HEPRĀI 10:22 - TÖHET LĪPÖRE (Re-edited) Bible (BSI)

²² Ta-a, töi ṙūöhtöre, holtö tökô-en ellōn, i inkahngen töm mikah; kichënyö nup ellōn hī, inhôngö nup tötlöök kui lōn; söichö inrē në alaha hī tö töhet mak.

HEPRĀI 10:22 Referans Kwoze

ISIKĪ-ĔL 36:25

Kicheny kui yīö chin min tö töhet mak, ngaich yī-ö min het ṙā-ang i nup ö hanëtö yīö, ṙā-ang i nup insātēv yīö chin min inrē ahetlen yīö.

T. YÔHAN 3:5

Ngaich ngö ṙô Yēsū, nö sapṙô ò, Tökô-ò ṙô Chin tö meh, yē ngòh tarik nö öt fötnyu tö ngam mak, ngam {Töhet} Fanöinylö inrē, öt kô min anga-aṅ nö kuhēthötre nö im pūlngö ngam Tēv.

1 PĪTÖR 3:21

Ngam mahayööken yīö inrē nö sā ngam tökô-en insā, angū-ö ngam vinôkö, öt sinöichngö mum alaha, tön ngam intönkö tölöök kuilōn lā im Tēv, lökten i invanlö Yēsū Kristū:

EFISÖS 5:26

Pòn hòṅ ahetlö e, ngaich nö ahëtö e nö husöich tö ngam mak holtö ngam ṙô,

1 KÒRIN 6:11

Ngatī yip misī rēvre in yīö: ngaich pöri yī-ö söichö, ngaich pöri yī-ö ahetlöngö, ngaich pöri yīö halööklöngö i mine-eny ngam Mā Yēsū Kristū, im Töhet Fanöinylö ngam Tēv hī inrē.

HEPRĀI 7:19

(Pò ngam chöngö nö öt vahītuṙen tö töteungten) ane inrē kumtö öp tö ēhten mineūka nö in e, ngam löktö hī ṙūöhtöre im Tēv.

2 KÒRIN 7:1

Kahōlö, ngaich in īnu tö në kinlēḵngô, lökten ta-a töi halööktö nup chanôichö ngam alaha, ma-alaha inrē, hateungtö ngam hanëtö i pinhë-eṅkūö töm Tēv.

HEPRĀI 4:16

Ta-a lökten töi ṙūöhtöre holtö öt pinhë-eṅkūö im kantēra inkôlò, hòṅ hī teūngen tö neūkölōn, ngaich kôtökūö tö inkôlò nö holṙen hē el hanāṅten.

HEPRĀI 12:24

In Yēsū inrē ngam ma-ahôitöre nö im tufömngöre kinlēḵngô, im tö kichënyö inrē mahām, töngö-al huneū-euṙô tö Āpĕl.

TAITÖS 3:5

Ngam hanāngenlōn Ò inrē nö lā i tarik, öt kūö la-en i lanöökö, nup tī hī, tön sā ap neūkölōn Ò nö hayööken hī, i sinöichlö tinfömlö finötnyi, ane inrē tinfömlö aṅ im Töhet Fanöinylö,

Salmai 73:28

Tölöök pöri angū-ö nö in chu öich ṙūötöre im Tēv: vīlö ngam Mā Tēv chin nö innyatlö chu, hòṅ chu vënyö nup vahīṙen Meh nö ṙòkhöre.

1 PĪTÖR 1:2

Sā ngam mu-urĕh inkaha aṅ im Tēv ngam Yöng, i inhethölö tö ngam Töhet Fanöinylö, nö im ötminôṙô ngam kinchenytö mahām Yēsū Kristū inrē: inlōnti yēḵ in yīö, lanāmö inrē nö ṙūöhlöre ṙôken.

EFISÖS 3:12

Ngam chūök hī ötpinhe-eṅvkūö, ane inrē yih im inyönglen, lökten ngam mikah hī in Ò.

