HEPRĀI 10:27 - TÖHET LĪPÖRE (Re-edited) Bible (BSI)

²⁷ Höng öp pinhe-eṅkūö tömeūkka im kinṙôka, öp töhūkūö tameūyö inrē inṙāpngö yip tökunyahaṅ elmat tö ngam Tēv.

HEPRĀI 10:27 Referans Kwoze

Isayā 26:11

Mā Tēv chônghaka an ngam kël meh, sönngenre cha-a nö öt meuk: meuk ngam kumlēḵlōn meh pöri min cha-a nö in yip tarik, ngaich sirōngngöre kūö; hôṅ, ṙāpngö kūö an min ngam tameūyö tö yip lā-al meh.

HEPRĀI 2:3

Sitih öt kanô-òngvah öi min ayī-ö, yē hī öt kūöngenre tö töngatī ṙôken inyööken? Nuk tö ngaich nö urĕh sin misī nö lökten im Mā, nö ṙônyu ngaich hameuktu nö kô-en nö in hī tö cha yip hamang.

SEFAINIĀ 1:18

Öt rēhĕn rupīö cha min nö kô nö ṙānyen cha öt rēhĕn humlum cha inrē ip sakāmö lanīnö ngam Mā Tēv: keuheūtngöre vah pöri min ngam panam nö ṙāpngö tökūö tameūyö kumlēḵlōn ò: pò ò min nö keuheūtngen e, hôṅ, veūtö kinheūtngen an, yip mī-iyöng impanam nö ṙòkhöre.

INMEUKHÖMAT 20:15

Yĕn hĕng tak öp töt kôti nö kūichi nö i mat ngam līpöre nômö, suktu ngaich anga-aṅ nö el öp tötöh tameūyö.

HEPRĀI 12:25

Meūkö e yin, ui sōḵen ngam tö takaka ṙô. Pò cha, yē cha nö kôḵòngvah, hē cha nö sōḵ tö ò, ngam mahatūitö elnang cha nö ing panam, kôḵòngvah min ayī-ö öi möthë, öi mahavööngö kūöre tö Ò ngam mahatūinyôre nö ṙā-ang elhalīöngö:

HEPRĀI 9:27

Sā ngih nö ngaich nö hachöngtuṙen, tö tarik nöng hĕng heuh kinpaha; unôichrit e ngam kinṙôka.

T. MËTIV 13:50

Ngaich kavalngen cha nö i kūö öp töhūkūö tameūyö. In e min cha-a nöng peuiny, kap kui kanapre inrē.

T. MËTIV 8:29

Ngaich hūḵ-a cha-a nö ngö ṙô, “Asuh ap lōn Meh in ai? Me-eṅ kūön ngam Tēv, Yih Öm ihih öthakôlò ai, urēhĕkūö ngam ṙētak?”

NAHOM 1:2

Tölīn an ngam Mā Tēv, ngam Tēv, mahavahal an inrē; mahavahal an ngam Mā Tēv tööḵngen tö lanīnö inrē; kēḵ invahlö an ngam Mā Tēv nö in yip lā-al ò, höngken lanīnö an nö in yip tökunyaha elmat tö ò.

YĀKÖP 5:3

Yëichngö nun minë humlum yīö, minë rupīö yīö inrē; ngaich nup yëich u min nö minkahngö fālen yīö, ngaich kāngö minë alaha yīö nö sā kūö tameūyö. Hamūllö nup kanôlòre yin ngaich söl i manā-aṅ sakāmö.

HEPRĀI 12:29

Tön tameūyö an ngam Tēv nö töṙāpngökūö.

T. MËTIV 25:41

Ngaich ngö ṙô min Anga-aṅ tö cha, yip latavē Ò, kē-ĕngre yin, ṙā-ang in Chu, yī-ö tötkôlò, el ngam tötnyangngö tameūyö, tö halēnkaṙen tö pòkūö ngam sī-ö, yip ma-ahānga ò inrē.

T. MËTIV 13:42

In e cha-a min nöng peuiny, kap kui kanapre inrē.

T. MËTIV 3:12

Eltī Ò ap haneui; ngaich Anga-aṅ min nö ahetlö el ap chūök sāiny. Ngaich hamūl nup sāiny nö el chūökre; föngngö nup uk nëlö pöri min Anga-aṅ, nö i kūö töt nyangngö tameūiyö.”

T. MËTIV 3:10

Ngaich an ngam hanīöng nö ṙātu nö i rööntö nup chōn ṙòkngöre nup chōn tötṙôngu tö tölöök nö kūöltu, ngaich kavalhötvö nö i kūö tameūyö.

MALAKI 4:1

Yĕh meuk, tö ngam sakāmö nö yih, hūkūö an sā hanūkūö tökiröng tameūyö; ngaich ṙòkhöre yip mahakeūlenre, ṙòkhöre inrē töla-evṙen tö tötlöök, min nö sā kaṙālö afō: ngaich ngam sakāmö ngam yamih min nö föngngen cha, ṙô ngam Mā Tēv yip tömaṙôngö, ngaich öt ṙahātu angū-ö min nö in cha öt rēhĕn ṙĕh öt rēhĕn pak.

