HEPRĀI 10:29 - TÖHET LĪPÖRE (Re-edited) Bible (BSI)

²⁹ Iṙôkhöl öt inkôlò min, tö lōn yīö, anga-aṅ, ngam ramööntö kui ngam Kūön ngam Tēv nö elröönre ngaich inrē nö kaheuktö ngam mahām ngam kinlēḵngô nö töthet, ngam löktö ò nö ahetlöngö, ngaich miyëḵṙen inrē tö ngam Töhet Fanöinylö inlōntö?

HEPRĀI 10:29 Referans Kwoze

HEPRĀI 6:6

Ngaich pitūḵngöre, ötkô cha-a nö tumfömlöngö nö hēk nö im invöölö ellōn; pò cha nö harātö ngam Kūön ngam Tēv nö tumfömlö tīre nö in re, lingānyen Ò ngaich nö im sinrōngkūö.

EFISÖS 4:30

Un miṙīvilōn ngam Töhet Fanöinylö ngam Tēv; tön Anga-aṅ An mumkahngen yīö hanöng saha ngam sakāmö ṙinānyö.

Isayā 63:10

Ahôngen ò pöri cha-a miṙivngölōn ngam Töhet Fanöinylö ò inrē; lökten ò nö vītöre nö lā-al cha, kôten inrē anga-aṅ nö lā-al cha.

1 KÒRIN 11:27

Yē ngòh nyamā ngam ròtī, òk aṅ ngam kulah ngam Mā, nö öt milēḵṙen, köölö fālen anga-aṅ ngaich nö im Alaha Mahām ngam Mā inrē.

T. LŪKÖS 12:10

Ngòh töchōchö ṙô min nö i ngòh Kūön Tarik, aṙēlöng min anga-aṅ tö e; ngòh töt lamëḵkôre nö im Töhet Fanöinylö öt aṙēlöng min anga-aṅ tö e.

HEPRĀI 2:3

Sitih öt kanô-òngvah öi min ayī-ö, yē hī öt kūöngenre tö töngatī ṙôken inyööken? Nuk tö ngaich nö urĕh sin misī nö lökten im Mā, nö ṙônyu ngaich hameuktu nö kô-en nö in hī tö cha yip hamang.

INLAHEN 7:51

Yī-ö tökehe likeun, töt tunyīnyi ellōn, elnang inrē; höng örheūheu yin sōḵo ngam Töhet Fanöinylö. Sā yik muvöhngö yīö misī, ngatī yī-ö.

HEPRĀI 12:25

Meūkö e yin, ui sōḵen ngam tö takaka ṙô. Pò cha, yē cha nö kôḵòngvah, hē cha nö sōḵ tö ò, ngam mahatūitö elnang cha nö ing panam, kôḵòngvah min ayī-ö öi möthë, öi mahavööngö kūöre tö Ò ngam mahatūinyôre nö ṙā-ang elhalīöngö:

HEPRĀI 9:13

Yē nup mahām pököre, nuā inrē, nup tisum kan nuā inrē, nö piṙōngö nö ikui cha, yip tökuvīö, nö ahetlö, i tölngö inlahen cha nö ahetlöre;

1 KÒRIN 11:29

Pò ò anga-aṅ nyamā, òk inrē, nyā, òk öt inkôlòre inrē, yē ò nö ötakah ngam Alaha ngam Mā.

HEPRĀI 6:4

I inlahen cha yip tö ngaich nö hĕng heuh inhatlö elmat, tö ngaich nö kalahlöngkūö tö aṅ elhalīöngö inlōnti, vītu inrē nö hamòl ngam Töhet Fanöinylö,

HEPRĀI 2:11

Pò cha nyöre tö ngam ma-ahethölö, tö cha inrē yip tö ahetlöngö nö ṙòkhöre no hĕng; angū-ö an lökten Ò nö öt sirōngkūö nö kisānuvö ṙô tö cha,

T. YÔHAN 17:19

Pò kūö cha Chin ahetlöre, hòṅ cha cha-a inrē nö ahetlöngö, nö im kanô-en.

T. MËTIV 7:6

“Un kēḵtu ap töhet nö i am: un rēhĕn nö kavaltu nö i kūö ha-un nup töpōiṙāi tasëhe; hòṅ u nö öt rööntökui u, ngaich havöölökūöre, nö kāpö meh.

SAKARIĀ 12:10

Ngaich chū-ö min ṙöstö kui ngam patī Tāvit, ṙöstö kui yip aṅ Yērusalem inrē tö ngam ma-alaha inkôlò vine-elkui inrē; ngaich cha-a min nö hatīönkö kūö ò öp tösāpi tö cha: ngaich cha-a min nö haṙivhen ò, sā öp töhaṙivlōn töp töng hĕng maneuk kūön re kikōnyö, ngaich min inrē nö kiröngö miṙivlōn tö ò, sā kinröngö miṙivlōn tö lanòhre.

HEPRĀI 13:20

Ngam Tēv lanāmö an töngamuh, ngam mahavanlö ngam yöng tökiröng Yōm pököre nö ṙā-ang i yip tökapah, nö holtö mahām ngam tö-örheūheu kinlēḵngô, ngam Mā hī Yēsū.

T. YÔHAN 10:36

Ngö ṙô yī-ö tö Ò, ngam ahetlö ngam Yöng, ngaich tīntu nö ing panam, Ötlēkôre Mana; pò Chu ngö ṙô, Kūön ngam Tēv Chin Chū-ö?

MAIKA 7:10

Ngaich meūkö e min ngam tökunyaha elmat tö chu, ngaich öp sinrōngkūö min nö hanyatngen ò; ök tö ngö ṙô tö chu, Isuh ap mā Tēv ap Tēv meh? Hatīöken ò min në mat chu; ngaich an min tö ngamuh nö rööntu kui sā tilin el talöökö.

