HEPRĀI 10:36 - TÖHET LĪPÖRE (Re-edited) Bible (BSI)

³⁶ Öp tö köp öp manöiyö töt ṙanāngen nö in yīö, hòṅ yīö teūngen tö ngam kinlēḵngô, yē yīö ngaich teūngen tö lōn ngam Tēv.

HEPRĀI 10:36 Referans Kwoze

HEPRĀI 12:1

Lökten in ayī-ö inrē, ta-a, ṙā-ngö nup sanānngenre, ngam tökööl inrē tö lööṙen nö havīlen hī, öi meūköre havīlöngö tö tökiröngen taṙul, yip ameū-a, ngaich ta-a inrē, töi fal asōl, ngam insōlö töṙātu nö i kūö hī.

Salmai 37:7

Chēvtöcheich im Mā Tēv, ha-möiyöre inrē, hökken ò: um hakihtenre tökūö ò ngam tökôlò nö el talöököre, kūö ngam tarik inrē töteungtö tī tö nup tötlöök halēnlöre.

1 KÒRIN 13:7

Ṙap tökeuheūttöre; öt ranöingulōn i tökeuheūttöre; meūkkö tökeūttöre: pītnyöre i tökeuheūttöre.

T. LŪKÖS 21:19

Teūngen yin min tö nômöre, ip manöiyö yīö.

HEPRĀI 6:15

Ngatī, pītnyöre nö i manöiyö, teūngen ngaich anga-aṅ tö ngam kinlēḵngô.

RŌMA 2:7

I yip mahamöiyöre i tölöök la-en; nö chöh kanôlò, ineū-euṅ, töt chinhūngu inrē, in cha ngam nômö tö örheūheu aṅ:

INMEUKHÖMAT 14:12

Ihih an ngam manöiyö yip töhet, acha-a yip tököp tö nup chöngö ngam Tēv, ane inrē ngam ṙinātö ellōn in Yēsū.

1 YÔHAN 2:17

Ngaich ngih panam nö chuhngöre nö holtö nup töchōich lōnre: anga-aṅ pöri ngòh töla-evṙen tö lōn ngam Tēv köp nöng örheūheu.

KALATĪ 6:9

Ta-a inrē, ui uhā-en i tölöök vahīṙen: tön ip tölöök ṙētak in min hamūl, yē hī öt cheingö.

T. MËTIV 10:22

Surīkhu yin min tö taṙòkhöre tarik, töpòkūö Minë-eny Chu. Ngòh tököp pöri, nö söl ip manā-aṅ, anga-aṅ min töhayöökaṙen.

KÒLÒSĪ 1:11

Hangëka tö nup tökeuheūttöre kanô-òṅ, pò ngam minhôiṅyö ngam kanôlò Ò, im panītnyö, manöiyö inrē, holtö ṙanāmölōn;

RŌMA 8:25

Yē hī pöri meūkkö ngam töt meukö tö hī, ngaich ayī-ö holtö manöiyöre hökkö e.

HEPRĀI 9:15

Angū-ö an lökten Ò nö aṅ elṙat ngam tufömngöre kinlēḵngô, pòn hōtu ngam kinpaha nö ṙināngö nup tökööl me-elkatòh ngam raneh kinlēḵngô, hòṅ yip töhavëtu nö teūngen tö ngam kinlēḵngô ngam tö örheūheu amin.

KÒLÒSĪ 3:24

Akahalōn tö yīö min teūngen im Mā, tö raneushö aṅ im amin: lök la-en ngam Mā yin Kristū.

HEPRĀI 13:21

Vīten yīö teungten i tökeuheūttöre tölöök, öi la-evṙen tö lōn Ò, vahī-ivṙen nö in hī töp ṙanāmölōn nö i kūö Ò, lökten Yēsū Kristū: kanôlò Ò yēḵ örheūheu. Āmen.

HEPRĀI 6:12

Hòṅ yīö öt ṙahata, asīnken cha pöri yik tö amīnu tö minë kinlēḵngô, lökten i mikah, manöiyö inrē.

EFISÖS 6:6

Un höng tö hòṅ meūkö nö la-evṙen, sā mahaṙamlōn tarik; sā mahalanṙen Kristū pöri, la-evṙen tö lōn ngam Tēv, löknyö ellōn yīö;

RŌMA 12:2

Un asīntöre nö sā ngih panam, harīkngenre pöri yī-ö, i tinfömlö ellōnre, hòṅ yīö hameukten ngam tölöök tö hōḵovö inrē, tö ngam tö teungten inrē lōn ngam Tēv.

