HEPRĀI 10:23 - TÖHET LĪPÖRE (Re-edited) Bible (BSI)

²³ Ta-a, töi haköpngöre im vinënyö ngam mineūka, öi öthanlöinyken; tön tökô-en An ngam kumlēḵngôre.

HEPRĀI 10:23 Referans Kwoze

1 TÖSALÒNIKĒ 5:24

Tökô-en An ngam mahavëten yīö, ngam tö tī-iv min inrē tö e.

1 KÒRIN 1:9

Tökô-en an ngam Tēv, ngam talöökö yīö havëtu im innôlö ngam Kūön Ò, Mā hī, Yēsū Kristū.

2 TÖSALÒNIKĒ 3:3

Tökô-en pöri ngam Mā, ngam mahaköpö yīö min, laklen yīö min inrē töm tötlöök.

HEPRĀI 6:18

Hòn lökten minë tö nët töthanṙīken, in u ngam Tēv nö öthōḵ nö minyôinyaṅ, Īnu ayī-ö tö tökalēḵ inruhul alaha, öi ma-afalkö innyatlöre öi ṙaptö tīre im mineūka tö ṙātu nö i kūö hī,

TAITÖS 1:2

I mineūkkö ngam tö örheūheu-aṅ nômö, ngam ṙô ngam Tēv nö kilēḵngôre misī töt chanūhuvṙen;

HEPRĀI 3:6

Sā kūön pöri Kristū nö im patī ngam Tēv, ngam tö patī-ivö tö hī, yē hī haköptīre tö öt pinyū-uṙô im ineū-euṅ, ngam maheūṅkkö hī inrē, nö köp söl ip manā-aṅ.

1 KÒRIN 10:13

Öt kinlahavö yin töp tö möthë tö kanô-òṅ tarik. Tökô-en pöri ngam Tēv, ngam töt hō nö halöngten yīö, mötlö kinlaha, tö kanô-òṅ yīö; hē ngam kinlaha min Anga-aṅ nö vītö talöökö öt kanô-òngvah, hòṅ yīö kalēḵ keūnö e.

INMEUKHÖMAT 3:11

Yih chin ka-euitö yihih: köptī man tö nup mi-in re nö ngaich, hòn öt hĕng tak kamëḵ ngam sapīöv meh.

YĀKÖP 1:6

Hökngen ò pöri yēḵ nö havë-a, nö hayönglenre, un katöngalōn; pò ngòh tökatöngalōn nö sā mahūṅvö mai, töfööṙi tö kuföt, nöng halöinyka.

HEPRĀI 11:11

Lökten i ṙinātö ellōn ang Sërah nö kētu kumlēḵ nö pirūkö nyīö, hē ò nö ngaich nö chööḵngö ṙētöre, pò ò nö akahalōn tö Ò nö kô-en, ngam kumlēḵngôre:

HEPRĀI 4:14

Inu in ngaich tö tökiröng mākūö kūönṙô, tö kôḵlö ngaich nö el minë halīöngö, Yēsū ngam Tēv.

HEPRĀI 3:14

Tön hamòlkūöre in tö Kristū, yĕi köptī tö ngam raneh inyönglen hī, öi kiṙapngö tīre söl ip manā-aṅ:

Salmai 26:1

Ō Mā Tēv, akaha chu, tön lök ing lanënöre chin: tökatöngaṙen chin hayönglenre im Mā Tēv.

INRĀMÖRE 3:23

Kaheuk peuheū nup tufömngöre; kiröng an ngam kanô-en meh.

2 KÒRIN 9:13

Ngaich cha-a nö hapōilö ngam Tēv i inmeuktö ngih mineukṙen nö öt inhôngen inlööknyô yīö, tö ngam inhangkö Kristū, ngam kanô-en ellōn yīö inrē nö tī-iv nö in cha i taṙòkhöre inrē;

HEPRĀI 3:1

Töhet kahōlö, hamòl im invëkö aṅ el halīöngö lökten ngëichken ngam tanīnöṙô ngam mākūö kūönṙô, ṙinātö ellōn hī inrē, Ang Yēsū;