRĀI 9:9

Ngam töng inchōḵoṙô ngih ing töngamuh, sā nuk tökētu hĕnghöre inlōnti inrē nö öt kô, nö teungten tī tö el kuilōn ngam samlām,

T. YÔHAN 1:29

Im huṙöich anga-aṅ meūkö Yēsū nö yihtöre nö in ò; ngaich ngö ṙô, Yĕh meuk, ngam pököre ngam Tēv, ngam kamëḵngö tökööl ngih panam.

T. MĀKÖS 12:33

Ngaich ngam hanāngen tö Ò, holtö ellōnre, holtö mikah, i tölngöre; ngam hanāngenlōn inrē tö holre, sāre töre; nö mööḵlö tö nup tökeuheūttöre töföngö tökētuvö.

HŌSĪ 6:6

Pò chu lōn tö miṙēlōn, rö-ö nö tökētu: mötlö an inrē ngam inkaha ngam Tēv tö töföngö tökētu.

Salmai 51:16

Pò meh öt kuchīkölōn i tökē-tuvö; kētö e chin öre: öt ööire më-eṅ inrē i töföngö tökētuvö.

HŌSĪ 14:2

Kē minë ṙô chu in meh, ngaich havantöre im Mā Tēv: ngö ṙô tö ò, Kēngö nuk tökööl chu; aheūkölōn hō-en ih: ngaich īhö min kētö tökētu i minuh re tö sā kōiny nuā.

YERIMIĀ 6:20

Chöngö tö yòh tötahūsa nö yih nö in chu nö ṙā-ang Sīpā, hēk lameuṅh nö ṙā-ang tömarôvat panam? Öt hō-ov nuk kahëtö meh töföngö, öt rēhĕn nup tökētu tö meh nö ṙāmölōn tī tö chu.

Isayā 66:3

Ngòh ṙamatnyö likeun nuā sā ò an ngam famëlngö tarik; ngam kamëtö kūön sīṅp tökētu sā ò an ngam lumreukngö likeun am; ngòh kamëtö sāiny nö tökētu, sā ò an ngam kamëtö mahām ha-un, ngam kamëtö tötahūsa inköpkölōn tökētu, sā ò an ngam mahakôlò insātēv. Atöllö talöököre yin cha-a, kumchikngö ellōnre inrē, nö i sin-òkkūö;

HEPRĀI 10:1

Pò ngam chöngö nöng nyat nup tölöök yamih, öt nup tökô-en takô nö insā; ötkô anū-ö nö holtö nup tökētuvö töt hĕnghang samyeūheu, nup kahëtö cha nö örheūheu, nö teungtentī tö yip yamih.