T. MËTIV 24:13

Ngòh tö köp pöri nö söl ip manāngen, hayöökaṙen min anga-aṅ.

INMEUKHÖMAT 13:10

Yĕn tarīku lamā im inkövö, chuh im inkövö min anga-aṅ: yĕn tarīku min tö aṅtī tö sanët nö fël, nyahaṅ tö sanët min anga-aṅ nö fëli. In e an ngam manöiyö ane inrē ṙinātö ellōn yip töhet.

1 PĪTÖR 1:9

Teūngen ngaich tö tölngö ngam ṙinātö ellōn yīö, ngam inyööken nômö yīö.

HEPRĀI 6:17

In e ngam Tēv nö hòṅ pōyen tī nö hameukhöti nö i yip tö amīnu tö ngam töt hanṙīken inlēnö aṅ in Ò, lökten Anga-aṅ nö haköpngö nup kinlēḵngôre.

KÒLÒSĪ 4:12

Salāmö yin tö Epafaras, ngam aṅ in yīö, kūön Kristū töhakövö, örheūheu panītnyi nö im vinë-eṅkūötēv töpòkūö yīö, hòṅ yīö teungta sanöklö, ngaich keuheūttöre minkahtölōn i nuplōn ngam Tēv.

INLAHEN 13:22

Ngaich hē Ò nö kēḵngen ò, ha-ūichlen Tāvit ngaich Anga-aṅ, nö rāchakūö cha; ök aheūkö Ò, nö ngö ṙô, I ngòh kūön Yēsī chin kôtökūö tö Tāvit nö tarik tö sā lōn Chu, ngòh tö la-evṙen min tö nup lōn Chu.

T. YÔHAN 7:17

Yĕn tarīkuvö tö hōḵ nö la-ev-ṙen tö lōn Ò; ngaich kô-òren Anga-aṅ nö akahalōn tö ngam inköphöti, yĕn aṅ im Tēv, hēk yĕn ṙô Chu kahngenre.

T. LŪKÖS 8:15

Nup me-el tölöök tumlat, cha-a yip tölöök, tökô-en ellōn, hamang ngam ṙô, haköpngöre ngaich, ip manööyö, ngaich nö ṙônguvö.

T. MËTIV 21:31

Öp yòh öp tö mināṅ tö nët tak töteūngen tö lōn ngam yöng? Ngaich ngö ṙô cha-a, Ngam maṙöinylö. Ngaich ngö ṙô Yēsū tö cha, Tökô-ò ṙô Chin tö yīö, tö vē mahamūl ṙāi kinëhöt chehen, vē tötkôlò kikānö inrē, nö urĕh tö yīö, nö kuhēthötre nö im pūlngö ngam Tēv.

T. MËTIV 12:50

Pòn kahëm Chu, kanānö Chu, yöng Chu inrē kikānö, ngòh töla-evṙen min tö lōn ngam Yöng Chu el halīö-ngö.

T. MËTIV 7:21

Rö-övö yin min nö ṙòkhöre nö kuhēthötre nö im pūlngö ngam halīöngö, vē töngö ṙô tö Chu, ‘Mā Tēv, ‘Mā Tēv,’ höng vē töla-evṙen pöri tö lōn ngam Yöng Chu, aṅ el halīöngö.

Salmai 40:1

Höka chin hamöiyöre im Mā Tēv: ngaich asītöre anga-aṅ nö in chu, hang ṙô chu inrē.

1 TÖSALÒNIKĒ 1:3

Öt ṙākö kanöpölōnre töm la-en yīö aṅ im mikah, ngam vahīken yīö inrē aṅ im mikah, ngam manöiyö inrē aṅ im mineūka, im Mā hī Yēsū Kristū, i kūö ngam Tēv hī, Yöng inrē;

INLAHEN 13:36

Pò Tāvit nö ngaich nö kapah, ngaich holtöṙah yik muvöhngöre, ngaich chahū-uyö; tö kinheūṅten ò nö lök la-en ngam Tēv, ik hē ò.

T. MĀKÖS 3:35

Pòn mëm Chu, kanānö Chu, yöng Chu kikānö inrē, ngòh töla-evṙen tö lōn ngam Tēv,

RŌMA 12:12

Ṙāmölōn im mineūka; möi im kanihngen; iṙuöhen köp im vinë-eṅkūötēv;

HEPRĀI 11:39

Ngaich cha-a vē nö ṙòkhöre, nö lökten i ṙinātö ellōn, nö kētö inmeuktö, öl nö teūngen tö ngam kinlēḵngô.