YĀKÖP 4:8

Ṙūötöre im Tēv, ngaich ṙūötöre min anga-aṅ nö in yīö. Söichlö eltīre yin, yī-ö tököölö fālen, yī-ö tö ka-ānga ellōn.

HEPRĀI 9:19

Pòn i tumö nup chöngö, tö ahangnyu tö Môsös, nö i yip tarik, asā ngam chöngö, kēḵ mahām pököre inrē, holtö mak, töngāṅv sanôi pököre, chōn hissòp inrē; ngaich hĕnghöre kicheny kui ngam līpöre, tö yik tarik inrē;

T. MËTIV 3:11

Kô chin chū-ö, aṅtī tö mak vōkö yīö, nö invöötö ellōn. Ap mu-unôichrit chu pöri, tömööḵlö kanô-òṅ tö chu; ötrēhĕn chin kô, kēḵ nuk kunröpö Ò, Anga-aṅ min vamôkö yīö nö aṅtī tö ngam Töhet Fanöinylö, tameūiyö inrē.

ISIKĪ-ĔL 16:9

Vōkö meh ngaich chū-ö tö mak söichngö nup mahām inrē nö ṙā-ang in meh, hachāmö meh inrē tö tavī-i.

YERIMIĀ 24:7

Kētö ellōn cha chin min nö akahakūö tö chu öich chū-ö Mā Tēv; ngaich acha-a min nö tarik chu ngaich chū-ö min inrē Tēv cha, pò cha min nö havantöre nö in chu nö keuheūttö ellōn re.

LA-EN LĒVĪ 8:6

Ngaich Môsös nö kēten Āròn tö yik kikōnyö kūön ò inrē, ngaich söichö cha tö mak.

YĀKÖP 1:6

Hökngen ò pöri yēḵ nö havë-a, nö hayönglenre, un katöngalōn; pò ngòh tökatöngalōn nö sā mahūṅvö mai, töfööṙi tö kuföt, nöng halöinyka.

INCHŌḴ-OṘÔ 23:26

Kūön chu, kēḵ töp ellōn re in chu, hökngen minë mat meh inrē nö ngëichngö në talöökö chu.

Salmai 119:7

Ha-öinyö Meh chin min hol tö tö chiplö ellōn: yē chu haköp ngam tö chip inkaha aṅ in Meh.

Salmai 51:10

Ō Tēv, vīlö töhet ellōn chu: tumfömlö öp tököp fanöiny-lö nö in chu.

KINṘEŪKÖ 8:7

Ngö tī pömchö tö cha, öm ahetlen cha: kicheny öp mak inlāmö nö i kui cha, ngaich kuhākö ngam alaha cha nö keuheūtngöre, hökngen cha inrē nö söich nup hiā re, nö ahetlöre.

LA-EN LĒVĪ 14:7

Sat heuh ti min anga-aṅ nö kicheny kui ò ngam töhalööklöngö nö ṙā-ang im yeūnyö, ngaich vënyen ò min nö öt kuvīö, ngaich kiteūngö ngam tö-aṅ chehechōn nö el kahôyö.

HEPRĀI 11:28

Lökten i ṙinātö ellōn anga-aṅ nö haköpkö ngam Paska, ngam kinchenytö mahām inrē, hòṅ ngam mahalëlngö yik lanòh nö öt lūölken cha.

HEPRĀI 10:19

Lökten in ngaich kuhēthötre, höltö inyönglen, ël ngam töhet chūök, lökten i mahām Yēsū,

SAKARIĀ 13:1

Ip sakāmö angū-ö hĕng min öp löklö mak tö löpnyukūö nö i patī Tāvit in yip aṅ Yērusalem inrē, kūö tökööl kūö töthet inrē.