Isayā 14:19

Ngaich pöri me-eṅ marôvat kavāliyö öm ṙā-ang im kui kupah re sā pak sin-òkkūö, inyut töfëli, öp tösāpiyö tö sanët, yik mameutti nö lātaṙeū nö i nup ihong el Anūlö; sā alaha kupah törööntukui.

2 RĀCHA 9:33

Ngö ṙô ngaich anga-aṅ, Sukten ò, Lökten cha-a nö sukten ò, ngaich rahëichyen nuk mahām ò tökachenyköti nö i kaha kinlōngö, i nup kōra inrē: ngaich lök kui ò anga-aṅ nö rööntö kui ò.

HEPRĀI 9:20

Nö ngö ṙô, Ngih ön mahām ngam inlēnngen, ngam hachöngten ngam Tēv, nö in yīö.

1 KÒRIN 15:25

Pòn Anga-aṅ mahayöng, hanöngsaha tī Ò nö rööntökui yip tö kunyaha elmat tö Ò.

RŌMA 16:20

Ngaich ngam Tēv lanāmen min nö paṙôkö tī tö Sātān, nö elröön yīö, öt ṙôktörevö. In yīö an yēḵ ngam inlōnti aṅ im Mā hī Yēsū Kristū.

T. MËTIV 26:28

Ṙòkhörekūö yin ôkö e; tön mahām Chu an nö kinlēḵngô, tö kitaktu töpòkūö tömaṙôngö, nö inṙē-ĕl tökööl.

INRĀMÖRE 1:15

Hayëḵngen yip tökalēḵ tarik chu an ngam Mā nö ṙòkhöre nö harònglö tīre nö in chu; havëtö manūlö an nö lā-al chu nö kirāchngö yip ṙālö tarik chu; ngaich yik rēlö kikānö kūön Yūtā nö röönö tö ngam Mā nö el chūök kinrān vāin.

Isayā 28:3

Rööntu kui min tö elröön öp sapīöv inkeūlen yip mihiyōi-aṅ aṅ Ifrēm:

Salmai 143:10

Haköpten chu öich lök lōn Meh; tön Me-eṅ Man Tēv chu: hökngen ngam fanöinylö nö hachōkūö chu, im panam tö ṙā-akūö.

1 KÒRIN 15:27

Pò në tökeuheūttöre nö ngaich nö kĕhötvö nö elkatòh Ò, ngaich yē Ò nö ngö ṙô, Elkatòh Ò nup tökkeuheūttöre nö kētötvö, inmeukhöti tö Ò nö öt hamūltö, ngam kamëḵhöt taṙòkhöre nö elkatòh Ò.

ISIKĪ-ĔL 16:6

Ngaich hē chu chööḵngen meh, ngaich meūkö meh höng palöna i mahām re, ngö ṙô chū-ö ngaich tö meh öm i mahām re, Aṅ man,

YERIMIĀ 1:5

Akahakūö chin tö meh urēhĕkūö ti chu vī-i meh el chūök kanūönö, urēhĕkūö finötnyö meh chū-ö inrē ahetlen meh; vīlen meh chū-ö ngaich pròfĕt vē pumnāmö tarik.

Salmai 91:13

Lök i kui lāyöm man min, pēch inrē: ngaich Me-eṅ min rööntö kui ngam ṙālö lāyön, tö ngam pēch inrē nö elröön Meh.

MANEUTNYI 24:8

Ngaich Môsös nö kēḵ ök mahām ngaich kichenytö e nö i kui yik tarik, nö ngö ṙô, Yĕh meuk ngam mahām ngam kinlēḵngô, ngam kinlēḵngô ngam Mā Tēv nö in yīö tö inlahen në ṙô nö ṙòkhöre.

TANĪ-ĔL 8:13

Ngaich chū-ö hangṙô ök töhĕng tak töhet nö ṙô-òvö; ngaich ök tahëng töhet nö gö ṙô tö ök töhĕng tak töṙô-òvö, Tö irô-òten öng ngam tömeūkö innlahen ngam tötheumköre töföngö tökētu, ngam tökööl vamīten töhatngö, ane inrē kinëngö ngam töhet chūök tö më tömaṙôngö nö rööntu kui tö elröön?

T. MĀKÖS 7:2

Ngaich rēvre maheuṅk cha-a tö yik haköptö Ò nö nyā, nöng öt halööklöre nöng öt söichlö eltīre.

1 KÒRIN 6:11

Ngatī yip misī rēvre in yīö: ngaich pöri yī-ö söichö, ngaich pöri yī-ö ahetlöngö, ngaich pöri yīö halööklöngö i mine-eny ngam Mā Yēsū Kristū, im Töhet Fanöinylö ngam Tēv hī inrē.

EFISÖS 5:26

Pòn hòṅ ahetlö e, ngaich nö ahëtö e nö husöich tö ngam mak holtö ngam ṙô,

HEPRĀI 4:14

Inu in ngaich tö tökiröng mākūö kūönṙô, tö kôḵlö ngaich nö el minë halīöngö, Yēsū ngam Tēv.

HEPRĀI 10:10

Lökten e, angū-ö lōn, ayī-ö ngaich ahetlöngö, i kinëtö ngam alaha Yēsū Kristū, nöng hĕng heuh öt hēk.

INMEUKHÖMAT 1:5

Ṙā-ang in Yēsū Kristū inrē, ngam tökô-en ameū-a, ngam lanòh kupah, ane inrē mahayöng yip rācha kūö panam. In Ò ngam töhāngenlōn tö hī, ngaich luhnyen hī ṙā-ang i nup tökööl hī, lökten i mahām Ò;