HEPRĀI 1:9 - TÖHET LĪPÖRE (Re-edited) Bible (BSI)

⁹ Töhāngenlōn man tö tölöök, surīkhö tötlöök pöri, lökten ngam Tēv, ngam Tēv Meh, nö fòh elkui Meh tö ngam tavī-i ṙanāmölōn, möthë tö yip hol Meh.

HEPRĀI 1:9 Referans Kwoze

Salmai 45:7

Hāngenlōn man tölanöökö, surīkhö ötlanöökö inrē. Lök-ten ngam Tēv, ngam Tēv meh, nö hacham elkui meh, tö tavī-i ṙanāmölōn öm möt-lö tö yip holre.

Salmai 23:5

I kūö chu tī me-eṅ halēn mīs chu nö i kūö yip tökunya-haṅ elmat tö chu: hacham kui chu më-eṅ tö tavī-i; ta-ṙēchi ngam chūök òk chu.

Isayā 61:3

Kē-ĕkūö yip töhaṙivlōn inrē i Sīyôn tö neūmö ṙënngen tisum, tavī-i ṙanāmölōn inrē nö ṙënngen miṙivlōn, nöinyö inrē kinṙum nö ṙënngen tötkalē-en ellōn; hòṅ cha nö kaheūkö nö ōk chōn lanöökö, nö taheūichtö ngam Mā Tēv, hòṅ ò nö hapōilöngö.

KALATĪ 5:22

Në pöri ṙòng ngam Töhet Fanöinylö. Hanāngenlōn, ṙanāmölōn, lanāmö, manöiyö, miṙēlōn, lanöökö, kanô-en.

RŌMA 15:13

Ngam Tēv mineūka an yēḵ, mahatööḵngen yīö tö ṙanāmölōn, kumchikṙen inrē, im ṙinātö ellōn: hòṅ yīö ṙuhölre im mineūka, lökten i minhôiṅyö ngam Töhet Fanöinylö.

Isayā 61:1

I kui chu an ngam Töhet Fanöinylö ngam Mā Tēv, pò ngam Mā Tēv nö hacham kui chu öich kētö tölöök inhānga in yip töhakihtuṙen; tinngen chu an chömlö tölakūki ellōn, ahangkö ṙinānyö tökē-ĕ, linöpnyö kūö chūök insongngö tarik tö yip tönyëki ël e;

T. LŪKÖS 4:18

Aṅhaṅv-in Chin tö ngam Töhet Fanöinylö ngam Mā Tēv; pò Ò nö vīten Chu Öich mumkahten vē yāich, tö ngih tölöök inhānga; tīnngen Chu An, Öich ve-eny ṙinānyö vē tökē-ĕ, ane inrē yip tötmeuk nö hēk nö meuk; ṙamānyö yip töhanyahka;

AMŌS 5:15

Surīkhö ngam tötlöök, hāngenlōn tö ngam tölöök, haköpngö ngam inkaha fālen nö i kūö inkūp; lohten ngam Mā Tēv, ngam Tēv yip tömaṙôgö min nö aṙē-ĕlōn tö yip chööḵṙen Yôsĕf.

1 YÔHAN 1:3

Ngam maheuṅk ih, ahang ih inrē, vë-eny nang yīö ihö, hòṅ yīö inrē hanôltöre in ih. Hol ngam Yöng, ngam Kūön Ò inrē, Yēsū Kristū, ngam innôlö hī.

1 PĪTÖR 1:3

Tökôlò an yēḵ ngam Tēv, ane inrē Yöng, ngam Mā hī Yēsū Kristū ngam tö sā ṙôkö öp neūkölōnre nö kayôḵnyen hī im tö aṅ mineūka, lökten i invanlö Yēsū Kristū nö ṙā-ang i tökapah,

Isayā 61:8

Pò ngam Mā Tēv nö hāngenlōn tö tötmichūṙen kinṙôka surīkhö unlāya chin tövaich inrē; kô-en chin min kē-ĕkūö cha tö invāhal in cha, vītö ngam tötchanūhuvṙen kinlēḵngô min chū-ö in cha.

INCHŌḴ-OṘÔ 8:13

Sunrīkhö tötlöök an ngam pinhë-eṅkūö tö ngam Mā Tēv. Inkeūlen kanësen inrē talöökö tölöök tö hachōchi ṙô inrē surīkhö chu.

HEPRĀI 7:26

Ngam töngati mākūö kūön ṙô tö löngta nö in hī, töhet, öt tököölu, öt töchōchu, hakösiṙen tö tököölö fālen, tumlönglöngö tö minë halīöngö;

FILIPĪ 2:9

Lökten ngam Tēv nö hapōilen Ò, ngaich kētö Minë-eny Ò töp lamātulöng tö në minë-eny nö ṙòkhöre;

EFISÖS 1:3

Tökôlò an yēḵ ngam Tēv Yöng ngam Mā hī Yēsū Kristū, ngam mahakôlò hī tö aṅ i töhet inkôlò el halīöngö in Kristū:

1 KÒRIN 1:9

Tökô-en an ngam Tēv, ngam talöökö yīö havëtu im innôlö ngam Kūön Ò, Mā hī, Yēsū Kristū.

T. YÔHAN 20:17

Ngaich ngö ṙô Yēsū tö ò, Uh Chin lūölka, tön öl Chin yônlö im yöng. Kiröönngöre pöri, kuṙòh; ve-eny nang yip hol Chu tö Chu yônlö im Yöngre, Yöng yīö inrē; im Tēv Chu, Tēv yīö inrē.

