HEPRĀI 10:12 - TÖHET LĪPÖRE (Re-edited) Bible (BSI)

¹² Anga-aṅ pöri tö kinheūṅtenre nö kētö ngam töng hĕng tökētu töpòkūö tökööl, ūichngöre ngaich örheūheu nö lahāmö ngam Tēv;

HEPRĀI 10:12 Referans Kwoze

HEPRĀI 1:3

Pòn Anga-aṅ yanëichö ngam kanôlò, kintān tö ngam Tēv takô inrē; kumṙapkö në taṙòkhöre chehen, lökten im minhôiṅyö ṙôre: keuheūtheṙen nö söichngö në tökööl ngaich ūichngöre nö lahāmö ngam kanôlò lātulöng.

KÒLÒSĪ 3:1

Yē yīö ngaich hachohlöngö hol Kristū, chöh nup lamātulöng yin, i chūök Kristū nö ūichhaka, nö lahāmö ngam Tēv.

RŌMA 8:34

Achīö ang anga-aṅ min töt mahakôlò; Kristū Yēsū an ngam tö kapah; hôṅ ngam tö hachohlöngö nö ṙā-ang yip tö kapah, ngam lahāmö ngam Tēv, ngam vame-elkui hī inrē.

HEPRĀI 9:12

Öt rēhĕn nö lökten i mahām pököre, kun nuā inrē; lökten i mahām Ò pöri, Ana-aṅ nö kuhēthötre, nöng hĕng van, el ngam töhet chūök, ngaich teūngen tö ngam tö örheūheu ṙinānyö.

HEPRĀI 8:1

Ngih ön yöngkūö ngam kahòkkö hī: aṅhaṅv-in in tö mākūö kūönṙô ngam amūichngöre nö lahāmö ngam kantēra ngam Rācha el minë el halīöngö.

Salmai 110:1

Ngö ṙô An ngam Mā Tēv tö ngam mā chu: ūichngöre man lāhāmö chu, hanöng saha tī chu vītö yip tö kunyaha elmat tö meh nö ranöönö röön meh.

T. MĀKÖS 16:19

Ngaich ngam Mā Yēsū nö kēḵlöngö nö el halīöngö, tö kinheūṅtö ṙô Ò tö cha; ngaich ūichngöre nö lahāmö ngam Tēv.

EFISÖS 5:2

Lök im hanāngenlōn, sā Kristū nö hāngenlōn tö hī inrē, ngaich kēḵngöre töpòkūö hī, tökētuvö nö im Tēv, nö tö tahūsa, töhōḵov inrē.

HEPRĀI 5:1

Pòn ṙòkhöre vē mākūö kūönṙô, nö ṙā-ang i tarik nö kē-ĕ, pòkūö tarik nö vīlöngö nö i nup aṅ im Tēv, pòn hōtu nö hĕnghöre kētö nup inlōnti, kūö tökööl, nup tökētu inrē;

HEPRĀI 5:3

Angū-ö lökten nö öt ṙanāngen, töpòkūö më tarik, pòkūöre inrē, nö kētö tökētu kūö tökööl.

HEPRĀI 7:27

Öt sā yik mākūö kūönṙô nö kētö nup tökētu, nö hòṅ öt hĕng hang sumkam, urĕh nö chööḵnyö tö nuk tökööl cha, ngaich möl nö chööḵnyö tö nuk tökööl yik tarik; höng hĕng heuh tī pöri Anga-aṅ tö chööḵnyö tö taṙòkhöre, hē Ò nö kēḵngöre.

HEPRĀI 9:14

Iṙôkhöl öre ngam mahām Kristū, ngam lamökten im tö-örheūheu-aṅ Töhet Fanöinylö, nö kēḵngöre nö im Tēv, nö töt mirūnuvö, ahetlö elkui lōn yīö, i nup tökapah la-en, öi lök la-en ngam tö-aṅ Tēv.

HEPRĀI 10:10

Lökten e, angū-ö lōn, ayī-ö ngaich ahetlöngö, i kinëtö ngam alaha Yēsū Kristū, nöng hĕng heuh öt hēk.

HEPRĀI 10:14

Pòn lökten i ngam töhĕng tökētuvö, Anga-aṅ nö hateungten cha nö örheūheu yip tö-ahetlöngö.