HEPRĀI 10:34 - TÖHET LĪPÖRE (Re-edited) Bible (BSI)

³⁴ Sā yīö hĕnghöre aṙē-ĕlōn tö cha yip tö hakövö, ngaich ṙāmölōn öi kēḵ inyëḵngen nup amin yīö, kūö mikahlōnre töre öi amīnu töp tö hönlöre tö köp inrē.

HEPRĀI 10:34 Referans Kwoze

1 PĪTÖR 1:4

Nö im amin töt chahū-uyö, töt hamūmiyö inrē, töt chōichngöre inrē, hinöngken yīö el halīöngö.

2 TIMÒTĪ 1:16

Kētö neūkölōn an yēḵ ngam Mā nö i patī Ònīsifòres: pòn ṙōlheuh anga-aṅ nö ha-aṅlen chu, ngaich rö-ö nö sirōngkūö tö inlöökö chu;

YĀKÖP 1:2

Kahōlö; ṙanāmölōn an yĕh, tö lōn yīö, yē yīö fukngö i nup töṙōlkangen kanihngen:

HEPRĀI 13:3

Köpölōn tö yip töhakövö, sā tö halöki hol cha: cha-a yip tötlēkaṙen, sā mī-im alaha cha inrē tölōnre.

EFISÖS 6:20

Chu-ö, tanīnöṙô pòkūö e öich halöki. Vë-elkui chu, hòṅ chu öt pinhë-eṅvkūö in e, öich ṙô-òv, sā hinôtö chu.

T. LŪKÖS 12:33

Havahngö nup chehenre yin, ngaich alōnhöti; ngaich meukṙenre tö chūök rupīöre tö ap töthōḵ nö hōteh nö chehen, tötkinheūṅtuvö, aṅ el halīöngö, i chūök mu-ulāyö nö öt haröhtöre, ötrēhĕn maneui nö kat.

1 YÔHAN 3:2

Kahōlö; ngaich in töngamuh kūön ngam Tēv; öl an nö hameuktu, ngam insā hī min. Akahalōn pöri ayī-ö yē Ò min nö hameuktu, ngaich sā Ò ayī-ö; pô hī min meūkan, nö sāre.

HEPRĀI 11:16

Ngaich pöri cha-a tö ngamuh nö lōn tö öp töngö-al panam, ngam aṅ el halīöngö: lökten ngam Tēv nö öt sirōngkūö tö cha, nö Tēv cha invëka: pòn halēnken tö hĕng Anga-aṅ elpanam cha.

1 TIMÒTĪ 6:19

Hachūökngö hanöngre nö el sök, nö tö köp nö rööntö machööḵlö, hanöng öp yamih ṙētak, hòṅ cha nö kiṙapngötīre nö im nömô, ngam nômö nö kô-en.

KÒLÒSĪ 1:5

Ngaich yin hāngö e, lökten i ṙô ngam tölöök inhānga kanô-en;

FILIPĪ 1:7

Töhuveū-en an angū-ö nö in chu, öich ngatī lōn tö yīö ṙòkhöre, pò yīö ellōn chu; i nyinëkö chu, ane inrē i linaklö, inköpngö ngam tölöök inhānga; ṙòkhöre yin yī-ö hamòl chu, im inlōnti aṅ im Tēv.

EFISÖS 4:1

Lökten chin chu-ö, tökē-ĕ töpôkūö ngam Mā, vë-ekūö yīö, öi löökö inlaha, lök im invëkö yīö, ngam invëkö yīö ngaich.

EFISÖS 3:1

Angū-ö an lökten chu chu-ö Pôl, öich tökē-ĕ tö Kristū Yēsū, pòkūö yīö yī-ö Tahëng mihëṅṙö,

INLAHEN 21:33

Yihtöre ngaich ök yöngkūö kumyung, nö haröhtöre, ngaich kē-ĕ Pôl, ngaich hōten ò nö nëtö nyanëk tö sayōk; ngaich hatöntöre tö ò, tö fālen ò inrē.

INLAHEN 5:41

Kiröönngöre yik tanīnöṙô nö ṙā-ang i kūö yik kamhôṅka; ṙāmölōn töre nö halöngtuṙen nö sumrōngikūö tökūö ngam Mine-eny;

T. LŪKÖS 10:42

Hĕngtöre öp tö hòṅ in meh; ngaich an Mariā nö kēḵ ngam tölöök lā-a, ngam tötkanëḵngen min nö in ò.

T. MËTIV 19:21

Ngaich ngö ṙô Yēsū tö ò, Yē meh hòṅ teungten; kuṙòh, kirööngöre man; inyihngö nup inlānenre, ngaich alōntö yāich; ngaich me-eṅ mīnö el halīöngö kanôlò; ngaich ta-a tömrit Chu inrē.

2 TIMÒTĪ 2:9

Ngam chūök chu kihngen i inkövö, sā tötlöökö la-en, hö-ö pöri ngam ṙô ngam Tēv nö hakövö.

2 KÒRIN 5:1

Pò hī akahalōn, yē ngam patī ngam alaha hī aṅ el tumlat nö payāiyi, ngaich patī-iv ayī-ö tö aṅ im Tēv, öt vahī kuntī nö patī, töt chanūhuvṙen, nö el halīöngö:

INLAHEN 28:20

Angū-ö an lökten chu havëten yīö, pò chu hòṅ meukkūö yīö, ve-ekūö yīö inrē. Pò chu kūö ngih maheūṅkkö Israĕl, öich nyëkö tö ngih sayōk.

2 TIMÒTĪ 4:8

Töngamuhöten ap sapīöv lanöökö nö ṙātu hinöngken chu, tökētu min tö ngam Mā nö in chu ip sakāmö angū-ö; ngam töt atöltuṙen kamhôṅka; öt höng chū-ö, tön ṙòkhöre cha-a inrē, yip tö hāngenlōn ip mineūkö Ò.

T. LŪKÖS 9:25

Asuh ap öre kanôlò ngòh tarik, yē ò nö teūngen töng taṙòkhöre panam; ngaich pöri nö ötteūngen tö nômöre, nö ötinkôlò?

HEPRĀI 9:15

Angū-ö an lökten Ò nö aṅ elṙat ngam tufömngöre kinlēḵngô, pòn hōtu ngam kinpaha nö ṙināngö nup tökööl me-elkatòh ngam raneh kinlēḵngô, hòṅ yip töhavëtu nö teūngen tö ngam kinlēḵngô ngam tö örheūheu amin.

HEPRĀI 13:14

Tön rö-ö in ihih elpanāmu tö tököp, chöh öp el panam pöri ayī-ö öp yamih min.

Mumkahten 3:6

Ṙētakvö chöh, ṙētakvö inrē chatngentī; ṙētakvö halinhangen, ṙētakvö inrē kavalhanga;