Isayā 29:13

Ngaich ngam Mā nö ngö ṙô. Pò vē tarik nö ṙuöhtöre nö in chu, ngaich cha-a nöng elvāngre i minuh cha inrē nö milēḵṙen tö chu, kēngöp ellōn re pöri cha-a nö marôvat tö chu, ngaich ngam pinhe-eṅkūö cha tö chu nöng chöngö tarik nöng inköptö cha:

1 KINṘÖTNGÖ 28:9

Më-eṅ inrē, kūön chu Sòlòmön, akahakūö man tö ngam Tēv ngam yöng meh, lök la-en ò inrē keuheūttö ellōnre holtö töhō kui lōn; tön chöh ellōn taṙòkhöre an ngam Mā Tēv, akaha elmat inrē tö tanūtö ellōn. Yē meh chöhan, kôtö kūö man min tö ò; yē meh pöri ṙāngen ò kavali min më-eṅ tö ò marôvat öm urāngen.

MANEUTNYI 29:4

Ngaich me-eṅ inrē min kēten Āròn tö yip kūön ò kikōnyö nö i kūö inkūp ngam rūkui inmūlö, ngaich söichö cha tö mak.

HEPRĀI 9:10

Pòn höng (nya-aṅkūö, òk inrē, nup tö ṙōlkangen inrē sinöichö) töng me-el kahôiṙen nö inlaha, tö hachöngtuṙen hanöng saha ṙētak ngam inlööktit.

1 TIMÒTĪ 4:2

Kūö innyatkö elmat tö tarik yip tö minyôinyaṅ, sā tö aṅtī tö töṙāich vët nö katānhöti nö el kuilōn cha;

YERIMIĀ 30:21

In cha min ap kūön rācha, löknyö el ṙôngö cha min nö yih öp mahayöngö cha; vīten ò chin min nö haröhtöre, ngaich yihtöre anga-aṅ min nö in chu, achīö ap tökô nö yihtöre nö in chu? ṙô ngam Mā Tēv.

YERIMIĀ 3:10

Pòrô pöri anū-ö në, sönngenre Yūtā ngam töminyôiny-aṅ kanānö ò nö öt havantöre nö in chu nö keuheūttö ellōn re, höng hanyatkö elmat pöri, ṙô ngam Mā Tēv.

Isayā 52:15

Ngatī min anga-aṅ nö harötlö tömaṙôngö pumnāmö tarik; tilupngö elvāng re min yip rācha tö pòkūö ò; pò cha min nö meuk nup tö-öl nö vënyu nö in cha, ngaich akahalōn min cha-a inrē tö nuk töthāngö tö cha.

Salmai 119:145

Ō Mā Tēv, sapṙô chu; havëken Meh chin keuheūt tö ellōn re: haköp minë chöngö Meh chin.

INMEUKHÖMAT 1:5

Ṙā-ang in Yēsū Kristū inrē, ngam tökô-en ameū-a, ngam lanòh kupah, ane inrē mahayöng yip rācha kūö panam. In Ò ngam töhāngenlōn tö hī, ngaich luhnyen hī ṙā-ang i nup tökööl hī, lökten i mahām Ò;

EFISÖS 6:5

Yī-ö mahalanṙen, hang ṙô cha yip fehngenre nö ing alaha nö yöngṙen yīö, holtö pinhe-eṅkūö, kinchëiyöre inrē, kô-en i ellōn yīö, sāre in Kristū;

INLAHEN 8:21

Rö-ö man hanôltöre, öt rēhĕn kintölu i ngih ṙô ih; pò ap ellōn meh nö öt chiplö nö i kūö ngam Tēv.

T. YÔHAN 8:9

Ngaich hē cha nö hāngö e, kö chanuhure cha-a ngaich, urĕh yik maṙöinylö, ngaich hēk yik ṙālö. Höng ṙā-ai Yēsū nöng hĕng tit tak, i chūökre ök kikānö nö sökhaka nö ellōn.

Salmai 119:80

Hökngen ngih lōn chu nö teung nö i minë chöngö Meh: hòṅ chu öt sirōngkūö.

Salmai 119:69

Vī minyôiny yin vē mahakeūlenre nö lā in chu: keuheūttö ellōn re pöri chū-ö haköp në chöngö Meh.

Salmai 119:58

Keuheūttö ellōn re chin havëkö inṙētöre in Meh: aheūkölōn yēḵ tö chu, sā ngam ṙô meh.

