HEPRĀI 1:8 - TÖHET LĪPÖRE (Re-edited) Bible (BSI)

⁸ Ngö ṙô pöri Anga-aṅ töm Kūön, Höng tö örheūheu an ngam kantēra Meh, Ō Tēv; ngam tinkung ngam lanöökö an, tinkung ngam pūlngö Meh.

HEPRĀI 1:8 Referans Kwoze

T. YÔHAN 10:30

Hĕng An Āyö, tö ngam Yöng.

RŌMA 9:5

Tömuvöhnguvö tö yik lökngörit Kristū nö sā tarik, ngam i kui taṙòkhöre, tökôlò Tēv örheūheu. Āmen.

1 YÔHAN 5:20

Akahalōn ayī-ö inrē, tö ngam Kūön ngam Tēv nö yih, ngaich nö kētö mikahlōn hī inrē, öi akahakūö töm kanô-en, im Kūön Ò Yēsū Kristū. Anga-aṅ ön ngòh tökô-en Tēv, Nômö inrē tö-örheūheu-aṅ.

Isayā 7:14

Lökten an ngam Mā min nö kē-ĕkūö yīö tö minkahngö. Yĕh meuk hĕng tak öp min töt chô-òv rēlö pumrūkö nyīö, ngaich kayôḵnyö kikōnyö nyīö, ngaich kaheuk minë-eny ò min nö Immanuĕl.

T. MËTIV 1:23

Yĕh meuk; ap tötchô-òv rēlö min puyōsö: kikōnyö ap min nyīö töfötnyuvö; Immānu-el invëka ap min Mine-eny Ò, tö cha. “Höltöṙah hī An ngam Tēv” töngö manah an ngam ṙô “Immanū-el.”

Salmai 145:13

Tö örheūheu an ngam pūlngö Meh: köp ngam pūlngö min keuheūt michaplö tarik.

MALAKI 3:1

Yĕh meuk, tīntö ma-ahānga chin, ngaich anga-aṅ min nö urĕh tö chu nö halēnkö talöökö; ngaich ngam Mā, ngam chahöh yīö, nöng lūk min nö yih nö el ngam töhet chūök ò; ngam ma-ahangkö ngam kinlēḵngô inrē, ngam chūök kumchiklōn inrē, ngam chūök kumchiklōn yīö, yĕh meuk, yih ana, ṙô ngam Mā Tēv yip tömaṙôngö.

SAKARIĀ 9:9

Ō kikānö Sīyôn, kiröngen inṙamlōn man; hū-a man, Ō kikānö kūön Yērusalem: yĕh meuk, yih an ngam rācha meh nö in meh tölöök an, aṅhaṅv-in inrē tö inyööken; yāich an i uk kötta an, i uk kūön kötta inrē.

1 KÒRIN 15:25

Pòn Anga-aṅ mahayöng, hanöngsaha tī Ò nö rööntökui yip tö kunyaha elmat tö Ò.

T. YÔHAN 20:28

Ngaich ngö ṙô Tômös, nö sapṙô Ò, Mā Chu, Tēv chu inrē!

HŌSĪ 1:7

Aheūkölōn pöri chū-ö min ip patī Yūtā, ngaich hayööken cha lökten ngam Tēv cha ngam Mā Tēv; öt hayööken cha nö lökten i linreny öt rēhĕn lökten i fël, öt rēhĕn lökten kinyūngö, öt rēhĕn lökten i kōra, öt rēhĕn lökten tarik aṅ uk kōra.

2 SAMUĔL 23:3

Ngö ṙô an ngam Tēv Israĕl, vë-ekūö chu an ngam Ihong Israĕl: ngam töchīpö tī nö hayöng tarik, ngam mahayöng i pinhë-eṅkūö tö ngam Tēv.

Salmai 99:4

Ngam kumlēḵ ngam Rācha i hanāngen tö inkaha fālen; ngaich man köpngö tī tö töṙong: ngaich Man tī tö inkaha fālen in Yāköp lanöökö inrē.

I. CHÖNGÖ 2:37

Höng im panam yip kūön Amön yī-ö öt haröhtöre; i kui öp tahël Yapök inrē nö ṙòkhöre, nup el panam nup rung panam inrē, ip töng chūök ngam Mā Tēv nö sōten hī, ngam Tēv hī.

1 TIMÒTĪ 3:16

Kiröng an ngam öt mikahkūö aṅ im lanöökö, öt kilka nö ṙô; Anga-aṅ ngam tö hameuktu nö im alaha, hameuktu nö ma-alaha nö tölöök, meūkö tö ma-ahānga, ahangka i vē tarik, in Ò nö ṙātö ellōnre vē aṅ ngih panam, kēḵlöngö im kanôlò.

T. YÔHAN 10:33

Ngaich yik Yahūti nö ngö ṙô, nö sapṙô Ò, Rö-ö in kūö tölöök la-en, hòṅ kulehe Meh; tön kūö ötlinëkô; pò Meh Me-eṅ, höng tarik, ngaich vī-ire Öm Tēv.

SAKARIĀ 13:9

Ngaich chū-ö min kētö ngam linūöi mi-ëlö nö löknyö kūö tameūyö, ngaich halöök tit u min sā inlöök tit rupīö, ngaich kalahten u min inrē nö sā kinlahten humlum: ngaich cha-a min nö havëkö minënyö chu, ngaich hang ṙô cha chū-ö min: Ngö ṙô chin min, tarik chu yin; ngaich ngö ṙô min cha-a, Tēv chu An ngam Mā Tēv.

YERIMIĀ 38:15

Ngö ṙô ngaich Yarimiā tö Sētikiā, Yē chu vë-enynang meh öthō öm min kumpahangvah chu? Ngaich yē chu halēnö meh, ngaich rö-ö min me-eṅ hō hang ṙô chu.

Isayā 45:25

Im Mā Tēv yip kūön Israĕl min nö ṙòkhöre nö mihôiṅ ineū-euvö inrē.

Salmai 72:7

Kôlò min yip tölöök ip sakāmö Ò: pōyen min inrē lanāmö: hanöng saha ngam chingëṅt nö öt ōtren.

I. CHÖNGÖ 7:14

Tö mötlö inkôlò yin min tö vē taṙòkhöre tarik: öt kikōnyuvö min hēk kikānö in yīö tötmikūönlö, hēk in nup chehen yīö töṙeūla.

2 PĪTÖR 1:11

Pōyen mineukten yin min tö lökhötre im tö örheūheu pūlngö ngam Mā hī ane inrē mahayööken, Yēsū Kristu.

T. LŪKÖS 1:75

Im hanëtö, im ötmichūṙen inrē, i kūö Ò: i rô-òtö në sakāmö hī.