HEPRĀI 10:26 - TÖHET LĪPÖRE (Re-edited) Bible (BSI)

²⁶ Pò hī yē hī tölngenre köölö fālen, unôichritre teūngen tö ngam inkaha aṅ im kanô-en, öt ōtre ngaich tökētu tö kūö tökööl,

HEPRĀI 10:26 Referans Kwoze

T. YÔHAN 9:41

Ngaich ngö ṙô Yēsū tö cha, Öt inu yin öre tö tökööl, yē yīö öt meuk. Ngö ṙô pöri yī-ö töngamuh; Meuk in; ngaich höngngòh ngam tökööl yīö.

T. LŪKÖS 12:47

Ngaich ngòh kūön, ngòh tö-akahalōn tö lōn ap yöngre, ngan rö-ö nö halēna, ötrēhĕn nö la-evṙen nö sā lōn ò, anga-aṅ min tö ṙōlhöt finôhò.

YĀKÖP 4:17

Ngòh tö-akahalōn tö tölöök vahīṙenre, ngaich rö-ö nö vīken e, in ò an angū-ö tökööl.

1 YÔHAN 5:16

Yĕn tarīku mameuk ngam holre nö köölö fālen, tö ngam töt mī-im kinpaha tökööl, havë-a Anga-aṅ, ngaich ngam Tēv min nö kē-ĕkūö Ò tö nômö cha, yip töt köölö fālen tö ngam mī-im kinpaha. Mī-im kinpaha ap umuh tökööl: rö-ö nö angu-ö havëkö ò tö ṙô chu.

2 TÖSALÒNIKĒ 2:10

Nö holtö nup taṙòkhöre inchīlö, aṅ im michūṙen nö in cha yip tökeuheūtngöre nö ötkôlò, pò cha nö öt kēḵ ngam hanāngenlōn aṅ im kanô-en, hòṅ cha öre nö hayöökaṙen.

T. YÔHAN 13:17

Akahalōn yin yih ngaich tö u; tökôlò yin, yē yīö la-evṙen tö u.

1 TIMÒTĪ 1:13

Pòrô öich lā-urĕh sin töt lamëkôre, töt mahakôlò, töchökhuṙen inrē: teūngen pöri chu-ö tö neūkölōn pò chu ngatī tī tö e i öt mikahre, öt ṙinātö ellōn inrē;

I. CHÖNGÖ 17:12

Ngaich, öp tarik öp tamölngenre kūönṙô, nö öt hang ṙô öp tösökhak nö meukṙen nö i kūö ngam Tēv meh ngam Mā Tēv, hēk ip ma-akah fālen, kumpaha min ngam tarik anga-aṅ: ngaich më-eṅ min kavalngö ngam tötlöök in Israĕl.

LA-EN LĒVĪ 4:2

Vë-ekūö yip kūön Israĕl, ngö ṙô, Yĕn hĕng tak min tö-amahaiṙen nö köölö fālen, nö i nup tö sōḵtu tö ngam Mā Tēv, ngaich hēngö lahök nö in u;

LA-EN LĒVĪ 4:13

Yē yip ṙôngö Israĕl min nö ṙòkhöre nö köölö fālen, ngaich angū-ö nö öt meūkö tö yip tömaṙôngö, ngaich acha-a nö kēken nup sinôtöre tö ngam Mā Tēv, ngaich fāluṙen.

1 SAMUĔL 2:25

Yĕn hĕng tak öp tarik tököölö fālen nö ip tahëng, kahòkkaṙen min anga-aṅ tö ngam Tēv: yĕn hĕng tak pöri tarik tököölö fālen nö im Mā Tēv, chīö ap min vamë-elkui ò? Hö-ö pöri cha-a nö hang ṙô ök yöngre, pò ngam Mā Tēv nö hòṅ fëlngen cha.

1 TIMÒTĪ 2:4

Ngam hamôtö taṙòkhöre nö hayöökaṙen, yih inrē nö im inkaha kanô-en.