Salmai 119:34

Kētö mikah elmat chu, ngaich haköp ngam chöngö Meh chū-ö min: hôṅ, haköpken e chin min keuheūttö ellōn re.

Salmai 119:10

Chöhö Meh chin keuheūttö ellōn re: Ō, uh chin yēḵ kānngöre tö minë chöngö Meh.

Salmai 119:2

Tökôlò yin vē mahaköp në chöngö Ò: vē chamöhan nö keuheūttö ellōn re.

Salmai 111:1

Ha-öiny ngam Mā Tēv yin; hol tö ellōn re chin min Ha-öiny ngam Mā Tēv; elṙôngö mahalēn tö chiplen, in yip tö maṙôngö inrē.

Salmai 94:15

Pò ngam inkaha fālen min nö havantöre nö im lanöökö: ngaich ṙòkhöre min yip töchiplö ellōn nö tömrit e.

Salmai 84:11

Pò ngam Mā Tēv nö tavūöi, lanaklö inrē, kētö inkôlò An min ngam Mā Tēv: öt ma-iṅh tī re An tö nup tölöök nö i yip lamök i tö chiplö.

Salmai 32:11

Yī-ö tölöök, ṙamölōn yin yēḵ im Mā Tēv, ha-öiny öi ṙā-mölōn inrē: ṙòkhöre yī-ö töchiplö ellōn, hūḵa öi ṙāmölōn inrē.

Salmai 9:1

Keuheūt tö ellōnre chin min ha-öiny ngam Mā Tēv: ha-meuknyö nup pinngangkūö chin min vahīṙen meh.

1 KINṘÖTNGÖ 29:17

Tēv chu, akahalōn chin tö meh kamlah ellōn, tö kuchik ellōn inrē i tö chiplö; i chaniplö ellōn re chin kahanglōnre kētö në nö ṙòkhöre, ngaich chin inrē meuk vē tarik Meh, vē mī-ihih, kamahanglōnre nö kē-ĕti nö in meh nö ṙāmölōn.

1 KINṘÖTNGÖ 12:33

Aṅ Sepulön taneui anāi köṅny tö-ulòhten nö ngaich nö kumyung, tökētuṙen aṅtī nö i kinyūngö tö nup taṙòkhöre chehetī i kinyūngö, nö holṙen Tāvit nö hēngòng ellōn.

1 RĀCHA 15:3

Ngaich anga-aṅ nö lök i nuk tökööl ök yöng re kikōnyö, nuk vahīken ò nö urēhĕkūö ò: ngaich ök ellōn ò nö öt teung nö im Mā Tēv ngam Tēv ò nö sā ellōn ök yöng ò Tāvit.

LA-EN LĒVĪ 16:4

Hayutlöre min anga-aṅ töp töhet inyut öp linen, töp linen inrē töngënö kalröön pachūma hayutlöng min nö i alaha ò, nyëkö ṙat min anga-aṅ tö linen nyanëkṙat, hanyöötlöre inrē anga-aṅ töp linen sapīöv: töhet nun anū-ö nö hilā; hòṅ vōk alahare min anga-aṅ nö el mak ngaich hayutlöre tö u.

T. LŪKÖS 1:1

Pòn maṙôngö yik tö ngaichtī nö kūich inlahen nuk töngaichngen kinheūṅti nö in hī.

INLAHEN 22:16

Sitih pömrih öm höngngöh? Choholre man; öm vōkö, söichngö nup tököölre; havëkö Mine-eny Ò.

HEPRĀI 6:11

Hōten yīö in kö pētngen hameuktö töngatī, im kanô-en mineūka, söl ip manā-aṅ:

HEPRĀI 10:1

Pò ngam chöngö nöng nyat nup tölöök yamih, öt nup tökô-en takô nö insā; ötkô anū-ö nö holtö nup tökētuvö töt hĕnghang samyeūheu, nup kahëtö cha nö örheūheu, nö teungtentī tö yip yamih.