HEPRĀI 10:11 - TÖHET LĪPÖRE (Re-edited) Bible (BSI)

¹¹ Öthĕng hang sumkam vē kūönṙô nö sökhaka nö meukṙen, ṙōlheuh tī inrē nö kētö nup töng hĕngren tökētuvö, nup töt kanô-òṅvö nö kēḵngö tökööl,

HEPRĀI 10:11 Referans Kwoze

HEPRĀI 10:4

Pòn öt kanô-òṅvö nup mahām nuā, mahām pököre inrē, nö kēḵngö tökööl.

HEPRĀI 5:1

Pòn ṙòkhöre vē mākūö kūönṙô, nö ṙā-ang i tarik nö kē-ĕ, pòkūö tarik nö vīlöngö nö i nup aṅ im Tēv, pòn hōtu nö hĕnghöre kētö nup inlōnti, kūö tökööl, nup tökētu inrē;

KINṘEŪKÖ 28:3

Ngaich ngö ṙô më-eṅ min tö cha, Ngih ön tökētu lökten i kūö tameūyö nö tökētu min tö yīö nö im Mā Tēv; kōiny kūön sīṅp aṅ im raneh samyeūheu töt pitōtu, nët nòng i töhĕng sakāmö, nö töng iṙūöhen töföngö tökētu.

HEPRĀI 7:27

Öt sā yik mākūö kūönṙô nö kētö nup tökētu, nö hòṅ öt hĕng hang sumkam, urĕh nö chööḵnyö tö nuk tökööl cha, ngaich möl nö chööḵnyö tö nuk tökööl yik tarik; höng hĕng heuh tī pöri Anga-aṅ tö chööḵnyö tö taṙòkhöre, hē Ò nö kēḵngöre.

Isayā 1:11

Suh chööḵnyi nö tö ngatī ṙôken tökētu tö yīö nö in chu? ṙô ngam Mā Tēv: Tööḵngen chin tö töföngö tökētu kūön sīṅp, tö tösangöö nup töha-òknyu alaha töṙeūla inrē, rö-ö chin kuchīkölōn i mahām kōiny nuā, i mahām kūön pököre hēk i mahām kōiny pököre.

HEPRĀI 10:1

Pò ngam chöngö nöng nyat nup tölöök yamih, öt nup tökô-en takô nö insā; ötkô anū-ö nö holtö nup tökētuvö töt hĕnghang samyeūheu, nup kahëtö cha nö örheūheu, nö teungtentī tö yip yamih.

TANĪ-ĔL 12:11

Ngaich löktökūö ngam ṙētak öp tö-iṙūöhen töföngö tökētu nö kē-ĕyö, ngaich öp sin-òkkūö öp ma-ahathanga nö asöklöng, ngaich mīnö nö umuh hĕng köṅny nëtòng machūötör anāi sakāmö.

TANĪ-ĔL 11:31

Meūkö min yip kumyung aṅ in ò nö hachōichngö ngam tempöl tö nup chūök kumyung inrē, ngaich kēngö nup tö-iṙūöhen töföngö tökētu. Ngaich cha-a min nö asöklö öp sin-òkkūö öp vamīten töhatngö min.

TANĪ-ĔL 9:27

Ngaich anga-aṅ min nö vī öp tökalēḵ kinlēḵgô i tömaṙôngö nö hĕng afta; ngaich im tö ròngti afta anga-aṅ min nö ṙāngen nup tökētuvö; ngaich i rōi kël öp sin-òkkūö min nö yih öp pumyāihanga hanöng saha ngam chöngö nö keuheūten ngaich hōngtu kui min öp pumyāihanga.

TANĪ-ĔL 9:21

Hē chu ṙònghöichṙô vë-ekūötēv, ngaich ök tarik Kēprīĕl, ök maheuk chu ik tö meūkö lā urĕh, nö yihtöre nö in chu nö yit nö kiteūtöre tö harap i ṙētak tökētuvö.

TANĪ-ĔL 8:11

Hapōilöre anga-aṅ, nö uroh nö sā kūön rācha minë tömaṙôngö; ngaich nuk töt heumköre töföngö tökētu nö kē-ĕyö nö ṙā-ang in ò, ngaich ök töhet chūök ò nö tiṙōli.

ISIKĪ-ĔL 45:4

Töhet öp min öp tömichööḵlöngö im panam; lumnöö ṙô yip kūönṙô ap min, yip memeukṙen nö el ngam töhet chūök maharöhtöre inrē nö im Mā Tēv nö meukṙen ò; ngaich angū-ö min inrē nö chūök nup patī cha töhet inrē nö chūökṙen lumnööṙö ngam töhet chūök.

KINṘEŪKÖ 29:6

Hol nup tökētu ip tufömngöre chingëṅt, tö nup nyā-aṅ inrē tökētu, nup tö-ôkö inrē in e sā inchöngten u, tötahūsa, tökētu nö i ngam Mā Tēv lökten i kūö tameūyö.

KINṘEŪKÖ 28:24

Ngö inlahen yin min kaheuk sakāmö kē-ĕti, sat sumkam, öp nyā-aṅ tökētu lökten i kūö tameūyö, tötahūsa nö i ngam Mā Tēv: kētu min angū-ö nö hol ngam tö-iṙūöhen töföngö tökētu, tö ngam tö-ôkö tökētu inrē.

MANEUTNYI 29:36

Kaheuk sakāmö min më-eṅ kētö kōiny nuā nö inlāmö kūö tökööl: ngaich ahetlö ngam tahāklö më-eṅ, yē meh kētö inlām tökööl tö pôkūö e; ngaich hachāmö e min më-eṅ, öm ahetlö e.

MAIKA 6:6

Tö lökten chin min yih i kūö ngam Mā Tēv, öich sōntöre inrē i kūö ngam lātulöng Tēv? Yih öich kòh min i kūö ò kumtö töföngö tökētu, kumtö kun nuā töhĕng höiny samyeū ṙēti?

HEPRĀI 8:2

Mameukṙen töhet, ngam tökô-en inrūkui inrē, ngam vahītö ngam Mā, öt tarik.

HEPRĀI 8:4

Yĕn ing panam öre Anga-aṅ, ngaich rö-ö öre Anga-aṅ nö kūönṙô pòn yip umuh kamëtö nup inlōnti tö sā ngam chöngö;