HEPRĀI 10:14 - TÖHET LĪPÖRE (Re-edited) Bible (BSI)

¹⁴ Pòn lökten i ngam töhĕng tökētuvö, Anga-aṅ nö hateungten cha nö örheūheu yip tö-ahetlöngö.

HEPRĀI 10:14 Referans Kwoze

HEPRĀI 10:1

Pò ngam chöngö nöng nyat nup tölöök yamih, öt nup tökô-en takô nö insā; ötkô anū-ö nö holtö nup tökētuvö töt hĕnghang samyeūheu, nup kahëtö cha nö örheūheu, nö teungtentī tö yip yamih.

HEPRĀI 7:25

Lökten inrē Anga-aṅ nö kô nö öt chöḵöv tī nö hayööken cha yip ṙamūötöre nö im Tēv nö lökten in Ò, pòn örheūheu Anga-aṅ nö aṅ, nö vë-elkui cha.

HEPRĀI 9:14

Iṙôkhöl öre ngam mahām Kristū, ngam lamökten im tö-örheūheu-aṅ Töhet Fanöinylö, nö kēḵngöre nö im Tēv, nö töt mirūnuvö, ahetlö elkui lōn yīö, i nup tökapah la-en, öi lök la-en ngam tö-aṅ Tēv.

HEPRĀI 2:11

Pò cha nyöre tö ngam ma-ahethölö, tö cha inrē yip tö ahetlöngö nö ṙòkhöre no hĕng; angū-ö an lökten Ò nö öt sirōngkūö nö kisānuvö ṙô tö cha,

RŌMA 15:16

Pò chu hōtu mameukṙen Kristū Yēsū i vē Tahëng mihëṅṙö, mineukṙen ngam tölöök inhangkö ngam Tēv, hòṅ ngam kinëtö yip Tahëng minhëṅṙö nö tö hō-ovö, nö tö ahetlöngö tö ngam Töhet Famöinylö.

HEPRĀI 13:12

Lökten Yēsū inrē, pòn hòṅ ahetlö yip tarik Anga-aṅ nö lökten i mahāmre, kihngen nö lā-uk ök inkūp.

HEPRĀI 7:19

(Pò ngam chöngö nö öt vahītuṙen tö töteungten) ane inrē kumtö öp tö ēhten mineūka nö in e, ngam löktö hī ṙūöhtöre im Tēv.

EFISÖS 5:26

Pòn hòṅ ahetlö e, ngaich nö ahëtö e nö husöich tö ngam mak holtö ngam ṙô,

INLAHEN 20:32

Ngaich chin töngamuh kēten yīö im Tēv, im ṙô ngam inlōnti aṅ in Ò, ngam tökô-òren nö ṙūölen yīö, kētö amin yīö inrē i nup taṙòkhöre tö ahetlöng.

NGAM LĪPÖRE KAHŪICH YŪT 1:1

Tīnngö sinlāmö ön Yūt, kūönkūö Yēsū Kristū, kahëm Yāköp, i yip töhavëka, hanāngen im Tēv Yöng, yip töhaköpka tö pòkūö Yēsū Kristū inrē:

1 KÒRIN 1:2

Löö im māṅ ngam Tēv i Kòrin, cha-a yip tö ahetlöngö nö in Kristū Yēsū, töhëtö-invëka, ṙòkhöre, hol tö yip mahavëkö mine-eny ngam Mā hī Yēsū Kristū, keuheūtngöre chūök, ngam Mā hī tö cha.

HEPRĀI 9:10

Pòn höng (nya-aṅkūö, òk inrē, nup tö ṙōlkangen inrē sinöichö) töng me-el kahôiṙen nö inlaha, tö hachöngtuṙen hanöng saha ṙētak ngam inlööktit.

INLAHEN 26:13

Me-eṅ rācha; ik sakāmö chū-ö el talöökö, öich meuk ök töyang aṅ el halīöngö, yang nö havīlen chu, yik hol chu inrē kumröönngöre.

HEPRĀI 10:10

Lökten e, angū-ö lōn, ayī-ö ngaich ahetlöngö, i kinëtö ngam alaha Yēsū Kristū, nöng hĕng heuh öt hēk.

HEPRĀI 10:12

Anga-aṅ pöri tö kinheūṅtenre nö kētö ngam töng hĕng tökētu töpòkūö tökööl, ūichngöre ngaich örheūheu nö lahāmö ngam Tēv;