HEPRĀI 10:10 - TÖHET LĪPÖRE (Re-edited) Bible (BSI)

¹⁰ Lökten e, angū-ö lōn, ayī-ö ngaich ahetlöngö, i kinëtö ngam alaha Yēsū Kristū, nöng hĕng heuh öt hēk.

HEPRĀI 10:10 Referans Kwoze

HEPRĀI 10:14

Pòn lökten i ngam töhĕng tökētuvö, Anga-aṅ nö hateungten cha nö örheūheu yip tö-ahetlöngö.

HEPRĀI 10:12

Anga-aṅ pöri tö kinheūṅtenre nö kētö ngam töng hĕng tökētu töpòkūö tökööl, ūichngöre ngaich örheūheu nö lahāmö ngam Tēv;

1 KÒRIN 6:11

Ngatī yip misī rēvre in yīö: ngaich pöri yī-ö söichö, ngaich pöri yī-ö ahetlöngö, ngaich pöri yīö halööklöngö i mine-eny ngam Mā Yēsū Kristū, im Töhet Fanöinylö ngam Tēv hī inrē.

HEPRĀI 7:27

Öt sā yik mākūö kūönṙô nö kētö nup tökētu, nö hòṅ öt hĕng hang sumkam, urĕh nö chööḵnyö tö nuk tökööl cha, ngaich möl nö chööḵnyö tö nuk tökööl yik tarik; höng hĕng heuh tī pöri Anga-aṅ tö chööḵnyö tö taṙòkhöre, hē Ò nö kēḵngöre.

T. YÔHAN 17:19

Pò kūö cha Chin ahetlöre, hòṅ cha cha-a inrē nö ahetlöngö, nö im kanô-en.

HEPRĀI 13:12

Lökten Yēsū inrē, pòn hòṅ ahetlö yip tarik Anga-aṅ nö lökten i mahāmre, kihngen nö lā-uk ök inkūp.

1 KÒRIN 1:30

In Ò pöri yī-ö in Kristū ngam tövītu nö mikah ngam Tēv nö in hī, lanöökö, inhetlö, ṙinānyö inrē:

HEPRĀI 9:28

Ngatī Ang Kristū hĕng heuh nö kēḵngöre, nö keun kanöölö tömaṙôngö; ngaich meūkö min im innëtvan, tö cha yip hamöngkö kūö Ò, nö kumtö inyööken, nö köhngen töm tökööl.

HEPRĀI 9:12

Öt rēhĕn nö lökten i mahām pököre, kun nuā inrē; lökten i mahām Ò pöri, Ana-aṅ nö kuhēthötre, nöng hĕng van, el ngam töhet chūök, ngaich teūngen tö ngam tö örheūheu ṙinānyö.

1 PĪTÖR 2:24

Ngam tö aṅhaṅv alaha tö në tökööl hī, nö irōi ngam chōn; hòṅ hī ngaich tökapah, ṙā-ang ngam tökööl, aṅ pöri im lanöökö. Lööken yin ngaich, tökūö nuk finôhòh Ò.

HEPRĀI 10:20

Ngam talöökö ahetlö Ò töpòkūö hī, tufömngöre, talöökö ngam nômö inrē, lökhöt ngam tananglö, ngam alaha Ò.

SAKARIĀ 13:1

Ip sakāmö angū-ö hĕng min öp löklö mak tö löpnyukūö nö i patī Tāvit in yip aṅ Yērusalem inrē, kūö tökööl kūö töthet inrē.

HEPRĀI 9:26

Yĕn ngatī öre, ngaich tö ṙōl heuh kanihngen Kristū, hētentö ranehlö ngih panam. Ngaich pöri töngamuh nö kētuvö nöng hĕng heuh, i chanūhu ngam höteh, Anga-aṅ nö hameuktöre nö kēḵngö tökööl, i tī Ò nö kēḵngöre.

HEPRĀI 2:14

Pòn ngaich më nyīö nö nôlta nö im alaha, mahām inrē, ngaich ngatī Anga-aṅ inrē nö nôlta nö in e; pòn hòṅ lökten im kinpaha, nö harāinyngen ò ngam tö minhôiṅyuvö tö kinpaha, anga-aṅ ngam sī-ö;

1 YÔHAN 5:6

Anga-aṅ yamih lökten ngam mak, mahām inrē ang Yēsū Kristū: öt höng ngam mak, ngam mak pöri nö holtö ngam mahām.

T. YÔHAN 19:34

Hĕng tak pöri ök kumyung tö aṅtī tö vöi nö sapnyö elkël Ò; ngaich ilöö hëmnyi nuk mahām, holtö mak.

HEPRĀI 2:11

Pò cha nyöre tö ngam ma-ahethölö, tö cha inrē yip tö ahetlöngö nö ṙòkhöre no hĕng; angū-ö an lökten Ò nö öt sirōngkūö nö kisānuvö ṙô tö cha,

HEPRĀI 10:5

Lökten hē Ò nö yih nö ing panam, ngö ṙô Anga-aṅ, Ötlōnu Man tö tökētu: alaha pöri öp tö halēnö tö Meh nö pòkūö Chu.

T. YÔHAN 6:51

Chū-ö Chin tö-aṅ Ròtī, yamônti ṙā-ang el halīöngö. Yē öp tarik nyamā ngih Ròtī, örheūheu min nö aṅ. Alaha Chu an ngam kahëtö Chu min Ròtī, nö nômö ngih panam.

EFISÖS 5:2

Lök im hanāngenlōn, sā Kristū nö hāngenlōn tö hī inrē, ngaich kēḵngöre töpòkūö hī, tökētuvö nö im Tēv, nö tö tahūsa, töhōḵov inrē.

EFISÖS 5:26

Pòn hòṅ ahetlö e, ngaich nö ahëtö e nö husöich tö ngam mak holtö ngam ṙô,

HEPRĀI 5:7

Ök tö keuheūthëṙen nö kēḵlö nuk ṙôre vine-eṅlkui, hē ò nö tarik, nö kalēḵĕṙô nö peuiny, holtö makmat inrē, nö in Ò ngam tökô nö hayööken ò nö ṙā-ang im kinpaha, ngaich hāngö ṙô, chööḵnyö tö ök tölöök pinhe-eṅkūö,

HEPRĀI 9:14

Iṙôkhöl öre ngam mahām Kristū, ngam lamökten im tö-örheūheu-aṅ Töhet Fanöinylö, nö kēḵngöre nö im Tēv, nö töt mirūnuvö, ahetlö elkui lōn yīö, i nup tökapah la-en, öi lök la-en ngam tö-aṅ Tēv.

HEPRĀI 10:29

Iṙôkhöl öt inkôlò min, tö lōn yīö, anga-aṅ, ngam ramööntö kui ngam Kūön ngam Tēv nö elröönre ngaich inrē nö kaheuktö ngam mahām ngam kinlēḵngô nö töthet, ngam löktö ò nö ahetlöngö, ngaich miyëḵṙen inrē tö ngam Töhet Fanöinylö inlōntö?

1 PĪTÖR 3:18

Pò Kristū nö hĕngheuh misī nö kihngen kūö tötlöök, ngam tölöök, pòn hòṅ kēten hī Anga-aṅ im Tēv; kumpaha nö im alaha, ha-aṅhaṅ pöri nö im ma-alaha,