SEFAINIĀ 3:8

Lökten yin hökken chu, ṙô ngam Mā Tēv,hanöng saha ngam sakāmö chu chōholre i nup nyā-aṅkūö; pò ngam kumlēḵlōn chu hamūl pumnāmö tarik, hòṅ chu hamūl në pūlngö, öich vōktö kui u tö ngam lanīnöre, në tökiröng tanānyö chu; pòn ṙòkngöre vah min ngih tumlat nö ṙāpngö tökūö tameūyö öp kumnyahlōn chu.

YŌ-ĔL 2:30

Hameuktö pinngangkūö chin min el halīöngö el tumlat inrē, mahām, tameūyö öp tö tafūna lul inrē.

HŌSĪ 10:8

Nup lātulöng chūökö inrē i Aven; ngam tökööl in Israel, piyāyi min: töchökhu, töchökhu rōi inrē, sīöplö min nö i kui nup tahāklö cha; ngaich cha-a min nö ngö ṙô tö minë rôngö, Kahul tö kui ih; tö minë rung inrē, Afuk kui ih.

TANĪ-ĔL 5:6

Lunyīṙö elmat ngaich ök rācha nö haṙī-ingre, ngaich nuk chanöh ellōn ò nö pinhëṅtökūö ò; ngaich anga-aṅ nö öt kalē-en, ponghen höö inrē nuk kinmônö ò.

ISIKĪ-ĔL 38:19

Pò chu im kumnyahlōnre ane inrē i hanūlö lanīnö chu öich ṙô-òv, ip sakāmö angū-ö öp yöng kinyīna i panam Israel;

ISIKĪ-ĔL 36:5

Lökten an ngam Mā Tēv nö ngö ṙô; I ṙanāchö kumnyahlōnre chin ṙô-òv i në pumnāmö tarik i Ētöm inrē nö ṙòkhöre ngam kamë-eṅkūöre tö ngam panamchu nö amin cha nö holtö ṙanāmölōnre miyëṙôre inrē, pòcha nö hòṅ hayōmö e kil nup aṅ e inrē.

YERIMIĀ 4:4

Tunyiny ngöre man im Mā Tēv, kēngö öp laneūichlökūö nö ṙā-ang ellōn meh, Ō me-eṅ tarik Yūtā aṅ Yērusalem inrē; hòṅ ngam lanīnö chu nö öt sā tameūyö nö hūlökūö, ngaich öktikūö min ngaich nöng öt mahanyangngukūö, tökūö nup tötlöök la-en yīö.

Isayā 33:14

Pa-ekūö yip tököölö fālen i Sīyôn; rötlö yip töt tēv tö kinchëyöre. Achīö öp in hī min mi-iyöng el kūö ngam tameūyö töṙāpngö kūö? Achīö ap in hī min mi-iyöng el ngam tötnyangngö hanūṙökūö?

Salmai 21:9

Vīten cha man min nö sā töhūkūö tameūyö ip hē meh öm līn: ngeūktu yip min nö im lanīnö meh, ngaich ngam tameūyö min nö ṙāp-ngökūö tö cha.

I. CHÖNGÖ 32:43

Ṙāmölōn, Ō yī-ö pumnāmö tarik, hol vē tarik ò: pò ò min nö havahalvah mahām yip tarik ò, ngaich kētö invahalvah nö i yip lā-al ò, ngaich vītö inlām tökööl yip tarik ò, im panam ò.

KINṘEŪKÖ 16:35

Ngaich ök tameūyö nö teung ṙamā-ang im Mā Tēv, ngaich haṙāpngö yik tö nëtòng taneui anāi tarik kamëtö lôpān.

T. LŪKÖS 23:30

Ngaich cha-a min nö ngö ṙô tö minë rôngö, Afukkui ih; tö minë rung inrē. Hayunngen ih.

T. LŪKÖS 21:26

Kūö pinheṅ-eṅkūöre min tarik nö aheuk; ane inrē kūö mineūkkö nup yamih nö ing panam, pò minë kanôlò ngam halīöngö min nö kayīna.

T. LŪKÖS 19:27

Më tökunyahaṅelmat pöri tö chu, më tö sōḵ nö hayöngö tö chu, kēten cha ihih; fëlngen cha nö i kūö chu.

T. LŪKÖS 16:24

Ngaich have-a anga-aṅ nö ngö ṙô, Kayöngö; Aprahām, aheūkölōn tö chu; tīnten Lāsörös, hòṅ ò nö kasumtökūö kuntīre nö el mak, nö mufov ngih litāk chu, tön ötkôlò chin i kūö ngih tameūyö.

1 SAMUĔL 2:25

Yĕn hĕng tak öp tarik tököölö fālen nö ip tahëng, kahòkkaṙen min anga-aṅ tö ngam Tēv: yĕn hĕng tak pöri tarik tököölö fālen nö im Mā Tēv, chīö ap min vamë-elkui ò? Hö-ö pöri cha-a nö hang ṙô ök yöngre, pò ngam Mā Tēv nö hòṅ fëlngen cha.

T. YÔHAN 5:29

Yip tölöökö la-en ngaich im invanlö nômö; yip tötlöökö la-en pöri, im invanlö kinṙôka.