HEPRĀI 10:39 - TÖHET LĪPÖRE (Re-edited) Bible (BSI)

³⁹ Rö-ö pöri ayī-ö aṅ in cha yip hamôkhötre nö im öt kanôlò; tön aṅ in in cha yip tö aṅhaṅv-in tö ṙinātö ellōn, im inyööken ngam nômö.

HEPRĀI 10:39 Referans Kwoze

1 YÔHAN 5:5

Achīö öp tö mihôiṅ töng panam? Tön höng ngòh ṙamātö ellōnre tö Yēsū nö Kūön ngam Tēv.

1 PĪTÖR 1:5

Ngam lökten i minhôiṅyö ngam Tēv lökten im ṙinātö ellōn im inyööken tölēn, nö hameuktu min ip manā-aṅ ṙētak.

T. MĀKÖS 16:16

Ngòh ṙāmātö ellōnre ngaich vōkö, ngaich hayöökaṙen anga-aṅ min. Ngòh töt ṙāmātö ellōnre, ngaich öthakôlòngṙô min.

1 YÔHAN 5:16

Yĕn tarīku mameuk ngam holre nö köölö fālen, tö ngam töt mī-im kinpaha tökööl, havë-a Anga-aṅ, ngaich ngam Tēv min nö kē-ĕkūö Ò tö nômö cha, yip töt köölö fālen tö ngam mī-im kinpaha. Mī-im kinpaha ap umuh tökööl: rö-ö nö angu-ö havëkö ò tö ṙô chu.

1 SAMUĔL 15:11

Paṙūtalōn chin töre ha-ūichlen Sôl nö rācha: pò ò nö havööngö kūöre tö tinöömörit chu, öt teūngen inrē nö hateungngö nuk chöngö chu. Līn ngaich ang Samu-ĕl, hĕng mitööm ṙô ngaich anga-aṅ nö peuiny hökūö ngam Mā Tēv.

2 PĪTÖR 3:7

Minë halīöngö pöri tö ōtre töngamuh, tö ngam tumlat inrē, nöng kūö e angū-ö ṙô, nö ngaich nö hanöng tö tameūyö nö halēni, höngkö öp sakāmö kinṙôka, öp ötinkôlò yip tötlöök tarik inrē.

HEPRĀI 11:1

Ngam ṙinātö ellōn an mahameuktö nup tö meūkka, mahameuktö nup töt meūkö.

1 TÖSALÒNIKĒ 5:9

Pò ngam Tēv nö öt halöngten hī im lanīnö, tön im taneūngen tö inyööken lökten im Mā Yēsū Kristū,

T. YÔHAN 17:12

I saha Chu in cha, haköpö cha Chū-ö i ngam Mine-eny Meh, vē kahëtö Meh in Chu, aṅten cha Chin inrē. Öt hĕng tak tö cha tö ötkôlò höng ngam kūön ötkanôlò, nö kinheūṅtngen ṙô ngam töhet līpöre.

T. YÔHAN 6:40

Pò e nö lōn ngam Yöng Chu, tö yip taṙòkhöre mameuk ngam Kūön, ṙātö ellōnre inrē nö in Ò, nö nômuvö tö ngam tö örheūheu-aṅ, ngaich hachohlen cha Chū-ö min, ip manā-aṅ sakāmö.

T. LŪKÖS 11:26

Ngaich kiröönngöre anga-aṅ, sat tak kahëḵ tö tahëng holre tö yip tömööḵlö ötlanöökö sī-ö tö ò; kuhēthötre cha-a ngaich nö iyöng in e. Ngaich ngam manā-aṅ inlahen ngam tarik, nö mööḵngöre ötkanôlò tö ngam mu-urĕh.

Salmai 44:18

Öt havanritre an ngam ellōn ih öt rēhĕn në vanāngö ih nö kānngöre töm talöökö meh;

2 TÖSALÒNIKĒ 2:3

Öp tö sitih, ui hökngenre halō-oikūö tö tarik: pò e nö öt ngatī min, höng urĕh tö yihih ngam ṙināngen, ngaich hameuktö ngam tarik aṅ i tökööl, ngam kūön öt inkôlò,

T. YÔHAN 20:31

Kūichyö pöri në, hòṅ yīö ṙātö ellōnre tö Yēsū nö Kristū, ngam Kūön ngam Tēv, hòṅ yīö inrē, lökten im ṙinātö ellōnre i Mine-eny Ò, öi nômuvö.

INCHŌḴ-OṘÔ 14:14

Tööḵngen ön min ngòh tötlöök tarik tö ṙòng nup talöököre, ngòh tölöök tarik inrē tö ṙòng nup la-en re.

INCHŌḴ-OṘÔ 1:32

Pò öp töt akaha nö fëli tökūö ngam invöökūö cha, ngam tanöö-öng lōn tökulō-ov inrē nö fëlngen cha; anga-aṅ pöri öp hamang ṙô chu köp min nö iyöng kuchīken min inrē, öt pa-ekūö tö tötlöök.

INMEUKHÖMAT 17:11

Ngaich öp töṙeūla nö kô-en sin, lān rö-ö, anga-aṅ an inrē hinëvhöre, nö aṅ i yip tö sat tak; ngaich chuh im ötkanôlò anga-aṅ.

HEPRĀI 10:26

Pò hī yē hī tölngenre köölö fālen, unôichritre teūngen tö ngam inkaha aṅ im kanô-en, öt ōtre ngaich tökētu tö kūö tökööl,

1 TIMÒTĪ 6:9

Fukngö pöri min cha-a yip tö hòṅ kôlò nö el ngam kinlaha, el tinngöp inrē, i nup kumlō-ov, töchökhuṙen inrē lōn; kampökngö tarik nun anū-ö töngatī nö el ngam inlëlngö, inköhngen inrē im mū-unôich nômö.

T. YÔHAN 5:24

Tökô-ò ṙô Chin tö yīö, Ngòh hamang ṙô Chu ane inrē ṙamātö ellōnre nö im tamīnngen Chu, nômuvö anga-aṅ tö ngam tö-örheūheu-aṅ; öt yihtöre inrē nö im ötinkôlò; chööḵngö ngam kinpaha pöri; nö im nômö.

INMEUKHÖMAT 17:8

Ngam maheuṅk meh töṙeūla ngaich, lān rö-ö; ngaich ap nö hòṅ meutlö nö ṙā-ang el ngam ṙeūvö, töt lataṙeū-euv, ngaich chuh im öt inkôlò: ngaich acha-a min yip mī-iyöng kūö ngih panam nö pingangkūö, yip töt kūichi minë-eny nö i mat līpöre nômö, hēten tö ranehlö ngih panam, hē cha nö hatīönkö ngam töṙeūla tö ò sin nö kô, lān rö-ö, ngaich yih min.

HEPRĀI 10:38

Ngòh tölöök pöri min nö in chu nö aṅ lökten im ṙinātö ellōnre. Ngaich yĕn hōkhötre anga-aṅ ngaich öt kumchīkūlōn Chu-ö in ò.