T. YÔHAN 1:41

Urĕh anga-aṅ nö chöh ök mëmre Sīmōn; ngaich ngö ṙô tö ò, Kôtökūö an tö Mesayā, (ngam tö ngö Kristū;)

Salmai 119:128

Lökten chin pōilö lōn tö minë chöngö Meh, i nup töng chip nö ṙòkhöre: surīkhö nup talöökö minyôiny chin.

Salmai 119:104

Lökten i minë chöngö Meh chin teūngen tö mikah elmat: lökten chin surīkhö tö minyôiny talöökö.

Salmai 89:20

Ngaich chin kôtökūö töp kūön re Tāvit: hacham elkui Ò chin ngaich tö ngam töhet tavī-i.

Salmai 33:5

Hāngenlōn an tö lanöökö inkaha fālen inrē: tööḵlö ön ngih panam tö hanāngen neūkölōn ngam Mā Tēv.

INMEUKHÖMAT 2:15

Aṅhaṅv-in man inrē tö yip rēvre ṙamapkö ngam inköphöti aṅ i yip tamömrit Nikòlāi, öm ngatī.

2 KÒRIN 11:31

Akahalōn An ngam Tēv, ngam Yöng ngam Mā hī, Kristū, ngam tö-örheūheu nö tökôlò, tö chu öt minyôinyaṅ.

RŌMA 12:9

Un anhaṅv in ngam hanāngenlōn tö innyatkö elmat. Surīkhö ngam tötlöök; kiṙapngöre im tölöök.

INLAHEN 10:38

Tö Yēsū aṅ Nāsaret, ngam tö hachāmö elkui tö ngam Tēv, tö ngam Töhet Fanöinylö, minhôiṅyö inrē. Ök kumröönköre nö la-evṙen tö tölöök, halanken yik taṙòkhöre töt hakôlöngṙô tö ngam sī-ö, pò ngam Tēv nö in Ò.

INLAHEN 4:27

Pòn kô nö i ngih panam nö lā-al ngam töhet Kūön Meh Yēsū, ngam töhachāmö kui tö Meh, hĕnghöre Heròt, Pailĕt inrē, nö hol yip Tahëng mihëṅṙö, vē tarik Israĕl inrē, nö hamūlöre,

T. YÔHAN 3:34

Pò ngam tötīntu tö ngam Tēv nö ṙôtö ṙô ngam Tēv, Pò Ò nö ötkinlahav tī nö kētö ngam {Töhet} Fanöinylö.

SAKARIĀ 8:17

Un hĕng tak tö yīö tö ellōn re lōn tö tötlöök nö lā-al holre; ui hāngenlōn inrē chūökuṙô i minyôiny-aṅ tön anū-ömin ṙòkhöre surīkhö chu, ṙô ngam Mā Tēv.

Salmai 89:26

Ngaich ngö ṙô Anga-aṅ nö in chu: Me-eṅ Man Yöng chu, Tēv chu, ihong chu, inyöölen.

Salmai 40:8

Ō Tēv chu, ööire chin la-evṙen tö lōn meh: hòṅ, ellōn chu an ngam chöngö meh.

Salmai 37:28

Tön hāngenlōn an ngam Mā Tēv tö inkaha fālen, öt ṙāngö yip töhetre inrē; örheūheu yip nö aṅtu: rökiṙen pöri min yip kūön yip tötlöök.

Salmai 11:5

Kalah tölöök an ngam Mā Tēv: surīkhö ngam tötlöök pöri ngam töhangenlōn inrē tö inngëtachōich.

Salmai 2:6

Ha-ūichlö ngam rāchare chin sönen: i kui ngam töhet rôngö Siyôn.

Salmai 2:2

Haṙāköre yin vē rācha ngih panam vē mahayöng inrē nö halēnlö ṙôre: nö lā-al ngam Mā Tēv, lā-al ngam hacham elkui ò inrē, nö ngö ṙô;

HEPRĀI 2:11

Pò cha nyöre tö ngam ma-ahethölö, tö cha inrē yip tö ahetlöngö nö ṙòkhöre no hĕng; angū-ö an lökten Ò nö öt sirōngkūö nö kisānuvö ṙô tö cha,

Salmai 45:6

Ō Tēv, töt chanūhuvṙen an ngam kantēra minā-aṅ meh: ngam kinchīṙö minā-aṅ ṙa-nôngö an kinchīṙö ngam pūlngö meh.

T. YÔHAN 10:17

Lökten An ngam Yöng nö hāngenlōn tö Chu; pò Chu kēḵngö nômöre; hòṅ Chu kē-ĕ e hēk.

INLAHEN 4:26

Hatöököre yin vē rāchakūö ngih panam, hamūltöre inrē vē yöngṙen, nö lā-al ngam Mā, lā-al ngam Kristū Ò inrē.

HEPRĀI 2:9

Ngaich pöri ayī-ö meūkö Ò, ngam tövītu misī nö lātaṙūḵ hö-ö tö më ma-ahānga, Ang Yēsū, tö kanôlò, ineū-euṅ inrē, pòn hōtu nö lökten im inlōnti aṅ im Tēv, Anga-aṅ nö kalah kinpaha, nö pòkūö tarik.

KINṘEŪKÖ 7:43

Hĕng ök rūpīö törah pingāṅl kahëtö ò, hēngòng lūöi anāi siköl lumngan, hĕng ök rupīö töchilū pingāṅl ök tösat anāi siköl lumngan, tösā siköl ngam töhet chūök, nëtre anū-ö nö tööḵlö tö töpahīöya atra kalūöchö tötavī-i nö nyā-aṅ tökētu;